ಉಷಸ್ಸಿನ ದಿವ್ಯ ಆಹ್ವಾನ - ಅರುಣೋದಯದ ಪ್ರಕಾಶ ಮತ್ತು ಸ್ತುತಿ

ಉಷೋ॑ ಭ॒ದ್ರೇಭಿ॒ರಾ ಗ॑ಹಿ ದಿ॒ವಶ್ಚಿ॑ದ್ರೋಚ॒ನಾದಧಿ॑ । ವಹಂ॑ತ್ವರು॒ಣಪ್ಸ॑ವ॒ ಉಪ॑ ತ್ವಾ ಸೋ॒ಮಿನೋ॑ ಗೃ॒ಹಂ ॥

उषो॑ भ॒द्रेभि॒रा ग॑हि दि॒वश्चि॑द्रोच॒नादधि॑ । वहं॑त्वरु॒णप्स॑व॒ उप॑ त्वा सो॒मिनो॑ गृ॒हं ॥

ಸು॒ಪೇಶ॑ಸಂ ಸು॒ಖಂ ರಥಂ॒ ಯಮ॒ಧ್ಯಸ್ಥಾ॑ ಉಷ॒ಸ್ತ್ವಂ । ತೇನಾ॑ ಸು॒ಶ್ರವ॑ಸಂ॒ ಜನಂ॒ ಪ್ರಾವಾ॒ದ್ಯ ದು॑ಹಿತರ್ದಿವಃ ॥

सु॒पेश॑सं सु॒खं रथं॒ यम॒ध्यस्था॑ उष॒स्त्वं । तेना॑ सु॒श्रव॑सं॒ जनं॒ प्रावा॒द्य दु॑हितर्दिवः ॥

ವಯ॑ಶ್ಚಿತ್ತೇ ಪತ॒ತ್ರಿಣೋ॑ ದ್ವಿ॒ಪಚ್ಚತು॑ಷ್ಪದರ್ಜುನಿ । ಉಷಃ॒ ಪ್ರಾರ॑ನ್ನೃ॒ತೂಁರನು॑ ದಿ॒ವೋ ಅಂತೇ॑ಭ್ಯ॒ಸ್ಪರಿ॑ ॥

वय॑श्चित्ते पत॒त्रिणो॑ द्वि॒पच्चतु॑ष्पदर्जुनि । उषः॒ प्रार॑न्नृ॒तूँरनु॑ दि॒वो अंते॑भ्य॒स्परि॑ ॥

ವ್ಯು॒ಚ್ಛಂತೀ॒ ಹಿ ರ॒ಶ್ಮಿಭಿ॒ರ್ವಿಶ್ವ॑ಮಾ॒ಭಾಸಿ॑ ರೋಚ॒ನಂ । ತಾಂ ತ್ವಾಮು॑ಷರ್ವಸೂ॒ಯವೋ॑ ಗೀ॒ರ್ಭಿಃ ಕಣ್ವಾ॑ ಅಹೂಷತ ॥

व्यु॒च्छंती॒ हि र॒श्मिभि॒र्विश्व॑मा॒भासि॑ रोच॒नं । तां त्वामु॑षर्वसू॒यवो॑ गी॒र्भिः कण्वा॑ अहूषत ॥