ಸೂಕ್ತ 175

ಮತ್ಸ್ಯಪಾ॑ಯಿ ತೇ॒ ಮಹಃ॒ ಪಾತ್ರ॑ಸ್ಯೇವ ಹರಿವೋ ಮತ್ಸ॒ರೋ ಮದಃ॑ । ವೃಷಾ॑ ತೇ॒ ವೃಷ್ಣ॒ ಇಂದು॑ರ್ವಾ॒ಜೀ ಸ॑ಹಸ್ರ॒ಸಾತ॑ಮಃ ॥

मत्स्यपा॑यि ते॒ महः॒ पात्र॑स्येव हरिवो मत्स॒रो मदः॑ । वृषा॑ ते॒ वृष्ण॒ इंदु॑र्वा॒जी स॑हस्र॒सात॑मः ॥

ಆ ನ॑ಸ್ತೇ ಗಂತು ಮತ್ಸ॒ರೋ ವೃಷಾ॒ ಮದೋ॒ ವರೇ॑ಣ್ಯಃ । ಸ॒ಹಾವಾಁ॑ ಇಂದ್ರ ಸಾನ॒ಸಿಃ ಪೃ॑ತನಾ॒ಷಾಳಮ॑ರ್ತ್ಯಃ ॥

आ न॑स्ते गंतु मत्स॒रो वृषा॒ मदो॒ वरे॑ण्यः । स॒हावाँ॑ इंद्र सान॒सिः पृ॑तना॒षाळम॑र्त्यः ॥

ತ್ವಂ ಹಿ ಶೂರಃ॒ ಸನಿ॑ತಾ ಚೋ॒ದಯೋ॒ ಮನು॑ಷೋ॒ ರಥಂ॑ । ಸ॒ಹಾವಾ॒ನ್ದಸ್ಯು॑ಮವ್ರ॒ತಮೋಷಃ॒ ಪಾತ್ರಂ॒ ನ ಶೋ॒ಚಿಷಾ॑ ॥

त्वं हि शूरः॒ सनि॑ता चो॒दयो॒ मनु॑षो॒ रथं॑ । स॒हावा॒न्दस्यु॑मव्र॒तमोषः॒ पात्रं॒ न शो॒चिषा॑ ॥

ಮು॒ಷಾ॒ಯ ಸೂರ್ಯಂ॑ ಕವೇ ಚ॒ಕ್ರಮೀಶಾ॑ನ॒ ಓಜ॑ಸಾ । ವಹ॒ ಶುಷ್ಣಾ॑ಯ ವ॒ಧಂ ಕುತ್ಸಂ॒ ವಾತ॒ಸ್ಯಾಶ್ವೈಃ॑ ॥

मु॒षा॒य सूर्यं॑ कवे च॒क्रमीशा॑न॒ ओज॑सा । वह॒ शुष्णा॑य व॒धं कुत्सं॒ वात॒स्याश्वैः॑ ॥

ಶು॒ಷ್ಮಿಂತ॑ಮೋ॒ ಹಿ ತೇ॒ ಮದೋ॑ ದ್ಯು॒ಮ್ನಿಂತ॑ಮ ಉ॒ತ ಕ್ರತುಃ॑ । ವೃ॒ತ್ರ॒ಘ್ನಾ ವ॑ರಿವೋ॒ವಿದಾ॑ ಮಂಸೀ॒ಷ್ಠಾ ಅ॑ಶ್ವ॒ಸಾತ॑ಮಃ ॥

शु॒ष्मिंत॑मो॒ हि ते॒ मदो॑ द्यु॒म्निंत॑म उ॒त क्रतुः॑ । वृ॒त्र॒घ्ना व॑रिवो॒विदा॑ मंसी॒ष्ठा अ॑श्व॒सात॑मः ॥

ಯಥಾ॒ ಪೂರ್ವೇ॑ಭ್ಯೋ ಜರಿ॒ತೃಭ್ಯ॑ ಇಂದ್ರ॒ ಮಯ॑ ಇ॒ವಾಪೋ॒ ನ ತೃಷ್ಯ॑ತೇ ಬ॒ಭೂಥ॑ । ತಾಮನು॑ ತ್ವಾ ನಿ॒ವಿದಂ॑ ಜೋಹವೀಮಿ ವಿ॒ದ್ಯಾಮೇ॒ಷಂ ವೃ॒ಜನಂ॑ ಜೀ॒ರದಾ॑ನುಂ ॥

यथा॒ पूर्वे॑भ्यो जरि॒तृभ्य॑ इंद्र॒ मय॑ इ॒वापो॒ न तृष्य॑ते ब॒भूथ॑ । तामनु॑ त्वा नि॒विदं॑ जोहवीमि वि॒द्यामे॒षं वृ॒जनं॑ जी॒रदा॑नुं ॥