ಈ ಸೂಕ್ತಕ್ಕೆ ಅಡ್ಮಿನ್‌ನಲ್ಲಿ ಕನ್ನಡ ಅಧ್ಯಯನ ಮಾರ್ಗದರ್ಶಿ (Study Guide) ಇನ್ನೂ ರಚನೆಯಾಗಿಲ್ಲ. ಅಡ್ಮಿನ್‌ನಲ್ಲಿ Generate Study Guides ಮೂಲಕ ಕನ್ನಡ ಭಾಷೆಯನ್ನು ಆಯ್ಕೆಮಾಡಿ ರಚಿಸಬಹುದು.
ತ್ವಂ ರಾಜೇಂ॑ದ್ರ॒ ಯೇ ಚ॑ ದೇ॒ವಾ ರಕ್ಷಾ॒ ನೄನ್ಪಾ॒ಹ್ಯ॑ಸುರ॒ ತ್ವಮ॒ಸ್ಮಾನ್ । ತ್ವಂ ಸತ್ಪ॑ತಿರ್ಮ॒ಘವಾ॑ ನ॒ಸ್ತರು॑ತ್ರ॒ಸ್ತ್ವಂ ಸ॒ತ್ಯೋ ವಸ॑ವಾನಃ ಸಹೋ॒ದಾಃ ॥
त्वं राजें॑द्र॒ ये च॑ दे॒वा रक्षा॒ नॄन्पा॒ह्य॑सुर॒ त्वम॒स्मान् । त्वं सत्प॑तिर्म॒घवा॑ न॒स्तरु॑त्र॒स्त्वं स॒त्यो वस॑वानः सहो॒दाः ॥
ದನೋ॒ ವಿಶ॑ ಇಂದ್ರ ಮೃ॒ಧ್ರವಾ॑ಚಃ ಸ॒ಪ್ತ ಯತ್ಪುರಃ॒ ಶರ್ಮ॒ ಶಾರ॑ದೀ॒ರ್ದರ್ತ್ । ಋ॒ಣೋರ॒ಪೋ ಅ॑ನವ॒ದ್ಯಾರ್ಣಾ॒ ಯೂನೇ॑ ವೃ॒ತ್ರಂ ಪು॑ರು॒ಕುತ್ಸಾ॑ಯ ರಂಧೀಃ ॥
दनो॒ विश॑ इंद्र मृ॒ध्रवा॑चः स॒प्त यत्पुरः॒ शर्म॒ शार॑दी॒र्दर्त् । ऋ॒णोर॒पो अ॑नव॒द्यार्णा॒ यूने॑ वृ॒त्रं पु॑रु॒कुत्सा॑य रंधीः ॥
ಅಜಾ॒ ವೃತ॑ ಇಂದ್ರ॒ ಶೂರ॑ಪತ್ನೀ॒ರ್ದ್ಯಾಂ ಚ॒ ಯೇಭಿಃ॑ ಪುರುಹೂತ ನೂ॒ನಂ । ರಕ್ಷೋ॑ ಅ॒ಗ್ನಿಮ॒ಶುಷಂ॒ ತೂರ್ವ॑ಯಾಣಂ ಸಿಂ॒ಹೋ ನ ದಮೇ॒ ಅಪಾಂ॑ಸಿ॒ ವಸ್ತೋಃ॑ ॥
अजा॒ वृत॑ इंद्र॒ शूर॑पत्नी॒र्द्यां च॒ येभिः॑ पुरुहूत नू॒नं । रक्षो॑ अ॒ग्निम॒शुषं॒ तूर्व॑याणं सिं॒हो न दमे॒ अपां॑सि॒ वस्तोः॑ ॥
ಶೇಷ॒ನ್ನು ತ ಇಂ॑ದ್ರ॒ ಸಸ್ಮಿ॒ನ್ಯೋನೌ॒ ಪ್ರಶ॑ಸ್ತಯೇ॒ ಪವೀ॑ರವಸ್ಯ ಮ॒ಹ್ನಾ । ಸೃ॒ಜದರ್ಣಾಂ॒ಸ್ಯವ॒ ಯದ್ಯು॒ಧಾ ಗಾಸ್ತಿಷ್ಠ॒ದ್ಧರೀ॑ ಧೃಷ॒ತಾ ಮೃ॑ಷ್ಟ॒ ವಾಜಾ॑ನ್ ॥
शेष॒न्नु त इं॑द्र॒ सस्मि॒न्योनौ॒ प्रश॑स्तये॒ पवी॑रवस्य म॒ह्ना । सृ॒जदर्णां॒स्यव॒ यद्यु॒धा गास्तिष्ठ॒द्धरी॑ धृष॒ता मृ॑ष्ट॒ वाजा॑न् ॥
ವಹ॒ ಕುತ್ಸ॑ಮಿಂದ್ರ॒ ಯಸ್ಮಿ॑ಞ್ಚಾ॒ಕನ್ತ್ಸ್ಯೂ॑ಮ॒ನ್ಯೂ ಋ॒ಜ್ರಾ ವಾತ॒ಸ್ಯಾಶ್ವಾ॑ । ಪ್ರ ಸೂರ॑ಶ್ಚ॒ಕ್ರಂ ವೃ॑ಹತಾದ॒ಭೀಕೇ॒ಽಭಿ ಸ್ಪೃಧೋ॑ ಯಾಸಿಷ॒ದ್ವಜ್ರ॑ಬಾಹುಃ ॥
वह॒ कुत्स॑मिंद्र॒ यस्मि॑ञ्चा॒कन्त्स्यू॑म॒न्यू ऋ॒ज्रा वात॒स्याश्वा॑ । प्र सूर॑श्च॒क्रं वृ॑हताद॒भीके॒ऽभि स्पृधो॑ यासिष॒द्वज्र॑बाहुः ॥
ಜ॒ಘ॒ನ್ವಾಁ ಇಂ॑ದ್ರ ಮಿ॒ತ್ರೇರೂ॑ಞ್ಚೋ॒ದಪ್ರ॑ವೃದ್ಧೋ ಹರಿವೋ॒ ಅದಾ॑ಶೂನ್ । ಪ್ರ ಯೇ ಪಶ್ಯ॑ನ್ನರ್ಯ॒ಮಣಂ॒ ಸಚಾ॒ಯೋಸ್ತ್ವಯಾ॑ ಶೂ॒ರ್ತಾ ವಹ॑ಮಾನಾ॒ ಅಪ॑ತ್ಯಂ ॥
ज॒घ॒न्वाँ इं॑द्र मि॒त्रेरू॑ञ्चो॒दप्र॑वृद्धो हरिवो॒ अदा॑शून् । प्र ये पश्य॑न्नर्य॒मणं॒ सचा॒योस्त्वया॑ शू॒र्ता वह॑माना॒ अप॑त्यं ॥
ರಪ॑ತ್ಕ॒ವಿರಿಂ॑ದ್ರಾ॒ರ್ಕಸಾ॑ತೌ॒ ಕ್ಷಾಂ ದಾ॒ಸಾಯೋ॑ಪ॒ಬರ್ಹ॑ಣೀಂ ಕಃ । ಕರ॑ತ್ತಿ॒ಸ್ರೋ ಮ॒ಘವಾ॒ ದಾನು॑ಚಿತ್ರಾ॒ ನಿ ದು॑ರ್ಯೋ॒ಣೇ ಕುಯ॑ವಾಚಂ ಮೃ॒ಧಿ ಶ್ರೇ॑ತ್ ॥
रप॑त्क॒विरिं॑द्रा॒र्कसा॑तौ॒ क्षां दा॒सायो॑प॒बर्ह॑णीं कः । कर॑त्ति॒स्रो म॒घवा॒ दानु॑चित्रा॒ नि दु॑र्यो॒णे कुय॑वाचं मृ॒धि श्रे॑त् ॥
ಸನಾ॒ ತಾ ತ॑ ಇಂದ್ರ॒ ನವ್ಯಾ॒ ಆಗುಃ॒ ಸಹೋ॒ ನಭೋಽವಿ॑ರಣಾಯ ಪೂ॒ರ್ವೀಃ । ಭಿ॒ನತ್ಪುರೋ॒ ನ ಭಿದೋ॒ ಅದೇ॑ವೀರ್ನ॒ನಮೋ॒ ವಧ॒ರದೇ॑ವಸ್ಯ ಪೀ॒ಯೋಃ ॥
सना॒ ता त॑ इंद्र॒ नव्या॒ आगुः॒ सहो॒ नभोऽवि॑रणाय पू॒र्वीः । भि॒नत्पुरो॒ न भिदो॒ अदे॑वीर्न॒नमो॒ वध॒रदे॑वस्य पी॒योः ॥
ತ್ವಂ ಧುನಿ॑ರಿಂದ್ರ॒ ಧುನಿ॑ಮತೀರ್ಋ॒ಣೋರ॒ಪಃ ಸೀ॒ರಾ ನ ಸ್ರವಂ॑ತೀಃ । ಪ್ರ ಯತ್ಸ॑ಮು॒ದ್ರಮತಿ॑ ಶೂರ॒ ಪರ್ಷಿ॑ ಪಾ॒ರಯಾ॑ ತು॒ರ್ವಶಂ॒ ಯದುಂ॑ ಸ್ವ॒ಸ್ತಿ ॥
त्वं धुनि॑रिंद्र॒ धुनि॑मतीर्ऋ॒णोर॒पः सी॒रा न स्रवं॑तीः । प्र यत्स॑मु॒द्रमति॑ शूर॒ पर्षि॑ पा॒रया॑ तु॒र्वशं॒ यदुं॑ स्व॒स्ति ॥
ತ್ವಮ॒ಸ್ಮಾಕ॑ಮಿಂದ್ರ ವಿ॒ಶ್ವಧ॑ ಸ್ಯಾ ಅವೃ॒ಕತ॑ಮೋ ನ॒ರಾಂ ನೃ॑ಪಾ॒ತಾ । ಸ ನೋ॒ ವಿಶ್ವಾ॑ಸಾಂ ಸ್ಪೃ॒ಧಾಂ ಸ॑ಹೋ॒ದಾ ವಿ॒ದ್ಯಾಮೇ॒ಷಂ ವೃ॒ಜನಂ॑ ಜೀ॒ರದಾ॑ನುಂ ॥
त्वम॒स्माक॑मिंद्र वि॒श्वध॑ स्या अवृ॒कत॑मो न॒रां नृ॑पा॒ता । स नो॒ विश्वा॑सां स्पृ॒धां स॑हो॒दा वि॒द्यामे॒षं वृ॒जनं॑ जी॒रदा॑नुं ॥