ಮರುತಗಳ ದಿವ್ಯ ಸಂಚಾರ ಮತ್ತು ಗೋತಮರ ಸ್ತುತಿ

ಆ ವಿ॒ದ್ಯುನ್ಮ॑ದ್ಭಿರ್ಮರುತಃ ಸ್ವ॒ರ್ಕೈ ರಥೇ॑ಭಿರ್ಯಾತ ಋಷ್ಟಿ॒ಮದ್ಭಿ॒ರಶ್ವ॑ಪರ್ಣೈಃ । ಆ ವರ್ಷಿ॑ಷ್ಠಯಾ ನ ಇ॒ಷಾ ವಯೋ॒ ನ ಪ॑ಪ್ತತಾ ಸುಮಾಯಾಃ ॥

आ वि॒द्युन्म॑द्भिर्मरुतः स्व॒र्कै रथे॑भिर्यात ऋष्टि॒मद्भि॒रश्व॑पर्णैः । आ वर्षि॑ष्ठया न इ॒षा वयो॒ न प॑प्तता सुमायाः ॥

ತೇ॑ಽರು॒ಣೇಭಿ॒ರ್ವರ॒ಮಾ ಪಿ॒ಶಂಗೈಃ॑ ಶು॒ಭೇ ಕಂ ಯಾಂ॑ತಿ ರಥ॒ತೂರ್ಭಿ॒ರಶ್ವೈಃ॑ । ರು॒ಕ್ಮೋ ನ ಚಿ॒ತ್ರಃ ಸ್ವಧಿ॑ತೀವಾನ್ಪ॒ವ್ಯಾ ರಥ॑ಸ್ಯ ಜಂಘನಂತ॒ ಭೂಮ॑ ॥

ते॑ऽरु॒णेभि॒र्वर॒मा पि॒शंगैः॑ शु॒भे कं यां॑ति रथ॒तूर्भि॒रश्वैः॑ । रु॒क्मो न चि॒त्रः स्वधि॑तीवान्प॒व्या रथ॑स्य जंघनंत॒ भूम॑ ॥

ಶ್ರಿ॒ಯೇ ಕಂ ವೋ॒ ಅಧಿ॑ ತ॒ನೂಷು॒ ವಾಶೀ॑ರ್ಮೇ॒ಧಾ ವನಾ॒ ನ ಕೃ॑ಣವಂತ ಊ॒ರ್ಧ್ವಾ । ಯು॒ಷ್ಮಭ್ಯಂ॒ ಕಂ ಮ॑ರುತಃ ಸುಜಾತಾಸ್ತುವಿದ್ಯು॒ಮ್ನಾಸೋ॑ ಧನಯಂತೇ॒ ಅದ್ರಿಂ॑ ॥

श्रि॒ये कं वो॒ अधि॑ त॒नूषु॒ वाशी॑र्मे॒धा वना॒ न कृ॑णवंत ऊ॒र्ध्वा । यु॒ष्मभ्यं॒ कं म॑रुतः सुजातास्तुविद्यु॒म्नासो॑ धनयंते॒ अद्रिं॑ ॥

ಅಹಾ॑ನಿ॒ ಗೃಧ್ರಾಃ॒ ಪರ್ಯಾ ವ॒ ಆಗು॑ರಿ॒ಮಾಂ ಧಿಯಂ॑ ವಾರ್ಕಾ॒ರ್ಯಾಂ ಚ॑ ದೇ॒ವೀಂ । ಬ್ರಹ್ಮ॑ ಕೃ॒ಣ್ವಂತೋ॒ ಗೋತ॑ಮಾಸೋ ಅ॒ರ್ಕೈರೂ॒ರ್ಧ್ವಂ ನು॑ನುದ್ರ ಉತ್ಸ॒ಧಿಂ ಪಿಬ॑ಧ್ಯೈ ॥

अहा॑नि॒ गृध्राः॒ पर्या व॒ आगु॑रि॒मां धियं॑ वार्का॒र्यां च॑ दे॒वीं । ब्रह्म॑ कृ॒ण्वंतो॒ गोत॑मासो अ॒र्कैरू॒र्ध्वं नु॑नुद्र उत्स॒धिं पिब॑ध्यै ॥

ಏ॒ತತ್ತ್ಯನ್ನ ಯೋಜ॑ನಮಚೇತಿ ಸ॒ಸ್ವರ್ಹ॒ ಯನ್ಮ॑ರುತೋ॒ ಗೋತ॑ಮೋ ವಃ । ಪಶ್ಯ॒ನ್ಹಿರ॑ಣ್ಯಚಕ್ರಾ॒ನಯೋ॑ದಂಷ್ಟ್ರಾನ್ವಿ॒ಧಾವ॑ತೋ ವ॒ರಾಹೂ॑ನ್ ॥

ए॒तत्त्यन्न योज॑नमचेति स॒स्वर्ह॒ यन्म॑रुतो॒ गोत॑मो वः । पश्य॒न्हिर॑ण्यचक्रा॒नयो॑दंष्ट्रान्वि॒धाव॑तो व॒राहू॑न् ॥

ಏ॒ಷಾ ಸ್ಯಾ ವೋ॑ ಮರುತೋಽನುಭ॒ರ್ತ್ರೀ ಪ್ರತಿ॑ ಷ್ಟೋಭತಿ ವಾ॒ಘತೋ॒ ನ ವಾಣೀ॑ । ಅಸ್ತೋ॑ಭಯ॒ದ್ವೃಥಾ॑ಸಾ॒ಮನು॑ ಸ್ವ॒ಧಾಂ ಗಭ॑ಸ್ತ್ಯೋಃ ॥

ए॒षा स्या वो॑ मरुतोऽनुभ॒र्त्री प्रति॑ ष्टोभति वा॒घतो॒ न वाणी॑ । अस्तो॑भय॒द्वृथा॑सा॒मनु॑ स्व॒धां गभ॑स्त्योः ॥