ಇಂದ್ರನ ಕುದುರೆಗಳ ಆವಾಹನೆ ಮತ್ತು ದೈವಿಕ ಆನಂದ

ಉಪೋ॒ ಷು ಶೃ॑ಣು॒ಹೀ ಗಿರೋ॒ ಮಘ॑ವ॒ನ್ಮಾತ॑ಥಾ ಇವ । ಯ॒ದಾ ನಃ॑ ಸೂ॒ನೃತಾ॑ವತಃ॒ ಕರ॒ ಆದ॒ರ್ಥಯಾ॑ಸ॒ ಇದ್ಯೋಜಾ॒ ನ್ವಿಂ॑ದ್ರ ತೇ॒ ಹರೀ॑ ॥

उपो॒ षु शृ॑णु॒ही गिरो॒ मघ॑व॒न्मात॑था इव । य॒दा नः॑ सू॒नृता॑वतः॒ कर॒ आद॒र्थया॑स॒ इद्योजा॒ न्विं॑द्र ते॒ हरी॑ ॥

ಅಕ್ಷ॒ನ್ನಮೀ॑ಮದಂತ॒ ಹ್ಯವ॑ ಪ್ರಿ॒ಯಾ ಅ॑ಧೂಷತ । ಅಸ್ತೋ॑ಷತ॒ ಸ್ವಭಾ॑ನವೋ॒ ವಿಪ್ರಾ॒ ನವಿ॑ಷ್ಠಯಾ ಮ॒ತೀ ಯೋಜಾ॒ ನ್ವಿಂ॑ದ್ರ ತೇ॒ ಹರೀ॑ ॥

अक्ष॒न्नमी॑मदंत॒ ह्यव॑ प्रि॒या अ॑धूषत । अस्तो॑षत॒ स्वभा॑नवो॒ विप्रा॒ नवि॑ष्ठया म॒ती योजा॒ न्विं॑द्र ते॒ हरी॑ ॥

ಸು॒ಸಂ॒ದೃಶಂ॑ ತ್ವಾ ವ॒ಯಂ ಮಘ॑ವನ್ವಂದಿಷೀ॒ಮಹಿ॑ । ಪ್ರ ನೂ॒ನಂ ಪೂ॒ರ್ಣವಂ॑ಧುರಃ ಸ್ತು॒ತೋ ಯಾ॑ಹಿ॒ ವಶಾಁ॒ ಅನು॒ ಯೋಜಾ॒ ನ್ವಿಂ॑ದ್ರ ತೇ॒ ಹರೀ॑ ॥

सु॒सं॒दृशं॑ त्वा व॒यं मघ॑वन्वंदिषी॒महि॑ । प्र नू॒नं पू॒र्णवं॑धुरः स्तु॒तो या॑हि॒ वशाँ॒ अनु॒ योजा॒ न्विं॑द्र ते॒ हरी॑ ॥

ಸ ಘಾ॒ ತಂ ವೃಷ॑ಣಂ॒ ರಥ॒ಮಧಿ॑ ತಿಷ್ಠಾತಿ ಗೋ॒ವಿದಂ॑ । ಯಃ ಪಾತ್ರಂ॑ ಹಾರಿಯೋಜ॒ನಂ ಪೂ॒ರ್ಣಮಿಂ॑ದ್ರ॒ ಚಿಕೇ॑ತತಿ॒ ಯೋಜಾ॒ ನ್ವಿಂ॑ದ್ರ ತೇ॒ ಹರೀ॑ ॥

स घा॒ तं वृष॑णं॒ रथ॒मधि॑ तिष्ठाति गो॒विदं॑ । यः पात्रं॑ हारियोज॒नं पू॒र्णमिं॑द्र॒ चिके॑तति॒ योजा॒ न्विं॑द्र ते॒ हरी॑ ॥

ಯು॒ಕ್ತಸ್ತೇ॑ ಅಸ್ತು॒ ದಕ್ಷಿ॑ಣ ಉ॒ತ ಸ॒ವ್ಯಃ ಶ॑ತಕ್ರತೋ । ತೇನ॑ ಜಾ॒ಯಾಮುಪ॑ ಪ್ರಿ॒ಯಾಂ ಮಂ॑ದಾ॒ನೋ ಯಾ॒ಹ್ಯಂಧ॑ಸೋ॒ ಯೋಜಾ॒ ನ್ವಿಂ॑ದ್ರ ತೇ॒ ಹರೀ॑ ॥

यु॒क्तस्ते॑ अस्तु॒ दक्षि॑ण उ॒त स॒व्यः श॑तक्रतो । तेन॑ जा॒यामुप॑ प्रि॒यां मं॑दा॒नो या॒ह्यंध॑सो॒ योजा॒ न्विं॑द्र ते॒ हरी॑ ॥

ಯು॒ನಜ್ಮಿ॑ ತೇ॒ ಬ್ರಹ್ಮ॑ಣಾ ಕೇ॒ಶಿನಾ॒ ಹರೀ॒ ಉಪ॒ ಪ್ರ ಯಾ॑ಹಿ ದಧಿ॒ಷೇ ಗಭ॑ಸ್ತ್ಯೋಃ । ಉತ್ತ್ವಾ॑ ಸು॒ತಾಸೋ॑ ರಭ॒ಸಾ ಅ॑ಮಂದಿಷುಃ ಪೂಷ॒ಣ್ವಾನ್ವ॑ಜ್ರಿ॒ನ್ತ್ಸಮು॒ ಪತ್ನ್ಯಾ॑ಮದಃ ॥

यु॒नज्मि॑ ते॒ ब्रह्म॑णा के॒शिना॒ हरी॒ उप॒ प्र या॑हि दधि॒षे गभ॑स्त्योः । उत्त्वा॑ सु॒तासो॑ रभ॒सा अ॑मंदिषुः पूष॒ण्वान्व॑ज्रि॒न्त्समु॒ पत्न्या॑मदः ॥