ಇಂದ್ರನ ಸ್ತುತಿ ಮತ್ತು ಮಹಿಮೆ

ಇಂದ್ರ॒ಮಿದ್ಗಾ॒ಥಿನೋ॑ ಬೃ॒ಹದಿಂದ್ರ॑ಮ॒ರ್ಕೇಭಿ॑ರ॒ರ್ಕಿಣಃ॑ । ಇಂದ್ರಂ॒ ವಾಣೀ॑ರನೂಷತ ॥

इंद्र॒मिद्गा॒थिनो॑ बृ॒हदिंद्र॑म॒र्केभि॑र॒र्किणः॑ । इंद्रं॒ वाणी॑रनूषत ॥

ಇಂದ್ರ॒ ಇದ್ಧರ್ಯೋಃ॒ ಸಚಾ॒ ಸಂಮಿ॑ಶ್ಲ॒ ಆ ವ॑ಚೋ॒ಯುಜಾ॑ । ಇಂದ್ರೋ॑ ವ॒ಜ್ರೀ ಹಿ॑ರ॒ಣ್ಯಯಃ॑ ॥

इंद्र॒ इद्धर्योः॒ सचा॒ संमि॑श्ल॒ आ व॑चो॒युजा॑ । इंद्रो॑ व॒ज्री हि॑र॒ण्ययः॑ ॥

ಇಂದ್ರೋ॑ ದೀ॒ರ್ಘಾಯ॒ ಚಕ್ಷ॑ಸ॒ ಆ ಸೂರ್ಯಂ॑ ರೋಹಯದ್ದಿ॒ವಿ । ವಿ ಗೋಭಿ॒ರದ್ರಿ॑ಮೈರಯತ್ ॥

इंद्रो॑ दी॒र्घाय॒ चक्ष॑स॒ आ सूर्यं॑ रोहयद्दि॒वि । वि गोभि॒रद्रि॑मैरयत् ॥

ಇಂದ್ರ॒ ವಾಜೇ॑ಷು ನೋಽವ ಸ॒ಹಸ್ರ॑ಪ್ರಧನೇಷು ಚ । ಉ॒ಗ್ರ ಉ॒ಗ್ರಾಭಿ॑ರೂ॒ತಿಭಿಃ॑ ॥

इंद्र॒ वाजे॑षु नोऽव स॒हस्र॑प्रधनेषु च । उ॒ग्र उ॒ग्राभि॑रू॒तिभिः॑ ॥

ಇಂದ್ರಂ॑ ವ॒ಯಂ ಮ॑ಹಾಧ॒ನ ಇಂದ್ರ॒ಮರ್ಭೇ॑ ಹವಾಮಹೇ । ಯುಜಂ॑ ವೃ॒ತ್ರೇಷು॑ ವ॒ಜ್ರಿಣಂ॑ ॥

इंद्रं॑ व॒यं म॑हाध॒न इंद्र॒मर्भे॑ हवामहे । युजं॑ वृ॒त्रेषु॑ व॒ज्रिणं॑ ॥

ಸ ನೋ॑ ವೃಷನ್ನ॒ಮುಂ ಚ॒ರುಂ ಸತ್ರಾ॑ದಾವ॒ನ್ನಪಾ॑ ವೃಧಿ । ಅ॒ಸ್ಮಭ್ಯ॒ಮಪ್ರ॑ತಿಷ್ಕುತಃ ॥

स नो॑ वृषन्न॒मुं च॒रुं सत्रा॑दाव॒न्नपा॑ वृधि । अ॒स्मभ्य॒मप्र॑तिष्कुतः ॥

ತುಂ॒ಜೇತುಂ॑ಜೇ॒ ಯ ಉತ್ತ॑ರೇ॒ ಸ್ತೋಮಾ॒ ಇಂದ್ರ॑ಸ್ಯ ವ॒ಜ್ರಿಣಃ॑ । ನ ವಿಂ॑ಧೇ ಅಸ್ಯ ಸುಷ್ಟು॒ತಿಂ ॥

तुं॒जेतुं॑जे॒ य उत्त॑रे॒ स्तोमा॒ इंद्र॑स्य व॒ज्रिणः॑ । न विं॑धे अस्य सुष्टु॒तिं ॥

ವೃಷಾ॑ ಯೂ॒ಥೇವ॒ ವಂಸ॑ಗಃ ಕೃ॒ಷ್ಟೀರಿ॑ಯ॒ರ್ತ್ಯೋಜ॑ಸಾ । ಈಶಾ॑ನೋ॒ ಅಪ್ರ॑ತಿಷ್ಕುತಃ ॥

वृषा॑ यू॒थेव॒ वंस॑गः कृ॒ष्टीरि॑य॒र्त्योज॑सा । ईशा॑नो॒ अप्र॑तिष्कुतः ॥

ಯ ಏಕ॑ಶ್ಚರ್ಷಣೀ॒ನಾಂ ವಸೂ॑ನಾಮಿರ॒ಜ್ಯತಿ॑ । ಇಂದ್ರಃ॒ ಪಂಚ॑ ಕ್ಷಿತೀ॒ನಾಂ ॥

य एक॑श्चर्षणी॒नां वसू॑नामिर॒ज्यति॑ । इंद्रः॒ पंच॑ क्षिती॒नां ॥

ಇಂದ್ರಂ॑ ವೋ ವಿ॒ಶ್ವತ॒ಸ್ಪರಿ॒ ಹವಾ॑ಮಹೇ॒ ಜನೇ॑ಭ್ಯಃ । ಅ॒ಸ್ಮಾಕ॑ಮಸ್ತು॒ ಕೇವ॑ಲಃ ॥

इंद्रं॑ वो वि॒श्वत॒स्परि॒ हवा॑महे॒ जने॑भ्यः । अ॒स्माक॑मस्तु॒ केव॑लः ॥