ಅಗ್ನಿದೇವನ ಸ್ತುತಿ ಮತ್ತು ಜ್ಞಾನದ ಆವಾಹನೆ (Rigveda Maṇḍala 1, Sūkta 78)

ಅ॒ಭಿ ತ್ವಾ॒ ಗೋತ॑ಮಾ ಗಿ॒ರಾ ಜಾತ॑ವೇದೋ॒ ವಿಚ॑ರ್ಷಣೇ । ದ್ಯು॒ಮ್ನೈರ॒ಭಿ ಪ್ರ ಣೋ॑ನುಮಃ ॥

अ॒भि त्वा॒ गोत॑मा गि॒रा जात॑वेदो॒ विच॑र्षणे । द्यु॒म्नैर॒भि प्र णो॑नुमः ॥

ತಮು॑ ತ್ವಾ॒ ಗೋತ॑ಮೋ ಗಿ॒ರಾ ರಾ॒ಯಸ್ಕಾ॑ಮೋ ದುವಸ್ಯತಿ । ದ್ಯು॒ಮ್ನೈರ॒ಭಿ ಪ್ರ ಣೋ॑ನುಮಃ ॥

तमु॑ त्वा॒ गोत॑मो गि॒रा रा॒यस्का॑मो दुवस्यति । द्यु॒म्नैर॒भि प्र णो॑नुमः ॥

ತಮು॑ ತ್ವಾ ವಾಜ॒ಸಾತ॑ಮಮಂಗಿರ॒ಸ್ವದ್ಧ॑ವಾಮಹೇ । ದ್ಯು॒ಮ್ನೈರ॒ಭಿ ಪ್ರ ಣೋ॑ನುಮಃ ॥

तमु॑ त्वा वाज॒सात॑ममंगिर॒स्वद्ध॑वामहे । द्यु॒म्नैर॒भि प्र णो॑नुमः ॥

ತಮು॑ ತ್ವಾ ವೃತ್ರ॒ಹಂತ॑ಮಂ॒ ಯೋ ದಸ್ಯೂಁ॑ರವಧೂನು॒ಷೇ । ದ್ಯು॒ಮ್ನೈರ॒ಭಿ ಪ್ರ ಣೋ॑ನುಮಃ ॥

तमु॑ त्वा वृत्र॒हंत॑मं॒ यो दस्यूँ॑रवधूनु॒षे । द्यु॒म्नैर॒भि प्र णो॑नुमः ॥

ಅವೋ॑ಚಾಮ॒ ರಹೂ॑ಗಣಾ ಅ॒ಗ್ನಯೇ॒ ಮಧು॑ಮ॒ದ್ವಚಃ॑ । ದ್ಯು॒ಮ್ನೈರ॒ಭಿ ಪ್ರ ಣೋ॑ನುಮಃ ॥

अवो॑चाम॒ रहू॑गणा अ॒ग्नये॒ मधु॑म॒द्वचः॑ । द्यु॒म्नैर॒भि प्र णो॑नुमः ॥