Sūkta 75

जु॒षस्व॑ स॒प्रथ॑स्तमं॒ वचो॑ दे॒वप्स॑रस्तमं । ह॒व्या जुह्वा॑न आ॒सनि॑ ॥

juṣásva sapráthastamam váco devápsarastamam ǀ havyā́ júhvāna āsáni ǁ

अथा॑ ते अंगिरस्त॒माग्ने॑ वेधस्तम प्रि॒यं । वो॒चेम॒ ब्रह्म॑ सान॒सि ॥

áthā te aṅgirastamā́gne vedhastama priyám ǀ vocéma bráhma sānasí ǁ

कस्ते॑ जा॒मिर्जना॑ना॒मग्ने॒ को दा॒श्व॑ध्वरः । को ह॒ कस्मि॑न्नसि श्रि॒तः ॥

káste jāmírjánānāmágne kó dāśvádhvaraḥ ǀ kó ha kásminnasi śritáḥ ǁ

त्वं जा॒मिर्जना॑ना॒मग्ने॑ मि॒त्रो अ॑सि प्रि॒यः । सखा॒ सखि॑भ्य॒ ईड्यः॑ ॥

tvám jāmírjánānāmágne mitró asi priyáḥ ǀ sákhā sákhibhya ī́ḍyaḥ ǁ

यजा॑ नो मि॒त्रावरु॑णा॒ यजा॑ दे॒वाँ ऋ॒तं बृ॒हत् । अग्ने॒ यक्षि॒ स्वं दमं॑ ॥

yájā no mitrā́váruṇā yájā devā́m̐ ṛtám bṛhát ǀ ágne yákṣi svám dámam ǁ