ಅಗ್ನಿಯ ದಿವ್ಯ ಜ್ಞಾನ ಮತ್ತು ಅಮೃತತ್ವದ ಪ್ರಾಪ್ತಿ - ಋಗ್ವೇದ ಮಂಡಲ ೧, ಸೂಕ್ತ ೭೨

ನಿ ಕಾವ್ಯಾ॑ ವೇ॒ಧಸಃ॒ ಶಶ್ವ॑ತಸ್ಕ॒ರ್ಹಸ್ತೇ॒ ದಧಾ॑ನೋ॒ ನರ್ಯಾ॑ ಪು॒ರೂಣಿ॑ । ಅ॒ಗ್ನಿರ್ಭು॑ವದ್ರಯಿ॒ಪತೀ॑ ರಯೀ॒ಣಾಂ ಸ॒ತ್ರಾ ಚ॑ಕ್ರಾ॒ಣೋ ಅ॒ಮೃತಾ॑ನಿ॒ ವಿಶ್ವಾ॑ ॥

नि काव्या॑ वे॒धसः॒ शश्व॑तस्क॒र्हस्ते॒ दधा॑नो॒ नर्या॑ पु॒रूणि॑ । अ॒ग्निर्भु॑वद्रयि॒पती॑ रयी॒णां स॒त्रा च॑क्रा॒णो अ॒मृता॑नि॒ विश्वा॑ ॥

ಅ॒ಸ್ಮೇ ವ॒ತ್ಸಂ ಪರಿ॒ ಷಂತಂ॒ ನ ವಿಂ॑ದನ್ನಿ॒ಚ್ಛಂತೋ॒ ವಿಶ್ವೇ॑ ಅ॒ಮೃತಾ॒ ಅಮೂ॑ರಾಃ । ಶ್ರ॒ಮ॒ಯುವಃ॑ ಪದ॒ವ್ಯೋ॑ ಧಿಯಂ॒ಧಾಸ್ತ॒ಸ್ಥುಃ ಪ॒ದೇ ಪ॑ರ॒ಮೇ ಚಾರ್ವ॒ಗ್ನೇಃ ॥

अ॒स्मे व॒त्सं परि॒ षंतं॒ न विं॑दन्नि॒च्छंतो॒ विश्वे॑ अ॒मृता॒ अमू॑राः । श्र॒म॒युवः॑ पद॒व्यो॑ धियं॒धास्त॒स्थुः प॒दे प॑र॒मे चार्व॒ग्नेः ॥

ತಿ॒ಸ್ರೋ ಯದ॑ಗ್ನೇ ಶ॒ರದ॒ಸ್ತ್ವಾಮಿಚ್ಛುಚಿಂ॑ ಘೃ॒ತೇನ॒ ಶುಚ॑ಯಃ ಸಪ॒ರ್ಯಾನ್ । ನಾಮಾ॑ನಿ ಚಿದ್ದಧಿರೇ ಯ॒ಜ್ಞಿಯಾ॒ನ್ಯಸೂ॑ದಯಂತ ತ॒ನ್ವಃ೧॒॑ ಸುಜಾ॑ತಾಃ ॥

ति॒स्रो यद॑ग्ने श॒रद॒स्त्वामिच्छुचिं॑ घृ॒तेन॒ शुच॑यः सप॒र्यान् । नामा॑नि चिद्दधिरे य॒ज्ञिया॒न्यसू॑दयंत त॒न्वः१॒॑ सुजा॑ताः ॥

ಆ ರೋದ॑ಸೀ ಬೃಹ॒ತೀ ವೇವಿ॑ದಾನಾಃ॒ ಪ್ರ ರು॒ದ್ರಿಯಾ॑ ಜಭ್ರಿರೇ ಯ॒ಜ್ಞಿಯಾ॑ಸಃ । ವಿ॒ದನ್ಮರ್ತೋ॑ ನೇ॒ಮಧಿ॑ತಾ ಚಿಕಿ॒ತ್ವಾನ॒ಗ್ನಿಂ ಪ॒ದೇ ಪ॑ರ॒ಮೇ ತ॑ಸ್ಥಿ॒ವಾಂಸಂ॑ ॥

आ रोद॑सी बृह॒ती वेवि॑दानाः॒ प्र रु॒द्रिया॑ जभ्रिरे य॒ज्ञिया॑सः । वि॒दन्मर्तो॑ ने॒मधि॑ता चिकि॒त्वान॒ग्निं प॒दे प॑र॒मे त॑स्थि॒वांसं॑ ॥

ಸಂ॒ಜಾ॒ನಾ॒ನಾ ಉಪ॑ ಸೀದನ್ನಭಿ॒ಜ್ಞು ಪತ್ನೀ॑ವಂತೋ ನಮ॒ಸ್ಯಂ॑ ನಮಸ್ಯನ್ । ರಿ॒ರಿ॒ಕ್ವಾಂಸ॑ಸ್ತ॒ನ್ವಃ॑ ಕೃಣ್ವತ॒ ಸ್ವಾಃ ಸಖಾ॒ ಸಖ್ಯು॑ರ್ನಿ॒ಮಿಷಿ॒ ರಕ್ಷ॑ಮಾಣಾಃ ॥

सं॒जा॒ना॒ना उप॑ सीदन्नभि॒ज्ञु पत्नी॑वंतो नम॒स्यं॑ नमस्यन् । रि॒रि॒क्वांस॑स्त॒न्वः॑ कृण्वत॒ स्वाः सखा॒ सख्यु॑र्नि॒मिषि॒ रक्ष॑माणाः ॥

ತ್ರಿಃ ಸ॒ಪ್ತ ಯದ್ಗುಹ್ಯಾ॑ನಿ॒ ತ್ವೇ ಇತ್ಪ॒ದಾವಿ॑ದ॒ನ್ನಿಹಿ॑ತಾ ಯ॒ಜ್ಞಿಯಾ॑ಸಃ । ತೇಭೀ॑ ರಕ್ಷಂತೇ ಅ॒ಮೃತಂ॑ ಸ॒ಜೋಷಾಃ॑ ಪ॒ಶೂಂಚ॑ ಸ್ಥಾ॒ತೄಂಚ॒ರಥಂ॑ ಚ ಪಾಹಿ ॥

त्रिः स॒प्त यद्गुह्या॑नि॒ त्वे इत्प॒दावि॑द॒न्निहि॑ता य॒ज्ञिया॑सः । तेभी॑ रक्षंते अ॒मृतं॑ स॒जोषाः॑ प॒शूंच॑ स्था॒तॄंच॒रथं॑ च पाहि ॥

ವಿ॒ದ್ವಾಁ ಅ॑ಗ್ನೇ ವ॒ಯುನಾ॑ನಿ ಕ್ಷಿತೀ॒ನಾಂ ವ್ಯಾ॑ನು॒ಷಕ್ಛು॒ರುಧೋ॑ ಜೀ॒ವಸೇ॑ ಧಾಃ । ಅಂ॒ತ॒ರ್ವಿ॒ದ್ವಾಁ ಅಧ್ವ॑ನೋ ದೇವ॒ಯಾನಾ॒ನತಂ॑ದ್ರೋ ದೂ॒ತೋ ಅ॑ಭವೋ ಹವಿ॒ರ್ವಾಟ್ ॥

वि॒द्वाँ अ॑ग्ने व॒युना॑नि क्षिती॒नां व्या॑नु॒षक्छु॒रुधो॑ जी॒वसे॑ धाः । अं॒त॒र्वि॒द्वाँ अध्व॑नो देव॒याना॒नतं॑द्रो दू॒तो अ॑भवो हवि॒र्वाट् ॥

ಸ್ವಾ॒ಧ್ಯೋ॑ ದಿ॒ವ ಆ ಸ॒ಪ್ತ ಯ॒ಹ್ವೀ ರಾ॒ಯೋ ದುರೋ॒ ವ್ಯೃ॑ತ॒ಜ್ಞಾ ಅ॑ಜಾನನ್ । ವಿ॒ದದ್ಗವ್ಯಂ॑ ಸ॒ರಮಾ॑ ದೃ॒ಳ್ಹಮೂ॒ರ್ವಂ ಯೇನಾ॒ ನು ಕಂ॒ ಮಾನು॑ಷೀ॒ ಭೋಜ॑ತೇ॒ ವಿಟ್ ॥

स्वा॒ध्यो॑ दि॒व आ स॒प्त य॒ह्वी रा॒यो दुरो॒ व्यृ॑त॒ज्ञा अ॑जानन् । वि॒दद्गव्यं॑ स॒रमा॑ दृ॒ळ्हमू॒र्वं येना॒ नु कं॒ मानु॑षी॒ भोज॑ते॒ विट् ॥

ಆ ಯೇ ವಿಶ್ವಾ॑ ಸ್ವಪ॒ತ್ಯಾನಿ॑ ತ॒ಸ್ಥುಃ ಕೃ॑ಣ್ವಾ॒ನಾಸೋ॑ ಅಮೃತ॒ತ್ವಾಯ॑ ಗಾ॒ತುಂ । ಮ॒ಹ್ನಾ ಮ॒ಹದ್ಭಿಃ॑ ಪೃಥಿ॒ವೀ ವಿ ತ॑ಸ್ಥೇ ಮಾ॒ತಾ ಪು॒ತ್ರೈರದಿ॑ತಿ॒ರ್ಧಾಯ॑ಸೇ॒ ವೇಃ ॥

आ ये विश्वा॑ स्वप॒त्यानि॑ त॒स्थुः कृ॑ण्वा॒नासो॑ अमृत॒त्वाय॑ गा॒तुं । म॒ह्ना म॒हद्भिः॑ पृथि॒वी वि त॑स्थे मा॒ता पु॒त्रैरदि॑ति॒र्धाय॑से॒ वेः ॥

ಅಧಿ॒ ಶ್ರಿಯಂ॒ ನಿ ದ॑ಧು॒ಶ್ಚಾರು॑ಮಸ್ಮಿಂದಿ॒ವೋ ಯದ॒ಕ್ಷೀ ಅ॒ಮೃತಾ॒ ಅಕೃ॑ಣ್ವನ್ । ಅಧ॑ ಕ್ಷರಂತಿ॒ ಸಿಂಧ॑ವೋ॒ ನ ಸೃ॒ಷ್ಟಾಃ ಪ್ರ ನೀಚೀ॑ರಗ್ನೇ॒ ಅರು॑ಷೀರಜಾನನ್ ॥

अधि॒ श्रियं॒ नि द॑धु॒श्चारु॑मस्मिंदि॒वो यद॒क्षी अ॒मृता॒ अकृ॑ण्वन् । अध॑ क्षरंति॒ सिंध॑वो॒ न सृ॒ष्टाः प्र नीची॑रग्ने॒ अरु॑षीरजानन् ॥