ಈ ಸೂಕ್ತಕ್ಕೆ ಅಡ್ಮಿನ್‌ನಲ್ಲಿ ಕನ್ನಡ ಅಧ್ಯಯನ ಮಾರ್ಗದರ್ಶಿ (Study Guide) ಇನ್ನೂ ರಚನೆಯಾಗಿಲ್ಲ. ಅಡ್ಮಿನ್‌ನಲ್ಲಿ Generate Study Guides ಮೂಲಕ ಕನ್ನಡ ಭಾಷೆಯನ್ನು ಆಯ್ಕೆಮಾಡಿ ರಚಿಸಬಹುದು.
ಕ॒ತ॒ರಾ ಪೂರ್ವಾ॑ ಕತ॒ರಾಪ॑ರಾ॒ಯೋಃ ಕ॒ಥಾ ಜಾ॒ತೇ ಕ॑ವಯಃ॒ ಕೋ ವಿ ವೇ॑ದ । ವಿಶ್ವಂ॒ ತ್ಮನಾ॑ ಬಿಭೃತೋ॒ ಯದ್ಧ॒ ನಾಮ॒ ವಿ ವ॑ರ್ತೇತೇ॒ ಅಹ॑ನೀ ಚ॒ಕ್ರಿಯೇ॑ವ ॥
क॒त॒रा पूर्वा॑ कत॒राप॑रा॒योः क॒था जा॒ते क॑वयः॒ को वि वे॑द । विश्वं॒ त्मना॑ बिभृतो॒ यद्ध॒ नाम॒ वि व॑र्तेते॒ अह॑नी च॒क्रिये॑व ॥
ಭೂರಿಂ॒ ದ್ವೇ ಅಚ॑ರಂತೀ॒ ಚರಂ॑ತಂ ಪ॒ದ್ವಂತಂ॒ ಗರ್ಭ॑ಮ॒ಪದೀ॑ ದಧಾತೇ । ನಿತ್ಯಂ॒ ನ ಸೂ॒ನುಂ ಪಿ॒ತ್ರೋರು॒ಪಸ್ಥೇ॒ ದ್ಯಾವಾ॒ ರಕ್ಷ॑ತಂ ಪೃಥಿವೀ ನೋ॒ ಅಭ್ವಾ॑ತ್ ॥
भूरिं॒ द्वे अच॑रंती॒ चरं॑तं प॒द्वंतं॒ गर्भ॑म॒पदी॑ दधाते । नित्यं॒ न सू॒नुं पि॒त्रोरु॒पस्थे॒ द्यावा॒ रक्ष॑तं पृथिवी नो॒ अभ्वा॑त् ॥
ಅ॒ನೇ॒ಹೋ ದಾ॒ತ್ರಮದಿ॑ತೇರನ॒ರ್ವಂ ಹು॒ವೇ ಸ್ವ॑ರ್ವದವ॒ಧಂ ನಮ॑ಸ್ವತ್ । ತದ್ರೋ॑ದಸೀ ಜನಯತಂ ಜರಿ॒ತ್ರೇ ದ್ಯಾವಾ॒ ರಕ್ಷ॑ತಂ ಪೃಥಿವೀ ನೋ॒ ಅಭ್ವಾ॑ತ್ ॥
अ॒ने॒हो दा॒त्रमदि॑तेरन॒र्वं हु॒वे स्व॑र्वदव॒धं नम॑स्वत् । तद्रो॑दसी जनयतं जरि॒त्रे द्यावा॒ रक्ष॑तं पृथिवी नो॒ अभ्वा॑त् ॥
ಅತ॑ಪ್ಯಮಾನೇ॒ ಅವ॒ಸಾವಂ॑ತೀ॒ ಅನು॑ ಷ್ಯಾಮ॒ ರೋದ॑ಸೀ ದೇ॒ವಪು॑ತ್ರೇ । ಉ॒ಭೇ ದೇ॒ವಾನಾ॑ಮು॒ಭಯೇ॑ಭಿ॒ರಹ್ನಾಂ॒ ದ್ಯಾವಾ॒ ರಕ್ಷ॑ತಂ ಪೃಥಿವೀ ನೋ॒ ಅಭ್ವಾ॑ತ್ ॥
अत॑प्यमाने॒ अव॒सावं॑ती॒ अनु॑ ष्याम॒ रोद॑सी दे॒वपु॑त्रे । उ॒भे दे॒वाना॑मु॒भये॑भि॒रह्नां॒ द्यावा॒ रक्ष॑तं पृथिवी नो॒ अभ्वा॑त् ॥
ಸಂ॒ಗಚ್ಛ॑ಮಾನೇ ಯುವ॒ತೀ ಸಮಂ॑ತೇ॒ ಸ್ವಸಾ॑ರಾ ಜಾ॒ಮೀ ಪಿ॒ತ್ರೋರು॒ಪಸ್ಥೇ॑ । ಅ॒ಭಿ॒ಜಿಘ್ರಂ॑ತೀ॒ ಭುವ॑ನಸ್ಯ॒ ನಾಭಿಂ॒ ದ್ಯಾವಾ॒ ರಕ್ಷ॑ತಂ ಪೃಥಿವೀ ನೋ॒ ಅಭ್ವಾ॑ತ್ ॥
सं॒गच्छ॑माने युव॒ती समं॑ते॒ स्वसा॑रा जा॒मी पि॒त्रोरु॒पस्थे॑ । अ॒भि॒जिघ्रं॑ती॒ भुव॑नस्य॒ नाभिं॒ द्यावा॒ रक्ष॑तं पृथिवी नो॒ अभ्वा॑त् ॥
ಉ॒ರ್ವೀ ಸದ್ಮ॑ನೀ ಬೃಹ॒ತೀ ಋ॒ತೇನ॑ ಹು॒ವೇ ದೇ॒ವಾನಾ॒ಮವ॑ಸಾ॒ ಜನಿ॑ತ್ರೀ । ದ॒ಧಾತೇ॒ ಯೇ ಅ॒ಮೃತಂ॑ ಸು॒ಪ್ರತೀ॑ಕೇ॒ ದ್ಯಾವಾ॒ ರಕ್ಷ॑ತಂ ಪೃಥಿವೀ ನೋ॒ ಅಭ್ವಾ॑ತ್ ॥
उ॒र्वी सद्म॑नी बृह॒ती ऋ॒तेन॑ हु॒वे दे॒वाना॒मव॑सा॒ जनि॑त्री । द॒धाते॒ ये अ॒मृतं॑ सु॒प्रती॑के॒ द्यावा॒ रक्ष॑तं पृथिवी नो॒ अभ्वा॑त् ॥
ಉ॒ರ್ವೀ ಪೃ॒ಥ್ವೀ ಬ॑ಹು॒ಲೇ ದೂ॒ರೇಅಂ॑ತೇ॒ ಉಪ॑ ಬ್ರುವೇ॒ ನಮ॑ಸಾ ಯ॒ಜ್ಞೇ ಅ॒ಸ್ಮಿನ್ । ದ॒ಧಾತೇ॒ ಯೇ ಸು॒ಭಗೇ॑ ಸು॒ಪ್ರತೂ॑ರ್ತೀ॒ ದ್ಯಾವಾ॒ ರಕ್ಷ॑ತಂ ಪೃಥಿವೀ ನೋ॒ ಅಭ್ವಾ॑ತ್ ॥
उ॒र्वी पृ॒थ्वी ब॑हु॒ले दू॒रेअं॑ते॒ उप॑ ब्रुवे॒ नम॑सा य॒ज्ञे अ॒स्मिन् । द॒धाते॒ ये सु॒भगे॑ सु॒प्रतू॑र्ती॒ द्यावा॒ रक्ष॑तं पृथिवी नो॒ अभ्वा॑त् ॥
ದೇ॒ವಾನ್ವಾ॒ ಯಚ್ಚ॑ಕೃ॒ಮಾ ಕಚ್ಚಿ॒ದಾಗಃ॒ ಸಖಾ॑ಯಂ ವಾ॒ ಸದ॒ಮಿಜ್ಜಾಸ್ಪ॑ತಿಂ ವಾ । ಇ॒ಯಂ ಧೀರ್ಭೂ॑ಯಾ ಅವ॒ಯಾನ॑ಮೇಷಾಂ॒ ದ್ಯಾವಾ॒ ರಕ್ಷ॑ತಂ ಪೃಥಿವೀ ನೋ॒ ಅಭ್ವಾ॑ತ್ ॥
दे॒वान्वा॒ यच्च॑कृ॒मा कच्चि॒दागः॒ सखा॑यं वा॒ सद॒मिज्जास्प॑तिं वा । इ॒यं धीर्भू॑या अव॒यान॑मेषां॒ द्यावा॒ रक्ष॑तं पृथिवी नो॒ अभ्वा॑त् ॥
ಉ॒ಭಾ ಶಂಸಾ॒ ನರ್ಯಾ॒ ಮಾಮ॑ವಿಷ್ಟಾಮು॒ಭೇ ಮಾಮೂ॒ತೀ ಅವ॑ಸಾ ಸಚೇತಾಂ । ಭೂರಿ॑ ಚಿದ॒ರ್ಯಃ ಸು॒ದಾಸ್ತ॑ರಾಯೇ॒ಷಾ ಮದಂ॑ತ ಇಷಯೇಮ ದೇವಾಃ ॥
उ॒भा शंसा॒ नर्या॒ माम॑विष्टामु॒भे मामू॒ती अव॑सा सचेतां । भूरि॑ चिद॒र्यः सु॒दास्त॑राये॒षा मदं॑त इषयेम देवाः ॥
ಋ॒ತಂ ದಿ॒ವೇ ತದ॑ವೋಚಂ ಪೃಥಿ॒ವ್ಯಾ ಅ॑ಭಿಶ್ರಾ॒ವಾಯ॑ ಪ್ರಥ॒ಮಂ ಸು॑ಮೇ॒ಧಾಃ । ಪಾ॒ತಾಮ॑ವ॒ದ್ಯಾದ್ದು॑ರಿ॒ತಾದ॒ಭೀಕೇ॑ ಪಿ॒ತಾ ಮಾ॒ತಾ ಚ॑ ರಕ್ಷತಾ॒ಮವೋ॑ಭಿಃ ॥
ऋ॒तं दि॒वे तद॑वोचं पृथि॒व्या अ॑भिश्रा॒वाय॑ प्रथ॒मं सु॑मे॒धाः । पा॒ताम॑व॒द्याद्दु॑रि॒ताद॒भीके॑ पि॒ता मा॒ता च॑ रक्षता॒मवो॑भिः ॥
ಇ॒ದಂ ದ್ಯಾ॑ವಾಪೃಥಿವೀ ಸ॒ತ್ಯಮ॑ಸ್ತು॒ ಪಿತ॒ರ್ಮಾತ॒ರ್ಯದಿ॒ಹೋಪ॑ಬ್ರು॒ವೇ ವಾಂ॑ । ಭೂ॒ತಂ ದೇ॒ವಾನಾ॑ಮವ॒ಮೇ ಅವೋ॑ಭಿರ್ವಿ॒ದ್ಯಾಮೇ॒ಷಂ ವೃ॒ಜನಂ॑ ಜೀ॒ರದಾ॑ನುಂ ॥
इ॒दं द्या॑वापृथिवी स॒त्यम॑स्तु॒ पित॒र्मात॒र्यदि॒होप॑ब्रु॒वे वां॑ । भू॒तं दे॒वाना॑मव॒मे अवो॑भिर्वि॒द्यामे॒षं वृ॒जनं॑ जी॒रदा॑नुं ॥