ಈ ಸೂಕ್ತಕ್ಕೆ ಅಡ್ಮಿನ್‌ನಲ್ಲಿ ಕನ್ನಡ ಅಧ್ಯಯನ ಮಾರ್ಗದರ್ಶಿ (Study Guide) ಇನ್ನೂ ರಚನೆಯಾಗಿಲ್ಲ. ಅಡ್ಮಿನ್‌ನಲ್ಲಿ Generate Study Guides ಮೂಲಕ ಕನ್ನಡ ಭಾಷೆಯನ್ನು ಆಯ್ಕೆಮಾಡಿ ರಚಿಸಬಹುದು.
ಪ್ರತಿ॑ ವ ಏ॒ನಾ ನಮ॑ಸಾ॒ಹಮೇ॑ಮಿ ಸೂ॒ಕ್ತೇನ॑ ಭಿಕ್ಷೇ ಸುಮ॒ತಿಂ ತು॒ರಾಣಾಂ॑ । ರ॒ರಾ॒ಣತಾ॑ ಮರುತೋ ವೇ॒ದ್ಯಾಭಿ॒ರ್ನಿ ಹೇಳೋ॑ ಧ॒ತ್ತ ವಿ ಮು॑ಚಧ್ವ॒ಮಶ್ವಾ॑ನ್ ॥
प्रति॑ व ए॒ना नम॑सा॒हमे॑मि सू॒क्तेन॑ भिक्षे सुम॒तिं तु॒राणां॑ । र॒रा॒णता॑ मरुतो वे॒द्याभि॒र्नि हेळो॑ ध॒त्त वि मु॑चध्व॒मश्वा॑न् ॥
ಏ॒ಷ ವಃ॒ ಸ್ತೋಮೋ॑ ಮರುತೋ॒ ನಮ॑ಸ್ವಾನ್ಹೃ॒ದಾ ತ॒ಷ್ಟೋ ಮನ॑ಸಾ ಧಾಯಿ ದೇವಾಃ । ಉಪೇ॒ಮಾ ಯಾ॑ತ॒ ಮನ॑ಸಾ ಜುಷಾ॒ಣಾ ಯೂ॒ಯಂ ಹಿ ಷ್ಠಾ ನಮ॑ಸ॒ ಇದ್ವೃ॒ಧಾಸಃ॑ ॥
ए॒ष वः॒ स्तोमो॑ मरुतो॒ नम॑स्वान्हृ॒दा त॒ष्टो मन॑सा धायि देवाः । उपे॒मा या॑त॒ मन॑सा जुषा॒णा यू॒यं हि ष्ठा नम॑स॒ इद्वृ॒धासः॑ ॥
ಸ್ತು॒ತಾಸೋ॑ ನೋ ಮ॒ರುತೋ॑ ಮೃಳಯಂತೂ॒ತ ಸ್ತು॒ತೋ ಮ॒ಘವಾ॒ ಶಂಭ॑ವಿಷ್ಠಃ । ಊ॒ರ್ಧ್ವಾ ನಃ॑ ಸಂತು ಕೋ॒ಮ್ಯಾ ವನಾ॒ನ್ಯಹಾ॑ನಿ॒ ವಿಶ್ವಾ॑ ಮರುತೋ ಜಿಗೀ॒ಷಾ ॥
स्तु॒तासो॑ नो म॒रुतो॑ मृळयंतू॒त स्तु॒तो म॒घवा॒ शंभ॑विष्ठः । ऊ॒र्ध्वा नः॑ संतु को॒म्या वना॒न्यहा॑नि॒ विश्वा॑ मरुतो जिगी॒षा ॥
ಅ॒ಸ್ಮಾದ॒ಹಂ ತ॑ವಿ॒ಷಾದೀಷ॑ಮಾಣ॒ ಇಂದ್ರಾ॑ದ್ಭಿ॒ಯಾ ಮ॑ರುತೋ॒ ರೇಜ॑ಮಾನಃ । ಯು॒ಷ್ಮಭ್ಯಂ॑ ಹ॒ವ್ಯಾ ನಿಶಿ॑ತಾನ್ಯಾಸ॒ನ್ತಾನ್ಯಾ॒ರೇ ಚ॑ಕೃಮಾ ಮೃ॒ಳತಾ॑ ನಃ ॥
अ॒स्माद॒हं त॑वि॒षादीष॑माण॒ इंद्रा॑द्भि॒या म॑रुतो॒ रेज॑मानः । यु॒ष्मभ्यं॑ ह॒व्या निशि॑तान्यास॒न्तान्या॒रे च॑कृमा मृ॒ळता॑ नः ॥
ಯೇನ॒ ಮಾನಾ॑ಸಶ್ಚಿ॒ತಯಂ॑ತ ಉ॒ಸ್ರಾ ವ್ಯು॑ಷ್ಟಿಷು॒ ಶವ॑ಸಾ॒ ಶಶ್ವ॑ತೀನಾಂ । ಸ ನೋ॑ ಮ॒ರುದ್ಭಿ॑ರ್ವೃಷಭ॒ ಶ್ರವೋ॑ ಧಾ ಉ॒ಗ್ರ ಉ॒ಗ್ರೇಭಿಃ॒ ಸ್ಥವಿ॑ರಃ ಸಹೋ॒ದಾಃ ॥
येन॒ माना॑सश्चि॒तयं॑त उ॒स्रा व्यु॑ष्टिषु॒ शव॑सा॒ शश्व॑तीनां । स नो॑ म॒रुद्भि॑र्वृषभ॒ श्रवो॑ धा उ॒ग्र उ॒ग्रेभिः॒ स्थवि॑रः सहो॒दाः ॥
ತ್ವಂ ಪಾ॑ಹೀಂದ್ರ॒ ಸಹೀ॑ಯಸೋ॒ ನೄನ್ಭವಾ॑ ಮ॒ರುದ್ಭಿ॒ರವ॑ಯಾತಹೇಳಾಃ । ಸು॒ಪ್ರ॒ಕೇ॒ತೇಭಿಃ॑ ಸಾಸ॒ಹಿರ್ದಧಾ॑ನೋ ವಿ॒ದ್ಯಾಮೇ॒ಷಂ ವೃ॒ಜನಂ॑ ಜೀ॒ರದಾ॑ನುಂ ॥
त्वं पा॑हींद्र॒ सही॑यसो॒ नॄन्भवा॑ म॒रुद्भि॒रव॑यातहेळाः । सु॒प्र॒के॒तेभिः॑ सास॒हिर्दधा॑नो वि॒द्यामे॒षं वृ॒जनं॑ जी॒रदा॑नुं ॥