ಈ ಸೂಕ್ತಕ್ಕೆ ಅಡ್ಮಿನ್‌ನಲ್ಲಿ ಕನ್ನಡ ಅಧ್ಯಯನ ಮಾರ್ಗದರ್ಶಿ (Study Guide) ಇನ್ನೂ ರಚನೆಯಾಗಿಲ್ಲ. ಅಡ್ಮಿನ್‌ನಲ್ಲಿ Generate Study Guides ಮೂಲಕ ಕನ್ನಡ ಭಾಷೆಯನ್ನು ಆಯ್ಕೆಮಾಡಿ ರಚಿಸಬಹುದು.
ಮ॒ಹಶ್ಚಿ॒ತ್ತ್ವಮಿಂ॑ದ್ರ ಯ॒ತ ಏ॒ತಾನ್ಮ॒ಹಶ್ಚಿ॑ದಸಿ॒ ತ್ಯಜ॑ಸೋ ವರೂ॒ತಾ । ಸ ನೋ॑ ವೇಧೋ ಮ॒ರುತಾಂ॑ ಚಿಕಿ॒ತ್ವಾನ್ತ್ಸು॒ಮ್ನಾ ವ॑ನುಷ್ವ॒ ತವ॒ ಹಿ ಪ್ರೇಷ್ಠಾ॑ ॥
म॒हश्चि॒त्त्वमिं॑द्र य॒त ए॒तान्म॒हश्चि॑दसि॒ त्यज॑सो वरू॒ता । स नो॑ वेधो म॒रुतां॑ चिकि॒त्वान्त्सु॒म्ना व॑नुष्व॒ तव॒ हि प्रेष्ठा॑ ॥
ಅಯು॑ಜ್ರಂತ ಇಂದ್ರ ವಿ॒ಶ್ವಕೃ॑ಷ್ಟೀರ್ವಿದಾ॒ನಾಸೋ॑ ನಿ॒ಷ್ಷಿಧೋ॑ ಮರ್ತ್ಯ॒ತ್ರಾ । ಮ॒ರುತಾಂ॑ ಪೃತ್ಸು॒ತಿರ್ಹಾಸ॑ಮಾನಾ॒ ಸ್ವ॑ರ್ಮೀಳ್ಹಸ್ಯ ಪ್ರ॒ಧನ॑ಸ್ಯ ಸಾ॒ತೌ ॥
अयु॑ज्रंत इंद्र वि॒श्वकृ॑ष्टीर्विदा॒नासो॑ नि॒ष्षिधो॑ मर्त्य॒त्रा । म॒रुतां॑ पृत्सु॒तिर्हास॑माना॒ स्व॑र्मीळ्हस्य प्र॒धन॑स्य सा॒तौ ॥
ಅಮ್ಯ॒ಕ್ಸಾ ತ॑ ಇಂದ್ರ ಋ॒ಷ್ಟಿರ॒ಸ್ಮೇ ಸನೇ॒ಮ್ಯಭ್ವಂ॑ ಮ॒ರುತೋ॑ ಜುನಂತಿ । ಅ॒ಗ್ನಿಶ್ಚಿ॒ದ್ಧಿ ಷ್ಮಾ॑ತ॒ಸೇ ಶು॑ಶು॒ಕ್ವಾನಾಪೋ॒ ನ ದ್ವೀ॒ಪಂ ದಧ॑ತಿ॒ ಪ್ರಯಾಂ॑ಸಿ ॥
अम्य॒क्सा त॑ इंद्र ऋ॒ष्टिर॒स्मे सने॒म्यभ्वं॑ म॒रुतो॑ जुनंति । अ॒ग्निश्चि॒द्धि ष्मा॑त॒से शु॑शु॒क्वानापो॒ न द्वी॒पं दध॑ति॒ प्रयां॑सि ॥
ತ್ವಂ ತೂ ನ॑ ಇಂದ್ರ॒ ತಂ ರ॒ಯಿಂ ದಾ॒ ಓಜಿ॑ಷ್ಠಯಾ॒ ದಕ್ಷಿ॑ಣಯೇವ ರಾ॒ತಿಂ । ಸ್ತುತ॑ಶ್ಚ॒ ಯಾಸ್ತೇ॑ ಚ॒ಕನಂ॑ತ ವಾ॒ಯೋಃ ಸ್ತನಂ॒ ನ ಮಧ್ವಃ॑ ಪೀಪಯಂತ॒ ವಾಜೈಃ॑ ॥
त्वं तू न॑ इंद्र॒ तं र॒यिं दा॒ ओजि॑ष्ठया॒ दक्षि॑णयेव रा॒तिं । स्तुत॑श्च॒ यास्ते॑ च॒कनं॑त वा॒योः स्तनं॒ न मध्वः॑ पीपयंत॒ वाजैः॑ ॥
ತ್ವೇ ರಾಯ॑ ಇಂದ್ರ ತೋ॒ಶತ॑ಮಾಃ ಪ್ರಣೇ॒ತಾರಃ॒ ಕಸ್ಯ॑ ಚಿದೃತಾ॒ಯೋಃ । ತೇ ಷು ಣೋ॑ ಮ॒ರುತೋ॑ ಮೃಳಯಂತು॒ ಯೇ ಸ್ಮಾ॑ ಪು॒ರಾ ಗಾ॑ತೂ॒ಯಂತೀ॑ವ ದೇ॒ವಾಃ ॥
त्वे राय॑ इंद्र तो॒शत॑माः प्रणे॒तारः॒ कस्य॑ चिदृता॒योः । ते षु णो॑ म॒रुतो॑ मृळयंतु॒ ये स्मा॑ पु॒रा गा॑तू॒यंती॑व दे॒वाः ॥
ಪ್ರತಿ॒ ಪ್ರ ಯಾ॑ಹೀಂದ್ರ ಮೀ॒ಳ್ಹುಷೋ॒ ನೄನ್ಮ॒ಹಃ ಪಾರ್ಥಿ॑ವೇ॒ ಸದ॑ನೇ ಯತಸ್ವ । ಅಧ॒ ಯದೇ॑ಷಾಂ ಪೃಥುಬು॒ಧ್ನಾಸ॒ ಏತಾ॑ಸ್ತೀ॒ರ್ಥೇ ನಾರ್ಯಃ ಪೌಂಸ್ಯಾ॑ನಿ ತ॒ಸ್ಥುಃ ॥
प्रति॒ प्र या॑हींद्र मी॒ळ्हुषो॒ नॄन्म॒हः पार्थि॑वे॒ सद॑ने यतस्व । अध॒ यदे॑षां पृथुबु॒ध्नास॒ एता॑स्ती॒र्थे नार्यः पौंस्या॑नि त॒स्थुः ॥
ಪ್ರತಿ॑ ಘೋ॒ರಾಣಾ॒ಮೇತಾ॑ನಾಮ॒ಯಾಸಾಂ॑ ಮ॒ರುತಾಂ॑ ಶೃಣ್ವ ಆಯ॒ತಾಮು॑ಪ॒ಬ್ದಿಃ । ಯೇ ಮರ್ತ್ಯಂ॑ ಪೃತನಾ॒ಯಂತ॒ಮೂಮೈ॑ರ್ಋಣಾ॒ವಾನಂ॒ ನ ಪ॒ತಯಂ॑ತ॒ ಸರ್ಗೈಃ॑ ॥
प्रति॑ घो॒राणा॒मेता॑नाम॒यासां॑ म॒रुतां॑ शृण्व आय॒तामु॑प॒ब्दिः । ये मर्त्यं॑ पृतना॒यंत॒मूमै॑र्ऋणा॒वानं॒ न प॒तयं॑त॒ सर्गैः॑ ॥
ತ್ವಂ ಮಾನೇ॑ಭ್ಯ ಇಂದ್ರ ವಿ॒ಶ್ವಜ॑ನ್ಯಾ॒ ರದಾ॑ ಮ॒ರುದ್ಭಿಃ॑ ಶು॒ರುಧೋ॒ ಗೋಅ॑ಗ್ರಾಃ । ಸ್ತವಾ॑ನೇಭಿಃ ಸ್ತವಸೇ ದೇವ ದೇ॒ವೈರ್ವಿ॒ದ್ಯಾಮೇ॒ಷಂ ವೃ॒ಜನಂ॑ ಜೀ॒ರದಾ॑ನುಂ ॥
त्वं माने॑भ्य इंद्र वि॒श्वज॑न्या॒ रदा॑ म॒रुद्भिः॑ शु॒रुधो॒ गोअ॑ग्राः । स्तवा॑नेभिः स्तवसे देव दे॒वैर्वि॒द्यामे॒षं वृ॒जनं॑ जी॒रदा॑नुं ॥