ಈ ಸೂಕ್ತಕ್ಕೆ ಅಡ್ಮಿನ್‌ನಲ್ಲಿ ಕನ್ನಡ ಅಧ್ಯಯನ ಮಾರ್ಗದರ್ಶಿ (Study Guide) ಇನ್ನೂ ರಚನೆಯಾಗಿಲ್ಲ. ಅಡ್ಮಿನ್‌ನಲ್ಲಿ Generate Study Guides ಮೂಲಕ ಕನ್ನಡ ಭಾಷೆಯನ್ನು ಆಯ್ಕೆಮಾಡಿ ರಚಿಸಬಹುದು.
ವಸೂ॑ ರು॒ದ್ರಾ ಪು॑ರು॒ಮಂತೂ॑ ವೃ॒ಧಂತಾ॑ ದಶ॒ಸ್ಯತಂ॑ ನೋ ವೃಷಣಾವ॒ಭಿಷ್ಟೌ॑ । ದಸ್ರಾ॑ ಹ॒ ಯದ್ರೇಕ್ಣ॑ ಔಚ॒ಥ್ಯೋ ವಾಂ॒ ಪ್ರ ಯತ್ಸ॒ಸ್ರಾಥೇ॒ ಅಕ॑ವಾಭಿರೂ॒ತೀ ॥
वसू॑ रु॒द्रा पु॑रु॒मंतू॑ वृ॒धंता॑ दश॒स्यतं॑ नो वृषणाव॒भिष्टौ॑ । दस्रा॑ ह॒ यद्रेक्ण॑ औच॒थ्यो वां॒ प्र यत्स॒स्राथे॒ अक॑वाभिरू॒ती ॥
ಕೋ ವಾಂ॑ ದಾಶತ್ಸುಮ॒ತಯೇ॑ ಚಿದ॒ಸ್ಯೈ ವಸೂ॒ ಯದ್ಧೇಥೇ॒ ನಮ॑ಸಾ ಪ॒ದೇ ಗೋಃ । ಜಿ॒ಗೃ॒ತಮ॒ಸ್ಮೇ ರೇ॒ವತೀಃ॒ ಪುರಂ॑ಧೀಃ ಕಾಮ॒ಪ್ರೇಣೇ॑ವ॒ ಮನ॑ಸಾ॒ ಚರಂ॑ತಾ ॥
को वां॑ दाशत्सुम॒तये॑ चिद॒स्यै वसू॒ यद्धेथे॒ नम॑सा प॒दे गोः । जि॒गृ॒तम॒स्मे रे॒वतीः॒ पुरं॑धीः काम॒प्रेणे॑व॒ मन॑सा॒ चरं॑ता ॥
ಯು॒ಕ್ತೋ ಹ॒ ಯದ್ವಾಂ॑ ತೌ॒ಗ್ರ್ಯಾಯ॑ ಪೇ॒ರುರ್ವಿ ಮಧ್ಯೇ॒ ಅರ್ಣ॑ಸೋ॒ ಧಾಯಿ॑ ಪ॒ಜ್ರಃ । ಉಪ॑ ವಾ॒ಮವಃ॑ ಶರ॒ಣಂ ಗ॑ಮೇಯಂ॒ ಶೂರೋ॒ ನಾಜ್ಮ॑ ಪ॒ತಯ॑ದ್ಭಿ॒ರೇವೈಃ॑ ॥
यु॒क्तो ह॒ यद्वां॑ तौ॒ग्र्याय॑ पे॒रुर्वि मध्ये॒ अर्ण॑सो॒ धायि॑ प॒ज्रः । उप॑ वा॒मवः॑ शर॒णं ग॑मेयं॒ शूरो॒ नाज्म॑ प॒तय॑द्भि॒रेवैः॑ ॥
ಉಪ॑ಸ್ತುತಿರೌಚ॒ಥ್ಯಮು॑ರುಷ್ಯೇ॒ನ್ಮಾ ಮಾಮಿ॒ಮೇ ಪ॑ತ॒ತ್ರಿಣೀ॒ ವಿ ದು॑ಗ್ಧಾಂ । ಮಾ ಮಾಮೇಧೋ॒ ದಶ॑ತಯಶ್ಚಿ॒ತೋ ಧಾ॒ಕ್ ಪ್ರ ಯದ್ವಾಂ॑ ಬ॒ದ್ಧಸ್ತ್ಮನಿ॒ ಖಾದ॑ತಿ॒ ಕ್ಷಾಂ ॥
उप॑स्तुतिरौच॒थ्यमु॑रुष्ये॒न्मा मामि॒मे प॑त॒त्रिणी॒ वि दु॑ग्धां । मा मामेधो॒ दश॑तयश्चि॒तो धा॒क् प्र यद्वां॑ ब॒द्धस्त्मनि॒ खाद॑ति॒ क्षां ॥
ನ ಮಾ॑ ಗರನ್ನ॒ದ್ಯೋ॑ ಮಾ॒ತೃತ॑ಮಾ ದಾ॒ಸಾ ಯದೀಂ॒ ಸುಸ॑ಮುಬ್ಧಮ॒ವಾಧುಃ॑ । ಶಿರೋ॒ ಯದ॑ಸ್ಯ ತ್ರೈತ॒ನೋ ವಿ॒ತಕ್ಷ॑ತ್ಸ್ವ॒ಯಂ ದಾ॒ಸ ಉರೋ॒ ಅಂಸಾ॒ವಪಿ॑ ಗ್ಧ ॥
न मा॑ गरन्न॒द्यो॑ मा॒तृत॑मा दा॒सा यदीं॒ सुस॑मुब्धम॒वाधुः॑ । शिरो॒ यद॑स्य त्रैत॒नो वि॒तक्ष॑त्स्व॒यं दा॒स उरो॒ अंसा॒वपि॑ ग्ध ॥
ದೀ॒ರ್ಘತ॑ಮಾ ಮಾಮತೇ॒ಯೋ ಜು॑ಜು॒ರ್ವಾನ್ದ॑ಶ॒ಮೇ ಯು॒ಗೇ । ಅ॒ಪಾಮರ್ಥಂ॑ ಯ॒ತೀನಾಂ॑ ಬ್ರ॒ಹ್ಮಾ ಭ॑ವತಿ॒ ಸಾರ॑ಥಿಃ ॥
दी॒र्घत॑मा मामते॒यो जु॑जु॒र्वान्द॑श॒मे यु॒गे । अ॒पामर्थं॑ य॒तीनां॑ ब्र॒ह्मा भ॑वति॒ सार॑थिः ॥