ಈ ಸೂಕ್ತಕ್ಕೆ ಅಡ್ಮಿನ್‌ನಲ್ಲಿ ಕನ್ನಡ ಅಧ್ಯಯನ ಮಾರ್ಗದರ್ಶಿ (Study Guide) ಇನ್ನೂ ರಚನೆಯಾಗಿಲ್ಲ. ಅಡ್ಮಿನ್‌ನಲ್ಲಿ Generate Study Guides ಮೂಲಕ ಕನ್ನಡ ಭಾಷೆಯನ್ನು ಆಯ್ಕೆಮಾಡಿ ರಚಿಸಬಹುದು.
ಪ್ರ ದ್ಯಾವಾ॑ ಯ॒ಜ್ಞೈಃ ಪೃ॑ಥಿ॒ವೀ ಋ॑ತಾ॒ವೃಧಾ॑ ಮ॒ಹೀ ಸ್ತು॑ಷೇ ವಿ॒ದಥೇ॑ಷು॒ ಪ್ರಚೇ॑ತಸಾ । ದೇ॒ವೇಭಿ॒ರ್ಯೇ ದೇ॒ವಪು॑ತ್ರೇ ಸು॒ದಂಸ॑ಸೇ॒ತ್ಥಾ ಧಿ॒ಯಾ ವಾರ್ಯಾ॑ಣಿ ಪ್ರ॒ಭೂಷ॑ತಃ ॥
प्र द्यावा॑ य॒ज्ञैः पृ॑थि॒वी ऋ॑ता॒वृधा॑ म॒ही स्तु॑षे वि॒दथे॑षु॒ प्रचे॑तसा । दे॒वेभि॒र्ये दे॒वपु॑त्रे सु॒दंस॑से॒त्था धि॒या वार्या॑णि प्र॒भूष॑तः ॥
ಉ॒ತ ಮ॑ನ್ಯೇ ಪಿ॒ತುರ॒ದ್ರುಹೋ॒ ಮನೋ॑ ಮಾ॒ತುರ್ಮಹಿ॒ ಸ್ವತ॑ವ॒ಸ್ತದ್ಧವೀ॑ಮಭಿಃ । ಸು॒ರೇತ॑ಸಾ ಪಿ॒ತರಾ॒ ಭೂಮ॑ ಚಕ್ರತುರು॒ರು ಪ್ರ॒ಜಾಯಾ॑ ಅ॒ಮೃತಂ॒ ವರೀ॑ಮಭಿಃ ॥
उ॒त म॑न्ये पि॒तुर॒द्रुहो॒ मनो॑ मा॒तुर्महि॒ स्वत॑व॒स्तद्धवी॑मभिः । सु॒रेत॑सा पि॒तरा॒ भूम॑ चक्रतुरु॒रु प्र॒जाया॑ अ॒मृतं॒ वरी॑मभिः ॥
ತೇ ಸೂ॒ನವಃ॒ ಸ್ವಪ॑ಸಃ ಸು॒ದಂಸ॑ಸೋ ಮ॒ಹೀ ಜ॑ಜ್ಞುರ್ಮಾ॒ತರಾ॑ ಪೂ॒ರ್ವಚಿ॑ತ್ತಯೇ । ಸ್ಥಾ॒ತುಶ್ಚ॑ ಸ॒ತ್ಯಂ ಜಗ॑ತಶ್ಚ॒ ಧರ್ಮ॑ಣಿ ಪು॒ತ್ರಸ್ಯ॑ ಪಾಥಃ ಪ॒ದಮದ್ವ॑ಯಾವಿನಃ ॥
ते सू॒नवः॒ स्वप॑सः सु॒दंस॑सो म॒ही ज॑ज्ञुर्मा॒तरा॑ पू॒र्वचि॑त्तये । स्था॒तुश्च॑ स॒त्यं जग॑तश्च॒ धर्म॑णि पु॒त्रस्य॑ पाथः प॒दमद्व॑याविनः ॥
ತೇ ಮಾ॒ಯಿನೋ॑ ಮಮಿರೇ ಸು॒ಪ್ರಚೇ॑ತಸೋ ಜಾ॒ಮೀ ಸಯೋ॑ನೀ ಮಿಥು॒ನಾ ಸಮೋ॑ಕಸಾ । ನವ್ಯಂ॑ನವ್ಯಂ॒ ತಂತು॒ಮಾ ತ॑ನ್ವತೇ ದಿ॒ವಿ ಸ॑ಮು॒ದ್ರೇ ಅಂ॒ತಃ ಕ॒ವಯಃ॑ ಸುದೀ॒ತಯಃ॑ ॥
ते मा॒यिनो॑ ममिरे सु॒प्रचे॑तसो जा॒मी सयो॑नी मिथु॒ना समो॑कसा । नव्यं॑नव्यं॒ तंतु॒मा त॑न्वते दि॒वि स॑मु॒द्रे अं॒तः क॒वयः॑ सुदी॒तयः॑ ॥
ತದ್ರಾಧೋ॑ ಅ॒ದ್ಯ ಸ॑ವಿ॒ತುರ್ವರೇ॑ಣ್ಯಂ ವ॒ಯಂ ದೇ॒ವಸ್ಯ॑ ಪ್ರಸ॒ವೇ ಮ॑ನಾಮಹೇ । ಅ॒ಸ್ಮಭ್ಯಂ॑ ದ್ಯಾವಾಪೃಥಿವೀ ಸುಚೇ॒ತುನಾ॑ ರ॒ಯಿಂ ಧ॑ತ್ತಂ॒ ವಸು॑ಮಂತಂ ಶತ॒ಗ್ವಿನಂ॑ ॥
तद्राधो॑ अ॒द्य स॑वि॒तुर्वरे॑ण्यं व॒यं दे॒वस्य॑ प्रस॒वे म॑नामहे । अ॒स्मभ्यं॑ द्यावापृथिवी सुचे॒तुना॑ र॒यिं ध॑त्तं॒ वसु॑मंतं शत॒ग्विनं॑ ॥