ಈ ಸೂಕ್ತಕ್ಕೆ ಅಡ್ಮಿನ್‌ನಲ್ಲಿ ಕನ್ನಡ ಅಧ್ಯಯನ ಮಾರ್ಗದರ್ಶಿ (Study Guide) ಇನ್ನೂ ರಚನೆಯಾಗಿಲ್ಲ. ಅಡ್ಮಿನ್‌ನಲ್ಲಿ Generate Study Guides ಮೂಲಕ ಕನ್ನಡ ಭಾಷೆಯನ್ನು ಆಯ್ಕೆಮಾಡಿ ರಚಿಸಬಹುದು.
ಭವಾ॑ ಮಿ॒ತ್ರೋ ನ ಶೇವ್ಯೋ॑ ಘೃ॒ತಾಸು॑ತಿ॒ರ್ವಿಭೂ॑ತದ್ಯುಮ್ನ ಏವ॒ಯಾ ಉ॑ ಸ॒ಪ್ರಥಾಃ॑ । ಅಧಾ॑ ತೇ ವಿಷ್ಣೋ ವಿ॒ದುಷಾ॑ ಚಿ॒ದರ್ಧ್ಯಃ॒ ಸ್ತೋಮೋ॑ ಯ॒ಜ್ಞಶ್ಚ॒ ರಾಧ್ಯೋ॑ ಹ॒ವಿಷ್ಮ॑ತಾ ॥
भवा॑ मि॒त्रो न शेव्यो॑ घृ॒तासु॑ति॒र्विभू॑तद्युम्न एव॒या उ॑ स॒प्रथाः॑ । अधा॑ ते विष्णो वि॒दुषा॑ चि॒दर्ध्यः॒ स्तोमो॑ य॒ज्ञश्च॒ राध्यो॑ ह॒विष्म॑ता ॥
ಯಃ ಪೂ॒ರ್ವ್ಯಾಯ॑ ವೇ॒ಧಸೇ॒ ನವೀ॑ಯಸೇ ಸು॒ಮಜ್ಜಾ॑ನಯೇ॒ ವಿಷ್ಣ॑ವೇ॒ ದದಾ॑ಶತಿ । ಯೋ ಜಾ॒ತಮ॑ಸ್ಯ ಮಹ॒ತೋ ಮಹಿ॒ ಬ್ರವ॒ತ್ಸೇದು॒ ಶ್ರವೋ॑ಭಿ॒ರ್ಯುಜ್ಯಂ॑ ಚಿದ॒ಭ್ಯ॑ಸತ್ ॥
यः पू॒र्व्याय॑ वे॒धसे॒ नवी॑यसे सु॒मज्जा॑नये॒ विष्ण॑वे॒ ददा॑शति । यो जा॒तम॑स्य मह॒तो महि॒ ब्रव॒त्सेदु॒ श्रवो॑भि॒र्युज्यं॑ चिद॒भ्य॑सत् ॥
ತಮು॑ ಸ್ತೋತಾರಃ ಪೂ॒ರ್ವ್ಯಂ ಯಥಾ॑ ವಿ॒ದ ಋ॒ತಸ್ಯ॒ ಗರ್ಭಂ॑ ಜ॒ನುಷಾ॑ ಪಿಪರ್ತನ । ಆಸ್ಯ॑ ಜಾ॒ನಂತೋ॒ ನಾಮ॑ ಚಿದ್ವಿವಕ್ತನ ಮ॒ಹಸ್ತೇ॑ ವಿಷ್ಣೋ ಸುಮ॒ತಿಂ ಭ॑ಜಾಮಹೇ ॥
तमु॑ स्तोतारः पू॒र्व्यं यथा॑ वि॒द ऋ॒तस्य॒ गर्भं॑ ज॒नुषा॑ पिपर्तन । आस्य॑ जा॒नंतो॒ नाम॑ चिद्विवक्तन म॒हस्ते॑ विष्णो सुम॒तिं भ॑जामहे ॥
ತಮ॑ಸ್ಯ॒ ರಾಜಾ॒ ವರು॑ಣ॒ಸ್ತಮ॒ಶ್ವಿನಾ॒ ಕ್ರತುಂ॑ ಸಚಂತ॒ ಮಾರು॑ತಸ್ಯ ವೇ॒ಧಸಃ॑ । ದಾ॒ಧಾರ॒ ದಕ್ಷ॑ಮುತ್ತ॒ಮಮ॑ಹ॒ರ್ವಿದಂ॑ ವ್ರ॒ಜಂ ಚ॒ ವಿಷ್ಣುಃ॒ ಸಖಿ॑ವಾಁ ಅಪೋರ್ಣು॒ತೇ ॥
तम॑स्य॒ राजा॒ वरु॑ण॒स्तम॒श्विना॒ क्रतुं॑ सचंत॒ मारु॑तस्य वे॒धसः॑ । दा॒धार॒ दक्ष॑मुत्त॒मम॑ह॒र्विदं॑ व्र॒जं च॒ विष्णुः॒ सखि॑वाँ अपोर्णु॒ते ॥
ಆ ಯೋ ವಿ॒ವಾಯ॑ ಸ॒ಚಥಾ॑ಯ॒ ದೈವ್ಯ॒ ಇಂದ್ರಾ॑ಯ॒ ವಿಷ್ಣುಃ॑ ಸು॒ಕೃತೇ॑ ಸು॒ಕೃತ್ತ॑ರಃ । ವೇ॒ಧಾ ಅ॑ಜಿನ್ವತ್ತ್ರಿಷಧ॒ಸ್ಥ ಆರ್ಯ॑ಮೃ॒ತಸ್ಯ॑ ಭಾ॒ಗೇ ಯಜ॑ಮಾನ॒ಮಾಭ॑ಜತ್ ॥
आ यो वि॒वाय॑ स॒चथा॑य॒ दैव्य॒ इंद्रा॑य॒ विष्णुः॑ सु॒कृते॑ सु॒कृत्त॑रः । वे॒धा अ॑जिन्वत्त्रिषध॒स्थ आर्य॑मृ॒तस्य॑ भा॒गे यज॑मान॒माभ॑जत् ॥