ಈ ಸೂಕ್ತಕ್ಕೆ ಅಡ್ಮಿನ್‌ನಲ್ಲಿ ಕನ್ನಡ ಅಧ್ಯಯನ ಮಾರ್ಗದರ್ಶಿ (Study Guide) ಇನ್ನೂ ರಚನೆಯಾಗಿಲ್ಲ. ಅಡ್ಮಿನ್‌ನಲ್ಲಿ Generate Study Guides ಮೂಲಕ ಕನ್ನಡ ಭಾಷೆಯನ್ನು ಆಯ್ಕೆಮಾಡಿ ರಚಿಸಬಹುದು.
ವಿಷ್ಣೋ॒ರ್ನು ಕಂ॑ ವೀ॒ರ್ಯಾ॑ಣಿ॒ ಪ್ರ ವೋ॑ಚಂ॒ ಯಃ ಪಾರ್ಥಿ॑ವಾನಿ ವಿಮ॒ಮೇ ರಜಾಂ॑ಸಿ । ಯೋ ಅಸ್ಕ॑ಭಾಯ॒ದುತ್ತ॑ರಂ ಸ॒ಧಸ್ಥಂ॑ ವಿಚಕ್ರಮಾ॒ಣಸ್ತ್ರೇ॒ಧೋರು॑ಗಾ॒ಯಃ ॥
विष्णो॒र्नु कं॑ वी॒र्या॑णि॒ प्र वो॑चं॒ यः पार्थि॑वानि विम॒मे रजां॑सि । यो अस्क॑भाय॒दुत्त॑रं स॒धस्थं॑ विचक्रमा॒णस्त्रे॒धोरु॑गा॒यः ॥
ಪ್ರ ತದ್ವಿಷ್ಣುಃ॑ ಸ್ತವತೇ ವೀ॒ರ್ಯೇ॑ಣ ಮೃ॒ಗೋ ನ ಭೀ॒ಮಃ ಕು॑ಚ॒ರೋ ಗಿ॑ರಿ॒ಷ್ಠಾಃ । ಯಸ್ಯೋ॒ರುಷು॑ ತ್ರಿ॒ಷು ವಿ॒ಕ್ರಮ॑ಣೇಷ್ವಧಿಕ್ಷಿ॒ಯಂತಿ॒ ಭುವ॑ನಾನಿ॒ ವಿಶ್ವಾ॑ ॥
प्र तद्विष्णुः॑ स्तवते वी॒र्ये॑ण मृ॒गो न भी॒मः कु॑च॒रो गि॑रि॒ष्ठाः । यस्यो॒रुषु॑ त्रि॒षु वि॒क्रम॑णेष्वधिक्षि॒यंति॒ भुव॑नानि॒ विश्वा॑ ॥
ಪ್ರ ವಿಷ್ಣ॑ವೇ ಶೂ॒ಷಮೇ॑ತು॒ ಮನ್ಮ॑ ಗಿರಿ॒ಕ್ಷಿತ॑ ಉರುಗಾ॒ಯಾಯ॒ ವೃಷ್ಣೇ॑ । ಯ ಇ॒ದಂ ದೀ॒ರ್ಘಂ ಪ್ರಯ॑ತಂ ಸ॒ಧಸ್ಥ॒ಮೇಕೋ॑ ವಿಮ॒ಮೇ ತ್ರಿ॒ಭಿರಿತ್ಪ॒ದೇಭಿಃ॑ ॥
प्र विष्ण॑वे शू॒षमे॑तु॒ मन्म॑ गिरि॒क्षित॑ उरुगा॒याय॒ वृष्णे॑ । य इ॒दं दी॒र्घं प्रय॑तं स॒धस्थ॒मेको॑ विम॒मे त्रि॒भिरित्प॒देभिः॑ ॥
ಯಸ್ಯ॒ ತ್ರೀ ಪೂ॒ರ್ಣಾ ಮಧು॑ನಾ ಪ॒ದಾನ್ಯಕ್ಷೀ॑ಯಮಾಣಾ ಸ್ವ॒ಧಯಾ॒ ಮದಂ॑ತಿ । ಯ ಉ॑ ತ್ರಿ॒ಧಾತು॑ ಪೃಥಿ॒ವೀಮು॒ತ ದ್ಯಾಮೇಕೋ॑ ದಾ॒ಧಾರ॒ ಭುವ॑ನಾನಿ॒ ವಿಶ್ವಾ॑ ॥
यस्य॒ त्री पू॒र्णा मधु॑ना प॒दान्यक्षी॑यमाणा स्व॒धया॒ मदं॑ति । य उ॑ त्रि॒धातु॑ पृथि॒वीमु॒त द्यामेको॑ दा॒धार॒ भुव॑नानि॒ विश्वा॑ ॥
ತದ॑ಸ್ಯ ಪ್ರಿ॒ಯಮ॒ಭಿ ಪಾಥೋ॑ ಅಶ್ಯಾಂ॒ ನರೋ॒ ಯತ್ರ॑ ದೇವ॒ಯವೋ॒ ಮದಂ॑ತಿ । ಉ॒ರು॒ಕ್ರ॒ಮಸ್ಯ॒ ಸ ಹಿ ಬಂಧು॑ರಿ॒ತ್ಥಾ ವಿಷ್ಣೋಃ॑ ಪ॒ದೇ ಪ॑ರ॒ಮೇ ಮಧ್ವ॒ ಉತ್ಸಃ॑ ॥
तद॑स्य प्रि॒यम॒भि पाथो॑ अश्यां॒ नरो॒ यत्र॑ देव॒यवो॒ मदं॑ति । उ॒रु॒क्र॒मस्य॒ स हि बंधु॑रि॒त्था विष्णोः॑ प॒दे प॑र॒मे मध्व॒ उत्सः॑ ॥
ತಾ ವಾಂ॒ ವಾಸ್ತೂ॑ನ್ಯುಶ್ಮಸಿ॒ ಗಮ॑ಧ್ಯೈ॒ ಯತ್ರ॒ ಗಾವೋ॒ ಭೂರಿ॑ಶೃಂಗಾ ಅ॒ಯಾಸಃ॑ । ಅತ್ರಾಹ॒ ತದು॑ರುಗಾ॒ಯಸ್ಯ॒ ವೃಷ್ಣಃ॑ ಪರ॒ಮಂ ಪ॒ದಮವ॑ ಭಾತಿ॒ ಭೂರಿ॑ ॥
ता वां॒ वास्तू॑न्युश्मसि॒ गम॑ध्यै॒ यत्र॒ गावो॒ भूरि॑शृंगा अ॒यासः॑ । अत्राह॒ तदु॑रुगा॒यस्य॒ वृष्णः॑ पर॒मं प॒दमव॑ भाति॒ भूरि॑ ॥