ಈ ಸೂಕ್ತಕ್ಕೆ ಅಡ್ಮಿನ್‌ನಲ್ಲಿ ಕನ್ನಡ ಅಧ್ಯಯನ ಮಾರ್ಗದರ್ಶಿ (Study Guide) ಇನ್ನೂ ರಚನೆಯಾಗಿಲ್ಲ. ಅಡ್ಮಿನ್‌ನಲ್ಲಿ Generate Study Guides ಮೂಲಕ ಕನ್ನಡ ಭಾಷೆಯನ್ನು ಆಯ್ಕೆಮಾಡಿ ರಚಿಸಬಹುದು.
ಯಜಾ॑ಮಹೇ ವಾಂ ಮ॒ಹಃ ಸ॒ಜೋಷಾ॑ ಹ॒ವ್ಯೇಭಿ॑ರ್ಮಿತ್ರಾವರುಣಾ॒ ನಮೋ॑ಭಿಃ । ಘೃ॒ತೈರ್ಘೃ॑ತಸ್ನೂ॒ ಅಧ॒ ಯದ್ವಾ॑ಮ॒ಸ್ಮೇ ಅ॑ಧ್ವ॒ರ್ಯವೋ॒ ನ ಧೀ॒ತಿಭಿ॒ರ್ಭರಂ॑ತಿ ॥
यजा॑महे वां म॒हः स॒जोषा॑ ह॒व्येभि॑र्मित्रावरुणा॒ नमो॑भिः । घृ॒तैर्घृ॑तस्नू॒ अध॒ यद्वा॑म॒स्मे अ॑ध्व॒र्यवो॒ न धी॒तिभि॒र्भरं॑ति ॥
ಪ್ರಸ್ತು॑ತಿರ್ವಾಂ॒ ಧಾಮ॒ ನ ಪ್ರಯು॑ಕ್ತಿ॒ರಯಾ॑ಮಿ ಮಿತ್ರಾವರುಣಾ ಸುವೃ॒ಕ್ತಿಃ । ಅ॒ನಕ್ತಿ॒ ಯದ್ವಾಂ॑ ವಿ॒ದಥೇ॑ಷು॒ ಹೋತಾ॑ ಸು॒ಮ್ನಂ ವಾಂ॑ ಸೂ॒ರಿರ್ವೃ॑ಷಣಾ॒ವಿಯ॑ಕ್ಷನ್ ॥
प्रस्तु॑तिर्वां॒ धाम॒ न प्रयु॑क्ति॒रया॑मि मित्रावरुणा सुवृ॒क्तिः । अ॒नक्ति॒ यद्वां॑ वि॒दथे॑षु॒ होता॑ सु॒म्नं वां॑ सू॒रिर्वृ॑षणा॒विय॑क्षन् ॥
ಪೀ॒ಪಾಯ॑ ಧೇ॒ನುರದಿ॑ತಿರ್ಋ॒ತಾಯ॒ ಜನಾ॑ಯ ಮಿತ್ರಾವರುಣಾ ಹವಿ॒ರ್ದೇ । ಹಿ॒ನೋತಿ॒ ಯದ್ವಾಂ॑ ವಿ॒ದಥೇ॑ ಸಪ॒ರ್ಯನ್ತ್ಸ ರಾ॒ತಹ॑ವ್ಯೋ॒ ಮಾನು॑ಷೋ॒ ನ ಹೋತಾ॑ ॥
पी॒पाय॑ धे॒नुरदि॑तिर्ऋ॒ताय॒ जना॑य मित्रावरुणा हवि॒र्दे । हि॒नोति॒ यद्वां॑ वि॒दथे॑ सप॒र्यन्त्स रा॒तह॑व्यो॒ मानु॑षो॒ न होता॑ ॥
ಉ॒ತ ವಾಂ॑ ವಿ॒ಕ್ಷು ಮದ್ಯಾ॒ಸ್ವಂಧೋ॒ ಗಾವ॒ ಆಪ॑ಶ್ಚ ಪೀಪಯಂತ ದೇ॒ವೀಃ । ಉ॒ತೋ ನೋ॑ ಅ॒ಸ್ಯ ಪೂ॒ರ್ವ್ಯಃ ಪತಿ॒ರ್ದನ್ವೀ॒ತಂ ಪಾ॒ತಂ ಪಯ॑ಸ ಉ॒ಸ್ರಿಯಾ॑ಯಾಃ ॥
उ॒त वां॑ वि॒क्षु मद्या॒स्वंधो॒ गाव॒ आप॑श्च पीपयंत दे॒वीः । उ॒तो नो॑ अ॒स्य पू॒र्व्यः पति॒र्दन्वी॒तं पा॒तं पय॑स उ॒स्रिया॑याः ॥