ಅಗ್ನಿಗೆ ಮತ್ತು ದೇವತೆಗಳಿಗೆ ಆಹ್ವಾನ

ಐಭಿ॑ರಗ್ನೇ॒ ದುವೋ॒ ಗಿರೋ॒ ವಿಶ್ವೇ॑ಭಿಃ॒ ಸೋಮ॑ಪೀತಯೇ । ದೇ॒ವೇಭಿ॑ರ್ಯಾಹಿ॒ ಯಕ್ಷಿ॑ ಚ ॥

ऐभि॑रग्ने॒ दुवो॒ गिरो॒ विश्वे॑भिः॒ सोम॑पीतये । दे॒वेभि॑र्याहि॒ यक्षि॑ च ॥

ಆ ತ್ವಾ॒ ಕಣ್ವಾ॑ ಅಹೂಷತ ಗೃ॒ಣಂತಿ॑ ವಿಪ್ರ ತೇ॒ ಧಿಯಃ॑ । ದೇ॒ವೇಭಿ॑ರಗ್ನ॒ ಆ ಗ॑ಹಿ ॥

आ त्वा॒ कण्वा॑ अहूषत गृ॒णंति॑ विप्र ते॒ धियः॑ । दे॒वेभि॑रग्न॒ आ ग॑हि ॥

ಇಂ॒ದ್ರ॒ವಾ॒ಯೂ ಬೃಹ॒ಸ್ಪತಿಂ॑ ಮಿ॒ತ್ರಾಗ್ನಿಂ ಪೂ॒ಷಣಂ॒ ಭಗಂ॑ । ಆ॒ದಿ॒ತ್ಯಾನ್ಮಾರು॑ತಂ ಗ॒ಣಂ ॥

इं॒द्र॒वा॒यू बृह॒स्पतिं॑ मि॒त्राग्निं पू॒षणं॒ भगं॑ । आ॒दि॒त्यान्मारु॑तं ग॒णं ॥

ಪ್ರ ವೋ॑ ಭ್ರಿಯಂತ॒ ಇಂದ॑ವೋ ಮತ್ಸ॒ರಾ ಮಾ॑ದಯಿ॒ಷ್ಣವಃ॑ । ದ್ರ॒ಪ್ಸಾ ಮಧ್ವ॑ಶ್ಚಮೂ॒ಷದಃ॑ ॥

प्र वो॑ भ्रियंत॒ इंद॑वो मत्स॒रा मा॑दयि॒ष्णवः॑ । द्र॒प्सा मध्व॑श्चमू॒षदः॑ ॥

ಈಳ॑ತೇ॒ ತ್ವಾಮ॑ವ॒ಸ್ಯವಃ॒ ಕಣ್ವಾ॑ಸೋ ವೃ॒ಕ್ತಬ॑ರ್ಹಿಷಃ । ಹ॒ವಿಷ್ಮಂ॑ತೋ ಅರಂ॒ಕೃತಃ॑ ॥

ईळ॑ते॒ त्वाम॑व॒स्यवः॒ कण्वा॑सो वृ॒क्तब॑र्हिषः । ह॒विष्मं॑तो अरं॒कृतः॑ ॥

ಘೃ॒ತಪೃ॑ಷ್ಠಾ ಮನೋ॒ಯುಜೋ॒ ಯೇ ತ್ವಾ॒ ವಹಂ॑ತಿ॒ ವಹ್ನ॑ಯಃ । ಆ ದೇ॒ವಾನ್ತ್ಸೋಮ॑ಪೀತಯೇ ॥

घृ॒तपृ॑ष्ठा मनो॒युजो॒ ये त्वा॒ वहं॑ति॒ वह्न॑यः । आ दे॒वान्त्सोम॑पीतये ॥

ತಾನ್ಯಜ॑ತ್ರಾಁ ಋತಾ॒ವೃಧೋಽಗ್ನೇ॒ ಪತ್ನೀ॑ವತಸ್ಕೃಧಿ । ಮಧ್ವಃ॑ ಸುಜಿಹ್ವ ಪಾಯಯ ॥

तान्यज॑त्राँ ऋता॒वृधोऽग्ने॒ पत्नी॑वतस्कृधि । मध्वः॑ सुजिह्व पायय ॥

ಯೇ ಯಜ॑ತ್ರಾ॒ ಯ ಈಡ್ಯಾ॒ಸ್ತೇ ತೇ॑ ಪಿಬಂತು ಜಿ॒ಹ್ವಯಾ॑ । ಮಧೋ॑ರಗ್ನೇ॒ ವಷ॑ಟ್ಕೃತಿ ॥

ये यज॑त्रा॒ य ईड्या॒स्ते ते॑ पिबंतु जि॒ह्वया॑ । मधो॑रग्ने॒ वष॑ट्कृति ॥

ಆಕೀಂ॒ ಸೂರ್ಯ॑ಸ್ಯ ರೋಚ॒ನಾದ್ವಿಶ್ಚಾ॑ನ್ದೇ॒ವಾಁ ಉ॑ಷ॒ರ್ಬುಧಃ॑ । ವಿಪ್ರೋ॒ ಹೋತೇ॒ಹ ವ॑ಕ್ಷತಿ ॥

आकीं॒ सूर्य॑स्य रोच॒नाद्विश्चा॑न्दे॒वाँ उ॑ष॒र्बुधः॑ । विप्रो॒ होते॒ह व॑क्षति ॥

ವಿಶ್ವೇ॑ಭಿಃ ಸೋ॒ಮ್ಯಂ ಮಧ್ವಗ್ನ॒ ಇಂದ್ರೇ॑ಣ ವಾ॒ಯುನಾ॑ । ಪಿಬಾ॑ ಮಿ॒ತ್ರಸ್ಯ॒ ಧಾಮ॑ಭಿಃ ॥

विश्वे॑भिः सो॒म्यं मध्वग्न॒ इंद्रे॑ण वा॒युना॑ । पिबा॑ मि॒त्रस्य॒ धाम॑भिः ॥

ತ್ವಂ ಹೋತಾ॒ ಮನು॑ರ್ಹಿ॒ತೋಽಗ್ನೇ॑ ಯ॒ಜ್ಞೇಷು॑ ಸೀದಸಿ । ಸೇಮಂ ನೋ॑ ಅಧ್ವ॒ರಂ ಯ॑ಜ ॥

त्वं होता॒ मनु॑र्हि॒तोऽग्ने॑ य॒ज्ञेषु॑ सीदसि । सेमं नो॑ अध्व॒रं य॑ज ॥

ಆ ತ್ವಾ॒ ಕಣ್ವಾ॑ ಅಹೂಷತ ಗೃ॒ಣಂತಿ॑ ವಿಪ್ರ ತೇ॒ ಧಿಯಃ॑ । ದೇ॒ವೇಭಿ॑ರಗ್ನ॒ ಆ ಗ॑ಹಿ ॥

आ त्वा॒ कण्वा॑ अहूषत गृ॒णंति॑ विप्र ते॒ धियः॑ । दे॒वेभि॑रग्न॒ आ ग॑हि ॥