ಈ ಸೂಕ್ತಕ್ಕೆ ಅಡ್ಮಿನ್‌ನಲ್ಲಿ ಕನ್ನಡ ಅಧ್ಯಯನ ಮಾರ್ಗದರ್ಶಿ (Study Guide) ಇನ್ನೂ ರಚನೆಯಾಗಿಲ್ಲ. ಅಡ್ಮಿನ್‌ನಲ್ಲಿ Generate Study Guides ಮೂಲಕ ಕನ್ನಡ ಭಾಷೆಯನ್ನು ಆಯ್ಕೆಮಾಡಿ ರಚಿಸಬಹುದು.
ಮಥೀ॒ದ್ಯದೀಂ॑ ವಿ॒ಷ್ಟೋ ಮಾ॑ತ॒ರಿಶ್ವಾ॒ ಹೋತಾ॑ರಂ ವಿ॒ಶ್ವಾಪ್ಸುಂ॑ ವಿ॒ಶ್ವದೇ॑ವ್ಯಂ । ನಿ ಯಂ ದ॒ಧುರ್ಮ॑ನು॒ಷ್ಯಾ॑ಸು ವಿ॒ಕ್ಷು ಸ್ವ೧॒॑ರ್ಣ ಚಿ॒ತ್ರಂ ವಪು॑ಷೇ ವಿ॒ಭಾವಂ॑ ॥
मथी॒द्यदीं॑ वि॒ष्टो मा॑त॒रिश्वा॒ होता॑रं वि॒श्वाप्सुं॑ वि॒श्वदे॑व्यं । नि यं द॒धुर्म॑नु॒ष्या॑सु वि॒क्षु स्व१॒॑र्ण चि॒त्रं वपु॑षे वि॒भावं॑ ॥
ದ॒ದಾ॒ನಮಿನ್ನ ದ॑ದಭಂತ॒ ಮನ್ಮಾ॒ಗ್ನಿರ್ವರೂ॑ಥಂ॒ ಮಮ॒ ತಸ್ಯ॑ ಚಾಕನ್ । ಜು॒ಷಂತ॒ ವಿಶ್ವಾ॑ನ್ಯಸ್ಯ॒ ಕರ್ಮೋಪ॑ಸ್ತುತಿಂ॒ ಭರ॑ಮಾಣಸ್ಯ ಕಾ॒ರೋಃ ॥
द॒दा॒नमिन्न द॑दभंत॒ मन्मा॒ग्निर्वरू॑थं॒ मम॒ तस्य॑ चाकन् । जु॒षंत॒ विश्वा॑न्यस्य॒ कर्मोप॑स्तुतिं॒ भर॑माणस्य का॒रोः ॥
ನಿತ್ಯೇ॑ ಚಿ॒ನ್ನು ಯಂ ಸದ॑ನೇ ಜಗೃ॒ಭ್ರೇ ಪ್ರಶ॑ಸ್ತಿಭಿರ್ದಧಿ॒ರೇ ಯ॒ಜ್ಞಿಯಾ॑ಸಃ । ಪ್ರ ಸೂ ನ॑ಯಂತ ಗೃ॒ಭಯಂ॑ತ ಇ॒ಷ್ಟಾವಶ್ವಾ॑ಸೋ॒ ನ ರ॒ಥ್ಯೋ॑ ರಾರಹಾ॒ಣಾಃ ॥
नित्ये॑ चि॒न्नु यं सद॑ने जगृ॒भ्रे प्रश॑स्तिभिर्दधि॒रे य॒ज्ञिया॑सः । प्र सू न॑यंत गृ॒भयं॑त इ॒ष्टावश्वा॑सो॒ न र॒थ्यो॑ रारहा॒णाः ॥
ಪು॒ರೂಣಿ॑ ದ॒ಸ್ಮೋ ನಿ ರಿ॑ಣಾತಿ॒ ಜಂಭೈ॒ರಾದ್ರೋ॑ಚತೇ॒ ವನ॒ ಆ ವಿ॒ಭಾವಾ॑ । ಆದ॑ಸ್ಯ॒ ವಾತೋ॒ ಅನು॑ ವಾತಿ ಶೋ॒ಚಿರಸ್ತು॒ರ್ನ ಶರ್ಯಾ॑ಮಸ॒ನಾಮನು॒ ದ್ಯೂನ್ ॥
पु॒रूणि॑ द॒स्मो नि रि॑णाति॒ जंभै॒राद्रो॑चते॒ वन॒ आ वि॒भावा॑ । आद॑स्य॒ वातो॒ अनु॑ वाति शो॒चिरस्तु॒र्न शर्या॑मस॒नामनु॒ द्यून् ॥
ನ ಯಂ ರಿ॒ಪವೋ॒ ನ ರಿ॑ಷ॒ಣ್ಯವೋ॒ ಗರ್ಭೇ॒ ಸಂತಂ॑ ರೇಷ॒ಣಾ ರೇ॒ಷಯಂ॑ತಿ । ಅಂ॒ಧಾ ಅ॑ಪ॒ಶ್ಯಾ ನ ದ॑ಭನ್ನಭಿ॒ಖ್ಯಾ ನಿತ್ಯಾ॑ಸ ಈಂ ಪ್ರೇ॒ತಾರೋ॑ ಅರಕ್ಷನ್ ॥
न यं रि॒पवो॒ न रि॑ष॒ण्यवो॒ गर्भे॒ संतं॑ रेष॒णा रे॒षयं॑ति । अं॒धा अ॑प॒श्या न द॑भन्नभि॒ख्या नित्या॑स ईं प्रे॒तारो॑ अरक्षन् ॥