ಈ ಸೂಕ್ತಕ್ಕೆ ಅಡ್ಮಿನ್‌ನಲ್ಲಿ ಕನ್ನಡ ಅಧ್ಯಯನ ಮಾರ್ಗದರ್ಶಿ (Study Guide) ಇನ್ನೂ ರಚನೆಯಾಗಿಲ್ಲ. ಅಡ್ಮಿನ್‌ನಲ್ಲಿ Generate Study Guides ಮೂಲಕ ಕನ್ನಡ ಭಾಷೆಯನ್ನು ಆಯ್ಕೆಮಾಡಿ ರಚಿಸಬಹುದು.
ಅಸ್ತು॒ ಶ್ರೌಷ॑ಟ್ ಪು॒ರೋ ಅ॒ಗ್ನಿಂ ಧಿ॒ಯಾ ದ॑ಧ॒ ಆ ನು ತಚ್ಛರ್ಧೋ॑ ದಿ॒ವ್ಯಂ ವೃ॑ಣೀಮಹ ಇಂದ್ರವಾ॒ಯೂ ವೃ॑ಣೀಮಹೇ । ಯದ್ಧ॑ ಕ್ರಾ॒ಣಾ ವಿ॒ವಸ್ವ॑ತಿ॒ ನಾಭಾ॑ ಸಂ॒ದಾಯಿ॒ ನವ್ಯ॑ಸೀ । ಅಧ॒ ಪ್ರ ಸೂ ನ॒ ಉಪ॑ ಯಂತು ಧೀ॒ತಯೋ॑ ದೇ॒ವಾಁ ಅಚ್ಛಾ॒ ನ ಧೀ॒ತಯಃ॑ ॥
अस्तु॒ श्रौष॑ट् पु॒रो अ॒ग्निं धि॒या द॑ध॒ आ नु तच्छर्धो॑ दि॒व्यं वृ॑णीमह इंद्रवा॒यू वृ॑णीमहे । यद्ध॑ क्रा॒णा वि॒वस्व॑ति॒ नाभा॑ सं॒दायि॒ नव्य॑सी । अध॒ प्र सू न॒ उप॑ यंतु धी॒तयो॑ दे॒वाँ अच्छा॒ न धी॒तयः॑ ॥
ಯದ್ಧ॒ ತ್ಯನ್ಮಿ॑ತ್ರಾವರುಣಾವೃ॒ತಾದಧ್ಯಾ॑ದ॒ದಾಥೇ॒ ಅನೃ॑ತಂ॒ ಸ್ವೇನ॑ ಮ॒ನ್ಯುನಾ॒ ದಕ್ಷ॑ಸ್ಯ॒ ಸ್ವೇನ॑ ಮ॒ನ್ಯುನಾ॑ । ಯು॒ವೋರಿ॒ತ್ಥಾಧಿ॒ ಸದ್ಮ॒ಸ್ವಪ॑ಶ್ಯಾಮ ಹಿರ॒ಣ್ಯಯಂ॑ । ಧೀ॒ಭಿಶ್ಚ॒ನ ಮನ॑ಸಾ॒ ಸ್ವೇಭಿ॑ರ॒ಕ್ಷಭಿಃ॒ ಸೋಮ॑ಸ್ಯ॒ ಸ್ವೇಭಿ॑ರ॒ಕ್ಷಭಿಃ॑ ॥
यद्ध॒ त्यन्मि॑त्रावरुणावृ॒तादध्या॑द॒दाथे॒ अनृ॑तं॒ स्वेन॑ म॒न्युना॒ दक्ष॑स्य॒ स्वेन॑ म॒न्युना॑ । यु॒वोरि॒त्थाधि॒ सद्म॒स्वप॑श्याम हिर॒ण्ययं॑ । धी॒भिश्च॒न मन॑सा॒ स्वेभि॑र॒क्षभिः॒ सोम॑स्य॒ स्वेभि॑र॒क्षभिः॑ ॥
ಯು॒ವಾಂ ಸ್ತೋಮೇ॑ಭಿರ್ದೇವ॒ಯಂತೋ॑ ಅಶ್ವಿನಾಶ್ರಾ॒ವಯಂ॑ತ ಇವ॒ ಶ್ಲೋಕ॑ಮಾ॒ಯವೋ॑ ಯು॒ವಾಂ ಹ॒ವ್ಯಾಭ್ಯಾ॒೩॒॑ಯವಃ॑ । ಯು॒ವೋರ್ವಿಶ್ವಾ॒ ಅಧಿ॒ ಶ್ರಿಯಃ॒ ಪೃಕ್ಷ॑ಶ್ಚ ವಿಶ್ವವೇದಸಾ । ಪ್ರು॒ಷಾ॒ಯಂತೇ॑ ವಾಂ ಪ॒ವಯೋ॑ ಹಿರ॒ಣ್ಯಯೇ॒ ರಥೇ॑ ದಸ್ರಾ ಹಿರ॒ಣ್ಯಯೇ॑ ॥
यु॒वां स्तोमे॑भिर्देव॒यंतो॑ अश्विनाश्रा॒वयं॑त इव॒ श्लोक॑मा॒यवो॑ यु॒वां ह॒व्याभ्या॒३॒॑यवः॑ । यु॒वोर्विश्वा॒ अधि॒ श्रियः॒ पृक्ष॑श्च विश्ववेदसा । प्रु॒षा॒यंते॑ वां प॒वयो॑ हिर॒ण्यये॒ रथे॑ दस्रा हिर॒ण्यये॑ ॥
ಅಚೇ॑ತಿ ದಸ್ರಾ॒ ವ್ಯು೧॒॑ ನಾಕ॑ಮೃಣ್ವಥೋ ಯುಂ॒ಜತೇ॑ ವಾಂ ರಥ॒ಯುಜೋ॒ ದಿವಿ॑ಷ್ಟಿಷ್ವಧ್ವ॒ಸ್ಮಾನೋ॒ ದಿವಿ॑ಷ್ಟಿಷು । ಅಧಿ॑ ವಾಂ॒ ಸ್ಥಾಮ॑ ವಂ॒ಧುರೇ॒ ರಥೇ॑ ದಸ್ರಾ ಹಿರ॒ಣ್ಯಯೇ॑ । ಪ॒ಥೇವ॒ ಯಂತಾ॑ವನು॒ಶಾಸ॑ತಾ॒ ರಜೋಽಂಜ॑ಸಾ॒ ಶಾಸ॑ತಾ॒ ರಜಃ॑ ॥
अचे॑ति दस्रा॒ व्यु१॒॑ नाक॑मृण्वथो युं॒जते॑ वां रथ॒युजो॒ दिवि॑ष्टिष्वध्व॒स्मानो॒ दिवि॑ष्टिषु । अधि॑ वां॒ स्थाम॑ वं॒धुरे॒ रथे॑ दस्रा हिर॒ण्यये॑ । प॒थेव॒ यंता॑वनु॒शास॑ता॒ रजोऽंज॑सा॒ शास॑ता॒ रजः॑ ॥
ಶಚೀ॑ಭಿರ್ನಃ ಶಚೀವಸೂ॒ ದಿವಾ॒ ನಕ್ತಂ॑ ದಶಸ್ಯತಂ । ಮಾ ವಾಂ॑ ರಾ॒ತಿರುಪ॑ ದಸ॒ತ್ಕದಾ॑ ಚ॒ನಾಸ್ಮದ್ರಾ॒ತಿಃ ಕದಾ॑ ಚ॒ನ ॥
शची॑भिर्नः शचीवसू॒ दिवा॒ नक्तं॑ दशस्यतं । मा वां॑ रा॒तिरुप॑ दस॒त्कदा॑ च॒नास्मद्रा॒तिः कदा॑ च॒न ॥
ವೃಷ॑ನ್ನಿಂದ್ರ ವೃಷ॒ಪಾಣಾ॑ಸ॒ ಇಂದ॑ವ ಇ॒ಮೇ ಸು॒ತಾ ಅದ್ರಿ॑ಷುತಾಸ ಉ॒ದ್ಭಿದ॒ಸ್ತುಭ್ಯಂ॑ ಸು॒ತಾಸ॑ ಉ॒ದ್ಭಿದಃ॑ । ತೇ ತ್ವಾ॑ ಮಂದಂತು ದಾ॒ವನೇ॑ ಮ॒ಹೇ ಚಿ॒ತ್ರಾಯ॒ ರಾಧ॑ಸೇ । ಗೀ॒ರ್ಭಿರ್ಗಿ॑ರ್ವಾಹಃ॒ ಸ್ತವ॑ಮಾನ॒ ಆ ಗ॑ಹಿ ಸುಮೃಳೀ॒ಕೋ ನ॒ ಆ ಗ॑ಹಿ ॥
वृष॑न्निंद्र वृष॒पाणा॑स॒ इंद॑व इ॒मे सु॒ता अद्रि॑षुतास उ॒द्भिद॒स्तुभ्यं॑ सु॒तास॑ उ॒द्भिदः॑ । ते त्वा॑ मंदंतु दा॒वने॑ म॒हे चि॒त्राय॒ राध॑से । गी॒र्भिर्गि॑र्वाहः॒ स्तव॑मान॒ आ ग॑हि सुमृळी॒को न॒ आ ग॑हि ॥
ಓ ಷೂ ಣೋ॑ ಅಗ್ನೇ ಶೃಣುಹಿ॒ ತ್ವಮೀ॑ಳಿ॒ತೋ ದೇ॒ವೇಭ್ಯೋ॑ ಬ್ರವಸಿ ಯ॒ಜ್ಞಿಯೇ॑ಭ್ಯೋ॒ ರಾಜ॑ಭ್ಯೋ ಯ॒ಜ್ಞಿಯೇ॑ಭ್ಯಃ । ಯದ್ಧ॒ ತ್ಯಾಮಂಗಿ॑ರೋಭ್ಯೋ ಧೇ॒ನುಂ ದೇ॑ವಾ॒ ಅದ॑ತ್ತನ । ವಿ ತಾಂ ದು॑ಹ್ರೇ ಅರ್ಯ॒ಮಾ ಕ॒ರ್ತರೀ॒ ಸಚಾಁ॑ ಏ॒ಷ ತಾಂ ವೇ॑ದ ಮೇ॒ ಸಚಾ॑ ॥
ओ षू णो॑ अग्ने शृणुहि॒ त्वमी॑ळि॒तो दे॒वेभ्यो॑ ब्रवसि य॒ज्ञिये॑भ्यो॒ राज॑भ्यो य॒ज्ञिये॑भ्यः । यद्ध॒ त्यामंगि॑रोभ्यो धे॒नुं दे॑वा॒ अद॑त्तन । वि तां दु॑ह्रे अर्य॒मा क॒र्तरी॒ सचाँ॑ ए॒ष तां वे॑द मे॒ सचा॑ ॥
ಮೋ ಷು ವೋ॑ ಅ॒ಸ್ಮದ॒ಭಿ ತಾನಿ॒ ಪೌಂಸ್ಯಾ॒ ಸನಾ॑ ಭೂವಂದ್ಯು॒ಮ್ನಾನಿ॒ ಮೋತ ಜಾ॑ರಿಷುರ॒ಸ್ಮತ್ಪು॒ರೋತ ಜಾ॑ರಿಷುಃ । ಯದ್ವ॑ಶ್ಚಿ॒ತ್ರಂ ಯು॒ಗೇಯು॑ಗೇ॒ ನವ್ಯಂ॒ ಘೋಷಾ॒ದಮ॑ರ್ತ್ಯಂ । ಅ॒ಸ್ಮಾಸು॒ ತನ್ಮ॑ರುತೋ॒ ಯಚ್ಚ॑ ದು॒ಷ್ಟರಂ॑ ದಿಧೃ॒ತಾ ಯಚ್ಚ॑ ದು॒ಷ್ಟರಂ॑ ॥
मो षु वो॑ अ॒स्मद॒भि तानि॒ पौंस्या॒ सना॑ भूवंद्यु॒म्नानि॒ मोत जा॑रिषुर॒स्मत्पु॒रोत जा॑रिषुः । यद्व॑श्चि॒त्रं यु॒गेयु॑गे॒ नव्यं॒ घोषा॒दम॑र्त्यं । अ॒स्मासु॒ तन्म॑रुतो॒ यच्च॑ दु॒ष्टरं॑ दिधृ॒ता यच्च॑ दु॒ष्टरं॑ ॥
ದ॒ಧ್ಯಙ್ ಹ॑ ಮೇ ಜ॒ನುಷಂ॒ ಪೂರ್ವೋ॒ ಅಂಗಿ॑ರಾಃ ಪ್ರಿ॒ಯಮೇ॑ಧಃ॒ ಕಣ್ವೋ॒ ಅತ್ರಿ॒ರ್ಮನು॑ರ್ವಿದು॒ಸ್ತೇ ಮೇ॒ ಪೂರ್ವೇ॒ ಮನು॑ರ್ವಿದುಃ । ತೇಷಾಂ॑ ದೇ॒ವೇಷ್ವಾಯ॑ತಿರ॒ಸ್ಮಾಕಂ॒ ತೇಷು॒ ನಾಭ॑ಯಃ । ತೇಷಾಂ॑ ಪ॒ದೇನ॒ ಮಹ್ಯಾ ನ॑ಮೇ ಗಿ॒ರೇಂದ್ರಾ॒ಗ್ನೀ ಆ ನ॑ಮೇ ಗಿ॒ರಾ ॥
द॒ध्यङ् ह॑ मे ज॒नुषं॒ पूर्वो॒ अंगि॑राः प्रि॒यमे॑धः॒ कण्वो॒ अत्रि॒र्मनु॑र्विदु॒स्ते मे॒ पूर्वे॒ मनु॑र्विदुः । तेषां॑ दे॒वेष्वाय॑तिर॒स्माकं॒ तेषु॒ नाभ॑यः । तेषां॑ प॒देन॒ मह्या न॑मे गि॒रेंद्रा॒ग्नी आ न॑मे गि॒रा ॥
ಹೋತಾ॑ ಯಕ್ಷದ್ವ॒ನಿನೋ॑ ವಂತ॒ ವಾರ್ಯಂ॒ ಬೃಹ॒ಸ್ಪತಿ॑ರ್ಯಜತಿ ವೇ॒ನ ಉ॒ಕ್ಷಭಿಃ॑ ಪುರು॒ವಾರೇ॑ಭಿರು॒ಕ್ಷಭಿಃ॑ । ಜ॒ಗೃ॒ಭ್ಮಾ ದೂ॒ರಆ॑ದಿಶಂ॒ ಶ್ಲೋಕ॒ಮದ್ರೇ॒ರಧ॒ ತ್ಮನಾ॑ । ಅಧಾ॑ರಯದರ॒ರಿಂದಾ॑ನಿ ಸು॒ಕ್ರತುಃ॑ ಪು॒ರೂ ಸದ್ಮಾ॑ನಿ ಸು॒ಕ್ರತುಃ॑ ॥
होता॑ यक्षद्व॒निनो॑ वंत॒ वार्यं॒ बृह॒स्पति॑र्यजति वे॒न उ॒क्षभिः॑ पुरु॒वारे॑भिरु॒क्षभिः॑ । ज॒गृ॒भ्मा दू॒रआ॑दिशं॒ श्लोक॒मद्रे॒रध॒ त्मना॑ । अधा॑रयदर॒रिंदा॑नि सु॒क्रतुः॑ पु॒रू सद्मा॑नि सु॒क्रतुः॑ ॥
ಯೇ ದೇ॑ವಾಸೋ ದಿ॒ವ್ಯೇಕಾ॑ದಶ॒ ಸ್ಥ ಪೃ॑ಥಿ॒ವ್ಯಾಮಧ್ಯೇಕಾ॑ದಶ॒ ಸ್ಥ । ಅ॒ಪ್ಸು॒ಕ್ಷಿತೋ॑ ಮಹಿ॒ನೈಕಾ॑ದಶ॒ ಸ್ಥ ತೇ ದೇ॑ವಾಸೋ ಯ॒ಜ್ಞಮಿ॒ಮಂ ಜು॑ಷಧ್ವಂ ॥
ये दे॑वासो दि॒व्येका॑दश॒ स्थ पृ॑थि॒व्यामध्येका॑दश॒ स्थ । अ॒प्सु॒क्षितो॑ महि॒नैका॑दश॒ स्थ ते दे॑वासो य॒ज्ञमि॒मं जु॑षध्वं ॥