ಈ ಸೂಕ್ತಕ್ಕೆ ಅಡ್ಮಿನ್‌ನಲ್ಲಿ ಕನ್ನಡ ಅಧ್ಯಯನ ಮಾರ್ಗದರ್ಶಿ (Study Guide) ಇನ್ನೂ ರಚನೆಯಾಗಿಲ್ಲ. ಅಡ್ಮಿನ್‌ನಲ್ಲಿ Generate Study Guides ಮೂಲಕ ಕನ್ನಡ ಭಾಷೆಯನ್ನು ಆಯ್ಕೆಮಾಡಿ ರಚಿಸಬಹುದು.
ಸು॒ಷು॒ಮಾ ಯಾ॑ತ॒ಮದ್ರಿ॑ಭಿ॒ರ್ಗೋಶ್ರೀ॑ತಾ ಮತ್ಸ॒ರಾ ಇ॒ಮೇ ಸೋಮಾ॑ಸೋ ಮತ್ಸ॒ರಾ ಇ॒ಮೇ । ಆ ರಾ॑ಜಾನಾ ದಿವಿಸ್ಪೃಶಾಸ್ಮ॒ತ್ರಾ ಗಂ॑ತ॒ಮುಪ॑ ನಃ । ಇ॒ಮೇ ವಾಂ॑ ಮಿತ್ರಾವರುಣಾ॒ ಗವಾ॑ಶಿರಃ॒ ಸೋಮಾಃ॑ ಶು॒ಕ್ರಾ ಗವಾ॑ಶಿರಃ ॥
सु॒षु॒मा या॑त॒मद्रि॑भि॒र्गोश्री॑ता मत्स॒रा इ॒मे सोमा॑सो मत्स॒रा इ॒मे । आ रा॑जाना दिविस्पृशास्म॒त्रा गं॑त॒मुप॑ नः । इ॒मे वां॑ मित्रावरुणा॒ गवा॑शिरः॒ सोमाः॑ शु॒क्रा गवा॑शिरः ॥
ಇ॒ಮ ಆ ಯಾ॑ತ॒ಮಿಂದ॑ವಃ॒ ಸೋಮಾ॑ಸೋ॒ ದಧ್ಯಾ॑ಶಿರಃ ಸು॒ತಾಸೋ॒ ದಧ್ಯಾ॑ಶಿರಃ । ಉ॒ತ ವಾ॑ಮು॒ಷಸೋ॑ ಬು॒ಧಿ ಸಾ॒ಕಂ ಸೂರ್ಯ॑ಸ್ಯ ರ॒ಶ್ಮಿಭಿಃ॑ । ಸು॒ತೋ ಮಿ॒ತ್ರಾಯ॒ ವರು॑ಣಾಯ ಪೀ॒ತಯೇ॒ ಚಾರು॑ರ್ಋ॒ತಾಯ॑ ಪೀ॒ತಯೇ॑ ॥
इ॒म आ या॑त॒मिंद॑वः॒ सोमा॑सो॒ दध्या॑शिरः सु॒तासो॒ दध्या॑शिरः । उ॒त वा॑मु॒षसो॑ बु॒धि सा॒कं सूर्य॑स्य र॒श्मिभिः॑ । सु॒तो मि॒त्राय॒ वरु॑णाय पी॒तये॒ चारु॑र्ऋ॒ताय॑ पी॒तये॑ ॥
ತಾಂ ವಾಂ॑ ಧೇ॒ನುಂ ನ ವಾ॑ಸ॒ರೀಮಂ॒ಶುಂ ದು॑ಹಂ॒ತ್ಯದ್ರಿ॑ಭಿಃ॒ ಸೋಮಂ॑ ದುಹಂ॒ತ್ಯದ್ರಿ॑ಭಿಃ । ಅ॒ಸ್ಮ॒ತ್ರಾ ಗಂ॑ತ॒ಮುಪ॑ ನೋ॒ಽರ್ವಾಂಚಾ॒ ಸೋಮ॑ಪೀತಯೇ । ಅ॒ಯಂ ವಾಂ॑ ಮಿತ್ರಾವರುಣಾ॒ ನೃಭಿಃ॑ ಸು॒ತಃ ಸೋಮ॒ ಆ ಪೀ॒ತಯೇ॑ ಸು॒ತಃ ॥
तां वां॑ धे॒नुं न वा॑स॒रीमं॒शुं दु॑हं॒त्यद्रि॑भिः॒ सोमं॑ दुहं॒त्यद्रि॑भिः । अ॒स्म॒त्रा गं॑त॒मुप॑ नो॒ऽर्वांचा॒ सोम॑पीतये । अ॒यं वां॑ मित्रावरुणा॒ नृभिः॑ सु॒तः सोम॒ आ पी॒तये॑ सु॒तः ॥