ಈ ಸೂಕ್ತಕ್ಕೆ ಅಡ್ಮಿನ್‌ನಲ್ಲಿ ಕನ್ನಡ ಅಧ್ಯಯನ ಮಾರ್ಗದರ್ಶಿ (Study Guide) ಇನ್ನೂ ರಚನೆಯಾಗಿಲ್ಲ. ಅಡ್ಮಿನ್‌ನಲ್ಲಿ Generate Study Guides ಮೂಲಕ ಕನ್ನಡ ಭಾಷೆಯನ್ನು ಆಯ್ಕೆಮಾಡಿ ರಚಿಸಬಹುದು.
ಪ್ರಾ॒ತಾ ರತ್ನಂ॑ ಪ್ರಾತ॒ರಿತ್ವಾ॑ ದಧಾತಿ॒ ತಂ ಚಿ॑ಕಿ॒ತ್ವಾನ್ಪ್ರ॑ತಿ॒ಗೃಹ್ಯಾ॒ ನಿ ಧ॑ತ್ತೇ । ತೇನ॑ ಪ್ರ॒ಜಾಂ ವ॒ರ್ಧಯ॑ಮಾನ॒ ಆಯೂ॑ ರಾ॒ಯಸ್ಪೋಷೇ॑ಣ ಸಚತೇ ಸು॒ವೀರಃ॑ ॥
प्रा॒ता रत्नं॑ प्रात॒रित्वा॑ दधाति॒ तं चि॑कि॒त्वान्प्र॑ति॒गृह्या॒ नि ध॑त्ते । तेन॑ प्र॒जां व॒र्धय॑मान॒ आयू॑ रा॒यस्पोषे॑ण सचते सु॒वीरः॑ ॥
ಸು॒ಗುರ॑ಸತ್ಸುಹಿರ॒ಣ್ಯಃ ಸ್ವಶ್ವೋ॑ ಬೃ॒ಹದ॑ಸ್ಮೈ॒ ವಯ॒ ಇಂದ್ರೋ॑ ದಧಾತಿ । ಯಸ್ತ್ವಾ॒ಯಂತಂ॒ ವಸು॑ನಾ ಪ್ರಾತರಿತ್ವೋ ಮು॒ಕ್ಷೀಜ॑ಯೇವ॒ ಪದಿ॑ಮುತ್ಸಿ॒ನಾತಿ॑ ॥
सु॒गुर॑सत्सुहिर॒ण्यः स्वश्वो॑ बृ॒हद॑स्मै॒ वय॒ इंद्रो॑ दधाति । यस्त्वा॒यंतं॒ वसु॑ना प्रातरित्वो मु॒क्षीज॑येव॒ पदि॑मुत्सि॒नाति॑ ॥
ಆಯ॑ಮ॒ದ್ಯ ಸು॒ಕೃತಂ॑ ಪ್ರಾ॒ತರಿ॒ಚ್ಛನ್ನಿ॒ಷ್ಟೇಃ ಪು॒ತ್ರಂ ವಸು॑ಮತಾ॒ ರಥೇ॑ನ । ಅಂ॒ಶೋಃ ಸು॒ತಂ ಪಾ॑ಯಯ ಮತ್ಸ॒ರಸ್ಯ॑ ಕ್ಷ॒ಯದ್ವೀ॑ರಂ ವರ್ಧಯ ಸೂ॒ನೃತಾ॑ಭಿಃ ॥
आय॑म॒द्य सु॒कृतं॑ प्रा॒तरि॒च्छन्नि॒ष्टेः पु॒त्रं वसु॑मता॒ रथे॑न । अं॒शोः सु॒तं पा॑यय मत्स॒रस्य॑ क्ष॒यद्वी॑रं वर्धय सू॒नृता॑भिः ॥
ಉಪ॑ ಕ್ಷರಂತಿ॒ ಸಿಂಧ॑ವೋ ಮಯೋ॒ಭುವ॑ ಈಜಾ॒ನಂ ಚ॑ ಯ॒ಕ್ಷ್ಯಮಾ॑ಣಂ ಚ ಧೇ॒ನವಃ॑ । ಪೃ॒ಣಂತಂ॑ ಚ॒ ಪಪು॑ರಿಂ ಚ ಶ್ರವ॒ಸ್ಯವೋ॑ ಘೃ॒ತಸ್ಯ॒ ಧಾರಾ॒ ಉಪ॑ ಯಂತಿ ವಿ॒ಶ್ವತಃ॑ ॥
उप॑ क्षरंति॒ सिंध॑वो मयो॒भुव॑ ईजा॒नं च॑ य॒क्ष्यमा॑णं च धे॒नवः॑ । पृ॒णंतं॑ च॒ पपु॑रिं च श्रव॒स्यवो॑ घृ॒तस्य॒ धारा॒ उप॑ यंति वि॒श्वतः॑ ॥
ನಾಕ॑ಸ್ಯ ಪೃ॒ಷ್ಠೇ ಅಧಿ॑ ತಿಷ್ಠತಿ ಶ್ರಿ॒ತೋ ಯಃ ಪೃ॒ಣಾತಿ॒ ಸ ಹ॑ ದೇ॒ವೇಷು॑ ಗಚ್ಛತಿ । ತಸ್ಮಾ॒ ಆಪೋ॑ ಘೃ॒ತಮ॑ರ್ಷಂತಿ॒ ಸಿಂಧ॑ವ॒ಸ್ತಸ್ಮಾ॑ ಇ॒ಯಂ ದಕ್ಷಿ॑ಣಾ ಪಿನ್ವತೇ॒ ಸದಾ॑ ॥
नाक॑स्य पृ॒ष्ठे अधि॑ तिष्ठति श्रि॒तो यः पृ॒णाति॒ स ह॑ दे॒वेषु॑ गच्छति । तस्मा॒ आपो॑ घृ॒तम॑र्षंति॒ सिंध॑व॒स्तस्मा॑ इ॒यं दक्षि॑णा पिन्वते॒ सदा॑ ॥
ದಕ್ಷಿ॑ಣಾವತಾ॒ಮಿದಿ॒ಮಾನಿ॑ ಚಿ॒ತ್ರಾ ದಕ್ಷಿ॑ಣಾವತಾಂ ದಿ॒ವಿ ಸೂರ್ಯಾ॑ಸಃ । ದಕ್ಷಿ॑ಣಾವಂತೋ ಅ॒ಮೃತಂ॑ ಭಜಂತೇ॒ ದಕ್ಷಿ॑ಣಾವಂತಃ॒ ಪ್ರ ತಿ॑ರಂತ॒ ಆಯುಃ॑ ॥
दक्षि॑णावता॒मिदि॒मानि॑ चि॒त्रा दक्षि॑णावतां दि॒वि सूर्या॑सः । दक्षि॑णावंतो अ॒मृतं॑ भजंते॒ दक्षि॑णावंतः॒ प्र ति॑रंत॒ आयुः॑ ॥
ಮಾ ಪೃ॒ಣಂತೋ॒ ದುರಿ॑ತ॒ಮೇನ॒ ಆರ॒ನ್ಮಾ ಜಾ॑ರಿಷುಃ ಸೂ॒ರಯಃ॑ ಸುವ್ರ॒ತಾಸಃ॑ । ಅ॒ನ್ಯಸ್ತೇಷಾಂ॑ ಪರಿ॒ಧಿರ॑ಸ್ತು॒ ಕಶ್ಚಿ॒ದಪೃ॑ಣಂತಮ॒ಭಿ ಸಂ ಯಂ॑ತು॒ ಶೋಕಾಃ॑ ॥
मा पृ॒णंतो॒ दुरि॑त॒मेन॒ आर॒न्मा जा॑रिषुः सू॒रयः॑ सुव्र॒तासः॑ । अ॒न्यस्तेषां॑ परि॒धिर॑स्तु॒ कश्चि॒दपृ॑णंतम॒भि सं यं॑तु॒ शोकाः॑ ॥