ಅಗ್ನಿಯ ದಿವ್ಯ ರೂಪಗಳು ಮತ್ತು ಜೀವನದ ಆಧಾರ (Agni's Divine Forms and Life's Support)

ರ॒ಯಿರ್ನ ಚಿ॒ತ್ರಾ ಸೂರೋ॒ ನ ಸಂ॒ದೃಗಾಯು॒ರ್ನ ಪ್ರಾ॒ಣೋ ನಿತ್ಯೋ॒ ನ ಸೂ॒ನುಃ ॥

र॒यिर्न चि॒त्रा सूरो॒ न सं॒दृगायु॒र्न प्रा॒णो नित्यो॒ न सू॒नुः ॥

ತಕ್ವಾ॒ ನ ಭೂರ್ಣಿ॒ರ್ವನಾ॑ ಸಿಷಕ್ತಿ॒ ಪಯೋ॒ ನ ಧೇ॒ನುಃ ಶುಚಿ॑ರ್ವಿ॒ಭಾವಾ॑ ॥

तक्वा॒ न भूर्णि॒र्वना॑ सिषक्ति॒ पयो॒ न धे॒नुः शुचि॑र्वि॒भावा॑ ॥

ದಾ॒ಧಾರ॒ ಕ್ಷೇಮ॒ಮೋಕೋ॒ ನ ರ॒ಣ್ವೋ ಯವೋ॒ ನ ಪ॒ಕ್ವೋ ಜೇತಾ॒ ಜನಾ॑ನಾಂ ॥

दा॒धार॒ क्षेम॒मोको॒ न र॒ण्वो यवो॒ न प॒क्वो जेता॒ जना॑नां ॥

ಋಷಿ॒ರ್ನ ಸ್ತುಭ್ವಾ॑ ವಿ॒ಕ್ಷು ಪ್ರ॑ಶ॒ಸ್ತೋ ವಾ॒ಜೀ ನ ಪ್ರೀ॒ತೋ ವಯೋ॑ ದಧಾತಿ ॥

ऋषि॒र्न स्तुभ्वा॑ वि॒क्षु प्र॑श॒स्तो वा॒जी न प्री॒तो वयो॑ दधाति ॥

ದು॒ರೋಕ॑ಶೋಚಿಃ॒ ಕ್ರತು॒ರ್ನ ನಿತ್ಯೋ॑ ಜಾ॒ಯೇವ॒ ಯೋನಾ॒ವರಂ॒ ವಿಶ್ವ॑ಸ್ಮೈ ॥

दु॒रोक॑शोचिः॒ क्रतु॒र्न नित्यो॑ जा॒येव॒ योना॒वरं॒ विश्व॑स्मै ॥

ಚಿ॒ತ್ರೋ ಯದಭ್ರಾ॑ಟ್ ಛ್ವೇ॒ತೋ ನ ವಿ॒ಕ್ಷು ರಥೋ॒ ನ ರು॒ಕ್ಮೀ ತ್ವೇ॒ಷಃ ಸ॒ಮತ್ಸು॑ ॥

चि॒त्रो यदभ्रा॑ट् छ्वे॒तो न वि॒क्षु रथो॒ न रु॒क्मी त्वे॒षः स॒मत्सु॑ ॥

ಸೇನೇ॑ವ ಸೃ॒ಷ್ಟಾಮಂ॑ ದಧಾ॒ತ್ಯಸ್ತು॒ರ್ನ ದಿ॒ದ್ಯುತ್ತ್ವೇ॒ಷಪ್ರ॑ತೀಕಾ ॥

सेने॑व सृ॒ष्टामं॑ दधा॒त्यस्तु॒र्न दि॒द्युत्त्वे॒षप्र॑तीका ॥

ಯ॒ಮೋ ಹ॑ ಜಾ॒ತೋ ಯ॒ಮೋ ಜನಿ॑ತ್ವಂ ಜಾ॒ರಃ ಕ॒ನೀನಾಂ॒ ಪತಿ॒ರ್ಜನೀ॑ನಾಂ ॥

य॒मो ह॑ जा॒तो य॒मो जनि॑त्वं जा॒रः क॒नीनां॒ पति॒र्जनी॑नां ॥

ತಂ ವ॑ಶ್ಚ॒ರಾಥಾ॑ ವ॒ಯಂ ವ॑ಸ॒ತ್ಯಾಸ್ತಂ॒ ನ ಗಾವೋ॒ ನಕ್ಷಂ॑ತ ಇ॒ದ್ಧಂ ॥

तं व॑श्च॒राथा॑ व॒यं व॑स॒त्यास्तं॒ न गावो॒ नक्षं॑त इ॒द्धं ॥

ಸಿಂಧು॒ರ್ನ ಕ್ಷೋದಃ॒ ಪ್ರ ನೀಚೀ॑ರೈನೋ॒ನ್ನವಂ॑ತ॒ ಗಾವಃ॒ ಸ್ವ೧॒॑ರ್ದೃಶೀ॑ಕೇ ॥

सिंधु॒र्न क्षोदः॒ प्र नीची॑रैनो॒न्नवं॑त॒ गावः॒ स्व१॒॑र्दृशी॑के ॥