ಈ ಸೂಕ್ತಕ್ಕೆ ಅಡ್ಮಿನ್‌ನಲ್ಲಿ ಕನ್ನಡ ಅಧ್ಯಯನ ಮಾರ್ಗದರ್ಶಿ (Study Guide) ಇನ್ನೂ ರಚನೆಯಾಗಿಲ್ಲ. ಅಡ್ಮಿನ್‌ನಲ್ಲಿ Generate Study Guides ಮೂಲಕ ಕನ್ನಡ ಭಾಷೆಯನ್ನು ಆಯ್ಕೆಮಾಡಿ ರಚಿಸಬಹುದು.
ತ್ವಂ ಮ॒ಹಾಁ ಇಂ॑ದ್ರ॒ ಯೋ ಹ॒ ಶುಷ್ಮೈ॒ರ್ದ್ಯಾವಾ॑ ಜಜ್ಞಾ॒ನಃ ಪೃ॑ಥಿ॒ವೀ ಅಮೇ॑ ಧಾಃ । ಯದ್ಧ॑ ತೇ॒ ವಿಶ್ವಾ॑ ಗಿ॒ರಯ॑ಶ್ಚಿ॒ದಭ್ವಾ॑ ಭಿ॒ಯಾ ದೃ॒ಳ್ಹಾಸಃ॑ ಕಿ॒ರಣಾ॒ ನೈಜ॑ನ್ ॥
त्वं म॒हाँ इं॑द्र॒ यो ह॒ शुष्मै॒र्द्यावा॑ जज्ञा॒नः पृ॑थि॒वी अमे॑ धाः । यद्ध॑ ते॒ विश्वा॑ गि॒रय॑श्चि॒दभ्वा॑ भि॒या दृ॒ळ्हासः॑ कि॒रणा॒ नैज॑न् ॥
ಆ ಯದ್ಧರೀ॑ ಇಂದ್ರ॒ ವಿವ್ರ॑ತಾ॒ ವೇರಾ ತೇ॒ ವಜ್ರಂ॑ ಜರಿ॒ತಾ ಬಾ॒ಹ್ವೋರ್ಧಾ॑ತ್ । ಯೇನಾ॑ವಿಹರ್ಯತಕ್ರತೋ ಅ॒ಮಿತ್ರಾ॒ನ್ಪುರ॑ ಇ॒ಷ್ಣಾಸಿ॑ ಪುರುಹೂತ ಪೂ॒ರ್ವೀಃ ॥
आ यद्धरी॑ इंद्र॒ विव्र॑ता॒ वेरा ते॒ वज्रं॑ जरि॒ता बा॒ह्वोर्धा॑त् । येना॑विहर्यतक्रतो अ॒मित्रा॒न्पुर॑ इ॒ष्णासि॑ पुरुहूत पू॒र्वीः ॥
ತ್ವಂ ಸ॒ತ್ಯ ಇಂ॑ದ್ರ ಧೃ॒ಷ್ಣುರೇ॒ತಾನ್ತ್ವಮೃ॑ಭು॒ಕ್ಷಾ ನರ್ಯ॒ಸ್ತ್ವಂ ಷಾಟ್ । ತ್ವಂ ಶುಷ್ಣಂ॑ ವೃ॒ಜನೇ॑ ಪೃ॒ಕ್ಷ ಆ॒ಣೌ ಯೂನೇ॒ ಕುತ್ಸಾ॑ಯ ದ್ಯು॒ಮತೇ॒ ಸಚಾ॑ಹನ್ ॥
त्वं स॒त्य इं॑द्र धृ॒ष्णुरे॒तान्त्वमृ॑भु॒क्षा नर्य॒स्त्वं षाट् । त्वं शुष्णं॑ वृ॒जने॑ पृ॒क्ष आ॒णौ यूने॒ कुत्सा॑य द्यु॒मते॒ सचा॑हन् ॥
ತ್ವಂ ಹ॒ ತ್ಯದಿಂ॑ದ್ರ ಚೋದೀಃ॒ ಸಖಾ॑ ವೃ॒ತ್ರಂ ಯದ್ವ॑ಜ್ರಿನ್ವೃಷಕರ್ಮನ್ನು॒ಭ್ನಾಃ । ಯದ್ಧ॑ ಶೂರ ವೃಷಮಣಃ ಪರಾ॒ಚೈರ್ವಿ ದಸ್ಯೂಁ॒ರ್ಯೋನಾ॒ವಕೃ॑ತೋ ವೃಥಾ॒ಷಾಟ್ ॥
त्वं ह॒ त्यदिं॑द्र चोदीः॒ सखा॑ वृ॒त्रं यद्व॑ज्रिन्वृषकर्मन्नु॒भ्नाः । यद्ध॑ शूर वृषमणः परा॒चैर्वि दस्यूँ॒र्योना॒वकृ॑तो वृथा॒षाट् ॥
ತ್ವಂ ಹ॒ ತ್ಯದಿಂ॒ದ್ರಾರಿ॑ಷಣ್ಯಂದೃ॒ಳ್ಹಸ್ಯ॑ ಚಿ॒ನ್ಮರ್ತಾ॑ನಾ॒ಮಜು॑ಷ್ಟೌ । ವ್ಯ೧॒॑ಸ್ಮದಾ ಕಾಷ್ಠಾ॒ ಅರ್ವ॑ತೇ ವರ್ಘ॒ನೇವ॑ ವಜ್ರಿಂಛ್ನಥಿಹ್ಯ॒ಮಿತ್ರಾ॑ನ್ ॥
त्वं ह॒ त्यदिं॒द्रारि॑षण्यंदृ॒ळ्हस्य॑ चि॒न्मर्ता॑ना॒मजु॑ष्टौ । व्य१॒॑स्मदा काष्ठा॒ अर्व॑ते वर्घ॒नेव॑ वज्रिंछ्नथिह्य॒मित्रा॑न् ॥
ತ್ವಾಂ ಹ॒ ತ್ಯದಿಂ॒ದ್ರಾರ್ಣ॑ಸಾತೌ॒ ಸ್ವ॑ರ್ಮೀಳ್ಹೇ॒ ನರ॑ ಆ॒ಜಾ ಹ॑ವಂತೇ । ತವ॑ ಸ್ವಧಾವ ಇ॒ಯಮಾ ಸ॑ಮ॒ರ್ಯ ಊ॒ತಿರ್ವಾಜೇ॑ಷ್ವತ॒ಸಾಯ್ಯಾ॑ ಭೂತ್ ॥
त्वां ह॒ त्यदिं॒द्रार्ण॑सातौ॒ स्व॑र्मीळ्हे॒ नर॑ आ॒जा ह॑वंते । तव॑ स्वधाव इ॒यमा स॑म॒र्य ऊ॒तिर्वाजे॑ष्वत॒साय्या॑ भूत् ॥
ತ್ವಂ ಹ॒ ತ್ಯದಿಂ॑ದ್ರ ಸ॒ಪ್ತ ಯುಧ್ಯ॒ನ್ಪುರೋ॑ ವಜ್ರಿನ್ಪುರು॒ಕುತ್ಸಾ॑ಯ ದರ್ದಃ । ಬ॒ರ್ಹಿರ್ನ ಯತ್ಸು॒ದಾಸೇ॒ ವೃಥಾ॒ ವರ್ಗಂ॒ಹೋ ರಾ॑ಜ॒ನ್ವರಿ॑ವಃ ಪೂ॒ರವೇ॑ ಕಃ ॥
त्वं ह॒ त्यदिं॑द्र स॒प्त युध्य॒न्पुरो॑ वज्रिन्पुरु॒कुत्सा॑य दर्दः । ब॒र्हिर्न यत्सु॒दासे॒ वृथा॒ वर्गं॒हो रा॑ज॒न्वरि॑वः पू॒रवे॑ कः ॥
ತ್ವಂ ತ್ಯಾಂ ನ॑ ಇಂದ್ರ ದೇವ ಚಿ॒ತ್ರಾಮಿಷ॒ಮಾಪೋ॒ ನ ಪೀ॑ಪಯಃ॒ ಪರಿ॑ಜ್ಮನ್ । ಯಯಾ॑ ಶೂರ॒ ಪ್ರತ್ಯ॒ಸ್ಮಭ್ಯಂ॒ ಯಂಸಿ॒ ತ್ಮನ॒ಮೂರ್ಜಂ॒ ನ ವಿ॒ಶ್ವಧ॒ ಕ್ಷರ॑ಧ್ಯೈ ॥
त्वं त्यां न॑ इंद्र देव चि॒त्रामिष॒मापो॒ न पी॑पयः॒ परि॑ज्मन् । यया॑ शूर॒ प्रत्य॒स्मभ्यं॒ यंसि॒ त्मन॒मूर्जं॒ न वि॒श्वध॒ क्षर॑ध्यै ॥
ಅಕಾ॑ರಿ ತ ಇಂದ್ರ॒ ಗೋತ॑ಮೇಭಿ॒ರ್ಬ್ರಹ್ಮಾ॒ಣ್ಯೋಕ್ತಾ॒ ನಮ॑ಸಾ॒ ಹರಿ॑ಭ್ಯಾಂ । ಸು॒ಪೇಶ॑ಸಂ॒ ವಾಜ॒ಮಾ ಭ॑ರಾ ನಃ ಪ್ರಾ॒ತರ್ಮ॒ಕ್ಷೂ ಧಿ॒ಯಾವ॑ಸುರ್ಜಗಮ್ಯಾತ್ ॥
अका॑रि त इंद्र॒ गोत॑मेभि॒र्ब्रह्मा॒ण्योक्ता॒ नम॑सा॒ हरि॑भ्यां । सु॒पेश॑सं॒ वाज॒मा भ॑रा नः प्रा॒तर्म॒क्षू धि॒याव॑सुर्जगम्यात् ॥