ಈ ಸೂಕ್ತಕ್ಕೆ ಅಡ್ಮಿನ್‌ನಲ್ಲಿ ಕನ್ನಡ ಅಧ್ಯಯನ ಮಾರ್ಗದರ್ಶಿ (Study Guide) ಇನ್ನೂ ರಚನೆಯಾಗಿಲ್ಲ. ಅಡ್ಮಿನ್‌ನಲ್ಲಿ Generate Study Guides ಮೂಲಕ ಕನ್ನಡ ಭಾಷೆಯನ್ನು ಆಯ್ಕೆಮಾಡಿ ರಚಿಸಬಹುದು.
ಮಾ ನೋ॑ ಮಿ॒ತ್ರೋ ವರು॑ಣೋ ಅರ್ಯ॒ಮಾಯುರಿಂದ್ರ॑ ಋಭು॒ಕ್ಷಾ ಮ॒ರುತಃ॒ ಪರಿ॑ ಖ್ಯನ್ । ಯದ್ವಾ॒ಜಿನೋ॑ ದೇ॒ವಜಾ॑ತಸ್ಯ॒ ಸಪ್ತೇಃ॑ ಪ್ರವ॒ಕ್ಷ್ಯಾಮೋ॑ ವಿ॒ದಥೇ॑ ವೀ॒ರ್ಯಾ॑ಣಿ ॥
मा नो॑ मि॒त्रो वरु॑णो अर्य॒मायुरिंद्र॑ ऋभु॒क्षा म॒रुतः॒ परि॑ ख्यन् । यद्वा॒जिनो॑ दे॒वजा॑तस्य॒ सप्तेः॑ प्रव॒क्ष्यामो॑ वि॒दथे॑ वी॒र्या॑णि ॥
ಯನ್ನಿ॒ರ್ಣಿಜಾ॒ ರೇಕ್ಣ॑ಸಾ॒ ಪ್ರಾವೃ॑ತಸ್ಯ ರಾ॒ತಿಂ ಗೃ॑ಭೀ॒ತಾಂ ಮು॑ಖ॒ತೋ ನಯಂ॑ತಿ । ಸುಪ್ರಾ॑ಙ॒ಜೋ ಮೇಮ್ಯ॑ದ್ವಿ॒ಶ್ವರೂ॑ಪ ಇಂದ್ರಾಪೂ॒ಷ್ಣೋಃ ಪ್ರಿ॒ಯಮಪ್ಯೇ॑ತಿ॒ ಪಾಥಃ॑ ॥
यन्नि॒र्णिजा॒ रेक्ण॑सा॒ प्रावृ॑तस्य रा॒तिं गृ॑भी॒तां मु॑ख॒तो नयं॑ति । सुप्रा॑ङ॒जो मेम्य॑द्वि॒श्वरू॑प इंद्रापू॒ष्णोः प्रि॒यमप्ये॑ति॒ पाथः॑ ॥
ಏ॒ಷ ಛಾಗಃ॑ ಪು॒ರೋ ಅಶ್ವೇ॑ನ ವಾ॒ಜಿನಾ॑ ಪೂ॒ಷ್ಣೋ ಭಾ॒ಗೋ ನೀ॑ಯತೇ ವಿ॒ಶ್ವದೇ॑ವ್ಯಃ । ಅ॒ಭಿ॒ಪ್ರಿಯಂ॒ ಯತ್ಪು॑ರೋ॒ಳಾಶ॒ಮರ್ವ॑ತಾ॒ ತ್ವಷ್ಟೇದೇ॑ನಂ ಸೌಶ್ರವ॒ಸಾಯ॑ ಜಿನ್ವತಿ ॥
ए॒ष छागः॑ पु॒रो अश्वे॑न वा॒जिना॑ पू॒ष्णो भा॒गो नी॑यते वि॒श्वदे॑व्यः । अ॒भि॒प्रियं॒ यत्पु॑रो॒ळाश॒मर्व॑ता॒ त्वष्टेदे॑नं सौश्रव॒साय॑ जिन्वति ॥
ಯದ್ಧ॑ವಿ॒ಷ್ಯ॑ಮೃತು॒ಶೋ ದೇ॑ವ॒ಯಾನಂ॒ ತ್ರಿರ್ಮಾನು॑ಷಾಃ॒ ಪರ್ಯಶ್ವಂ॒ ನಯಂ॑ತಿ । ಅತ್ರಾ॑ ಪೂ॒ಷ್ಣಃ ಪ್ರ॑ಥ॒ಮೋ ಭಾ॒ಗ ಏ॑ತಿ ಯ॒ಜ್ಞಂ ದೇ॒ವೇಭ್ಯಃ॑ ಪ್ರತಿವೇ॒ದಯ॑ನ್ನ॒ಜಃ ॥
यद्ध॑वि॒ष्य॑मृतु॒शो दे॑व॒यानं॒ त्रिर्मानु॑षाः॒ पर्यश्वं॒ नयं॑ति । अत्रा॑ पू॒ष्णः प्र॑थ॒मो भा॒ग ए॑ति य॒ज्ञं दे॒वेभ्यः॑ प्रतिवे॒दय॑न्न॒जः ॥
ಹೋತಾ॑ಧ್ವ॒ರ್ಯುರಾವ॑ಯಾ ಅಗ್ನಿಮಿಂ॒ಧೋ ಗ್ರಾ॑ವಗ್ರಾ॒ಭ ಉ॒ತ ಶಂಸ್ತಾ॒ ಸುವಿ॑ಪ್ರಃ । ತೇನ॑ ಯ॒ಜ್ಞೇನ॒ ಸ್ವ॑ರಂಕೃತೇನ॒ ಸ್ವಿ॑ಷ್ಟೇನ ವ॒ಕ್ಷಣಾ॒ ಆ ಪೃ॑ಣಧ್ವಂ ॥
होता॑ध्व॒र्युराव॑या अग्निमिं॒धो ग्रा॑वग्रा॒भ उ॒त शंस्ता॒ सुवि॑प्रः । तेन॑ य॒ज्ञेन॒ स्व॑रंकृतेन॒ स्वि॑ष्टेन व॒क्षणा॒ आ पृ॑णध्वं ॥
ಯೂ॒ಪ॒ವ್ರ॒ಸ್ಕಾ ಉ॒ತ ಯೇ ಯೂ॑ಪವಾ॒ಹಾಶ್ಚ॒ಷಾಲಂ॒ ಯೇ ಅ॑ಶ್ವಯೂ॒ಪಾಯ॒ ತಕ್ಷ॑ತಿ । ಯೇ ಚಾರ್ವ॑ತೇ॒ ಪಚ॑ನಂ ಸಂ॒ಭರಂ॑ತ್ಯು॒ತೋ ತೇಷಾ॑ಮ॒ಭಿಗೂ॑ರ್ತಿರ್ನ ಇನ್ವತು ॥
यू॒प॒व्र॒स्का उ॒त ये यू॑पवा॒हाश्च॒षालं॒ ये अ॑श्वयू॒पाय॒ तक्ष॑ति । ये चार्व॑ते॒ पच॑नं सं॒भरं॑त्यु॒तो तेषा॑म॒भिगू॑र्तिर्न इन्वतु ॥
ಉಪ॒ ಪ್ರಾಗಾ॑ತ್ಸು॒ಮನ್ಮೇ॑ಽಧಾಯಿ॒ ಮನ್ಮ॑ ದೇ॒ವಾನಾ॒ಮಾಶಾ॒ ಉಪ॑ ವೀ॒ತಪೃ॑ಷ್ಠಃ । ಅನ್ವೇ॑ನಂ॒ ವಿಪ್ರಾ॒ ಋಷ॑ಯೋ ಮದಂತಿ ದೇ॒ವಾನಾಂ॑ ಪು॒ಷ್ಟೇ ಚ॑ಕೃಮಾ ಸು॒ಬಂಧುಂ॑ ॥
उप॒ प्रागा॑त्सु॒मन्मे॑ऽधायि॒ मन्म॑ दे॒वाना॒माशा॒ उप॑ वी॒तपृ॑ष्ठः । अन्वे॑नं॒ विप्रा॒ ऋष॑यो मदंति दे॒वानां॑ पु॒ष्टे च॑कृमा सु॒बंधुं॑ ॥
ಯದ್ವಾ॒ಜಿನೋ॒ ದಾಮ॑ ಸಂ॒ದಾನ॒ಮರ್ವ॑ತೋ॒ ಯಾ ಶೀ॑ರ್ಷ॒ಣ್ಯಾ॑ ರಶ॒ನಾ ರಜ್ಜು॑ರಸ್ಯ । ಯದ್ವಾ॑ ಘಾಸ್ಯ॒ ಪ್ರಭೃ॑ತಮಾ॒ಸ್ಯೇ॒೩॒॑ ತೃಣಂ॒ ಸರ್ವಾ॒ ತಾ ತೇ॒ ಅಪಿ॑ ದೇ॒ವೇಷ್ವ॑ಸ್ತು ॥
यद्वा॒जिनो॒ दाम॑ सं॒दान॒मर्व॑तो॒ या शी॑र्ष॒ण्या॑ रश॒ना रज्जु॑रस्य । यद्वा॑ घास्य॒ प्रभृ॑तमा॒स्ये॒३॒॑ तृणं॒ सर्वा॒ ता ते॒ अपि॑ दे॒वेष्व॑स्तु ॥
ಯದಶ್ವ॑ಸ್ಯ ಕ್ರ॒ವಿಷೋ॒ ಮಕ್ಷಿ॒ಕಾಶ॒ ಯದ್ವಾ॒ ಸ್ವರೌ॒ ಸ್ವಧಿ॑ತೌ ರಿ॒ಪ್ತಮಸ್ತಿ॑ । ಯದ್ಧಸ್ತ॑ಯೋಃ ಶಮಿ॒ತುರ್ಯನ್ನ॒ಖೇಷು॒ ಸರ್ವಾ॒ ತಾ ತೇ॒ ಅಪಿ॑ ದೇ॒ವೇಷ್ವ॑ಸ್ತು ॥
यदश्व॑स्य क्र॒विषो॒ मक्षि॒काश॒ यद्वा॒ स्वरौ॒ स्वधि॑तौ रि॒प्तमस्ति॑ । यद्धस्त॑योः शमि॒तुर्यन्न॒खेषु॒ सर्वा॒ ता ते॒ अपि॑ दे॒वेष्व॑स्तु ॥
ಯದೂವ॑ಧ್ಯಮು॒ದರ॑ಸ್ಯಾಪ॒ವಾತಿ॒ ಯ ಆ॒ಮಸ್ಯ॑ ಕ್ರ॒ವಿಷೋ॑ ಗಂ॒ಧೋ ಅಸ್ತಿ॑ । ಸು॒ಕೃ॒ತಾ ತಚ್ಛ॑ಮಿ॒ತಾರಃ॑ ಕೃಣ್ವಂತೂ॒ತ ಮೇಧಂ॑ ಶೃತ॒ಪಾಕಂ॑ ಪಚಂತು ॥
यदूव॑ध्यमु॒दर॑स्याप॒वाति॒ य आ॒मस्य॑ क्र॒विषो॑ गं॒धो अस्ति॑ । सु॒कृ॒ता तच्छ॑मि॒तारः॑ कृण्वंतू॒त मेधं॑ शृत॒पाकं॑ पचंतु ॥
ಯತ್ತೇ॒ ಗಾತ್ರಾ॑ದ॒ಗ್ನಿನಾ॑ ಪ॒ಚ್ಯಮಾ॑ನಾದ॒ಭಿ ಶೂಲಂ॒ ನಿಹ॑ತಸ್ಯಾವ॒ಧಾವ॑ತಿ । ಮಾ ತದ್ಭೂಮ್ಯಾ॒ಮಾ ಶ್ರಿ॑ಷ॒ನ್ಮಾ ತೃಣೇ॑ಷು ದೇ॒ವೇಭ್ಯ॒ಸ್ತದು॒ಶದ್ಭ್ಯೋ॑ ರಾ॒ತಮ॑ಸ್ತು ॥
यत्ते॒ गात्रा॑द॒ग्निना॑ प॒च्यमा॑नाद॒भि शूलं॒ निह॑तस्याव॒धाव॑ति । मा तद्भूम्या॒मा श्रि॑ष॒न्मा तृणे॑षु दे॒वेभ्य॒स्तदु॒शद्भ्यो॑ रा॒तम॑स्तु ॥
ಯೇ ವಾ॒ಜಿನಂ॑ ಪರಿ॒ಪಶ್ಯಂ॑ತಿ ಪ॒ಕ್ವಂ ಯ ಈ॑ಮಾ॒ಹುಃ ಸು॑ರ॒ಭಿರ್ನಿರ್ಹ॒ರೇತಿ॑ । ಯೇ ಚಾರ್ವ॑ತೋ ಮಾಂಸಭಿ॒ಕ್ಷಾಮು॒ಪಾಸ॑ತ ಉ॒ತೋ ತೇಷಾ॑ಮ॒ಭಿಗೂ॑ರ್ತಿರ್ನ ಇನ್ವತು ॥
ये वा॒जिनं॑ परि॒पश्यं॑ति प॒क्वं य ई॑मा॒हुः सु॑र॒भिर्निर्ह॒रेति॑ । ये चार्व॑तो मांसभि॒क्षामु॒पास॑त उ॒तो तेषा॑म॒भिगू॑र्तिर्न इन्वतु ॥
ಯನ್ನೀಕ್ಷ॑ಣಂ ಮಾಁ॒ಸ್ಪಚ॑ನ್ಯಾ ಉ॒ಖಾಯಾ॒ ಯಾ ಪಾತ್ರಾ॑ಣಿ ಯೂ॒ಷ್ಣ ಆ॒ಸೇಚ॑ನಾನಿ । ಊ॒ಷ್ಮ॒ಣ್ಯಾ॑ಪಿ॒ಧಾನಾ॑ ಚರೂ॒ಣಾಮಂ॒ಕಾಃ ಸೂ॒ನಾಃ ಪರಿ॑ ಭೂಷಂ॒ತ್ಯಶ್ವಂ॑ ॥
यन्नीक्ष॑णं माँ॒स्पच॑न्या उ॒खाया॒ या पात्रा॑णि यू॒ष्ण आ॒सेच॑नानि । ऊ॒ष्म॒ण्या॑पि॒धाना॑ चरू॒णामं॒काः सू॒नाः परि॑ भूषं॒त्यश्वं॑ ॥
ನಿ॒ಕ್ರಮ॑ಣಂ ನಿ॒ಷದ॑ನಂ ವಿ॒ವರ್ತ॑ನಂ॒ ಯಚ್ಚ॒ ಪಡ್ಬೀ॑ಶ॒ಮರ್ವ॑ತಃ । ಯಚ್ಚ॑ ಪ॒ಪೌ ಯಚ್ಚ॑ ಘಾ॒ಸಿಂ ಜ॒ಘಾಸ॒ ಸರ್ವಾ॒ ತಾ ತೇ॒ ಅಪಿ॑ ದೇ॒ವೇಷ್ವ॑ಸ್ತು ॥
नि॒क्रम॑णं नि॒षद॑नं वि॒वर्त॑नं॒ यच्च॒ पड्बी॑श॒मर्व॑तः । यच्च॑ प॒पौ यच्च॑ घा॒सिं ज॒घास॒ सर्वा॒ ता ते॒ अपि॑ दे॒वेष्व॑स्तु ॥
ಮಾ ತ್ವಾ॒ಗ್ನಿರ್ಧ್ವ॑ನಯೀದ್ಧೂ॒ಮಗಂ॑ಧಿ॒ರ್ಮೋಖಾ ಭ್ರಾಜಂ॑ತ್ಯ॒ಭಿ ವಿ॑ಕ್ತ॒ ಜಘ್ರಿಃ॑ । ಇ॒ಷ್ಟಂ ವೀ॒ತಮ॒ಭಿಗೂ॑ರ್ತಂ॒ ವಷ॑ಟ್ಕೃತಂ॒ ತಂ ದೇ॒ವಾಸಃ॒ ಪ್ರತಿ॑ ಗೃಭ್ಣಂ॒ತ್ಯಶ್ವಂ॑ ॥
मा त्वा॒ग्निर्ध्व॑नयीद्धू॒मगं॑धि॒र्मोखा भ्राजं॑त्य॒भि वि॑क्त॒ जघ्रिः॑ । इ॒ष्टं वी॒तम॒भिगू॑र्तं॒ वष॑ट्कृतं॒ तं दे॒वासः॒ प्रति॑ गृभ्णं॒त्यश्वं॑ ॥
ಯದಶ್ವಾ॑ಯ॒ ವಾಸ॑ ಉಪಸ್ತೃ॒ಣಂತ್ಯ॑ಧೀವಾ॒ಸಂ ಯಾ ಹಿರ॑ಣ್ಯಾನ್ಯಸ್ಮೈ । ಸಂ॒ದಾನ॒ಮರ್ವಂ॑ತಂ॒ ಪಡ್ಬೀ॑ಶಂ ಪ್ರಿ॒ಯಾ ದೇ॒ವೇಷ್ವಾ ಯಾ॑ಮಯಂತಿ ॥
यदश्वा॑य॒ वास॑ उपस्तृ॒णंत्य॑धीवा॒सं या हिर॑ण्यान्यस्मै । सं॒दान॒मर्वं॑तं॒ पड्बी॑शं प्रि॒या दे॒वेष्वा या॑मयंति ॥
ಯತ್ತೇ॑ ಸಾ॒ದೇ ಮಹ॑ಸಾ॒ ಶೂಕೃ॑ತಸ್ಯ॒ ಪಾರ್ಷ್ಣ್ಯಾ॑ ವಾ॒ ಕಶ॑ಯಾ ವಾ ತು॒ತೋದ॑ । ಸ್ರು॒ಚೇವ॒ ತಾ ಹ॒ವಿಷೋ॑ ಅಧ್ವ॒ರೇಷು॒ ಸರ್ವಾ॒ ತಾ ತೇ॒ ಬ್ರಹ್ಮ॑ಣಾ ಸೂದಯಾಮಿ ॥
यत्ते॑ सा॒दे मह॑सा॒ शूकृ॑तस्य॒ पार्ष्ण्या॑ वा॒ कश॑या वा तु॒तोद॑ । स्रु॒चेव॒ ता ह॒विषो॑ अध्व॒रेषु॒ सर्वा॒ ता ते॒ ब्रह्म॑णा सूदयामि ॥
ಚತು॑ಸ್ತ್ರಿಂಶದ್ವಾ॒ಜಿನೋ॑ ದೇ॒ವಬಂ॑ಧೋ॒ರ್ವಂಕ್ರೀ॒ರಶ್ವ॑ಸ್ಯ॒ ಸ್ವಧಿ॑ತಿಃ॒ ಸಮೇ॑ತಿ । ಅಚ್ಛಿ॑ದ್ರಾ॒ ಗಾತ್ರಾ॑ ವ॒ಯುನಾ॑ ಕೃಣೋತ॒ ಪರು॑ಷ್ಪರುರನು॒ಘುಷ್ಯಾ॒ ವಿ ಶ॑ಸ್ತ ॥
चतु॑स्त्रिंशद्वा॒जिनो॑ दे॒वबं॑धो॒र्वंक्री॒रश्व॑स्य॒ स्वधि॑तिः॒ समे॑ति । अच्छि॑द्रा॒ गात्रा॑ व॒युना॑ कृणोत॒ परु॑ष्परुरनु॒घुष्या॒ वि श॑स्त ॥
ಏಕ॒ಸ್ತ್ವಷ್ಟು॒ರಶ್ವ॑ಸ್ಯಾ ವಿಶ॒ಸ್ತಾ ದ್ವಾ ಯಂ॒ತಾರಾ॑ ಭವತ॒ಸ್ತಥ॑ ಋ॒ತುಃ । ಯಾ ತೇ॒ ಗಾತ್ರಾ॑ಣಾಮೃತು॒ಥಾ ಕೃ॒ಣೋಮಿ॒ ತಾತಾ॒ ಪಿಂಡಾ॑ನಾಂ॒ ಪ್ರ ಜು॑ಹೋಮ್ಯ॒ಗ್ನೌ ॥
एक॒स्त्वष्टु॒रश्व॑स्या विश॒स्ता द्वा यं॒तारा॑ भवत॒स्तथ॑ ऋ॒तुः । या ते॒ गात्रा॑णामृतु॒था कृ॒णोमि॒ ताता॒ पिंडा॑नां॒ प्र जु॑होम्य॒ग्नौ ॥
ಮಾ ತ್ವಾ॑ ತಪತ್ಪ್ರಿ॒ಯ ಆ॒ತ್ಮಾಪಿ॒ಯಂತಂ॒ ಮಾ ಸ್ವಧಿ॑ತಿಸ್ತ॒ನ್ವ೧॒॑ ಆ ತಿ॑ಷ್ಠಿಪತ್ತೇ । ಮಾ ತೇ॑ ಗೃ॒ಧ್ನುರ॑ವಿಶ॒ಸ್ತಾತಿ॒ಹಾಯ॑ ಚ್ಛಿ॒ದ್ರಾ ಗಾತ್ರಾ॑ಣ್ಯ॒ಸಿನಾ॒ ಮಿಥೂ॑ ಕಃ ॥
मा त्वा॑ तपत्प्रि॒य आ॒त्मापि॒यंतं॒ मा स्वधि॑तिस्त॒न्व१॒॑ आ ति॑ष्ठिपत्ते । मा ते॑ गृ॒ध्नुर॑विश॒स्ताति॒हाय॑ च्छि॒द्रा गात्रा॑ण्य॒सिना॒ मिथू॑ कः ॥
ನ ವಾ ಉ॑ ಏ॒ತನ್ಮ್ರಿ॑ಯಸೇ॒ ನ ರಿ॑ಷ್ಯಸಿ ದೇ॒ವಾಁ ಇದೇ॑ಷಿ ಪ॒ಥಿಭಿಃ॑ ಸು॒ಗೇಭಿಃ॑ । ಹರೀ॑ ತೇ॒ ಯುಂಜಾ॒ ಪೃಷ॑ತೀ ಅಭೂತಾ॒ಮುಪಾ॑ಸ್ಥಾದ್ವಾ॒ಜೀ ಧು॒ರಿ ರಾಸ॑ಭಸ್ಯ ॥
न वा उ॑ ए॒तन्म्रि॑यसे॒ न रि॑ष्यसि दे॒वाँ इदे॑षि प॒थिभिः॑ सु॒गेभिः॑ । हरी॑ ते॒ युंजा॒ पृष॑ती अभूता॒मुपा॑स्थाद्वा॒जी धु॒रि रास॑भस्य ॥
ಸು॒ಗವ್ಯಂ॑ ನೋ ವಾ॒ಜೀ ಸ್ವಶ್ವ್ಯಂ॑ ಪುಂ॒ಸಃ ಪು॒ತ್ರಾಁ ಉ॒ತ ವಿ॑ಶ್ವಾ॒ಪುಷಂ॑ ರ॒ಯಿಂ । ಅ॒ನಾ॒ಗಾ॒ಸ್ತ್ವಂ ನೋ॒ ಅದಿ॑ತಿಃ ಕೃಣೋತು ಕ್ಷ॒ತ್ರಂ ನೋ॒ ಅಶ್ವೋ॑ ವನತಾಂ ಹ॒ವಿಷ್ಮಾ॑ನ್ ॥
सु॒गव्यं॑ नो वा॒जी स्वश्व्यं॑ पुं॒सः पु॒त्राँ उ॒त वि॑श्वा॒पुषं॑ र॒यिं । अ॒ना॒गा॒स्त्वं नो॒ अदि॑तिः कृणोतु क्ष॒त्रं नो॒ अश्वो॑ वनतां ह॒विष्मा॑न् ॥