ಈ ಸೂಕ್ತಕ್ಕೆ ಅಡ್ಮಿನ್‌ನಲ್ಲಿ ಕನ್ನಡ ಅಧ್ಯಯನ ಮಾರ್ಗದರ್ಶಿ (Study Guide) ಇನ್ನೂ ರಚನೆಯಾಗಿಲ್ಲ. ಅಡ್ಮಿನ್‌ನಲ್ಲಿ Generate Study Guides ಮೂಲಕ ಕನ್ನಡ ಭಾಷೆಯನ್ನು ಆಯ್ಕೆಮಾಡಿ ರಚಿಸಬಹುದು.
ಮಿ॒ತ್ರಂ ನ ಯಂ ಶಿಮ್ಯಾ॒ ಗೋಷು॑ ಗ॒ವ್ಯವಃ॑ ಸ್ವಾ॒ಧ್ಯೋ॑ ವಿ॒ದಥೇ॑ ಅ॒ಪ್ಸು ಜೀಜ॑ನನ್ । ಅರೇ॑ಜೇತಾಂ॒ ರೋದ॑ಸೀ॒ ಪಾಜ॑ಸಾ ಗಿ॒ರಾ ಪ್ರತಿ॑ ಪ್ರಿ॒ಯಂ ಯ॑ಜ॒ತಂ ಜ॒ನುಷಾ॒ಮವಃ॑ ॥
मि॒त्रं न यं शिम्या॒ गोषु॑ ग॒व्यवः॑ स्वा॒ध्यो॑ वि॒दथे॑ अ॒प्सु जीज॑नन् । अरे॑जेतां॒ रोद॑सी॒ पाज॑सा गि॒रा प्रति॑ प्रि॒यं य॑ज॒तं ज॒नुषा॒मवः॑ ॥
ಯದ್ಧ॒ ತ್ಯದ್ವಾಂ॑ ಪುರುಮೀ॒ಳ್ಹಸ್ಯ॑ ಸೋ॒ಮಿನಃ॒ ಪ್ರ ಮಿ॒ತ್ರಾಸೋ॒ ನ ದ॑ಧಿ॒ರೇ ಸ್ವಾ॒ಭುವಃ॑ । ಅಧ॒ ಕ್ರತುಂ॑ ವಿದತಂ ಗಾ॒ತುಮರ್ಚ॑ತ ಉ॒ತ ಶ್ರು॑ತಂ ವೃಷಣಾ ಪ॒ಸ್ತ್ಯಾ॑ವತಃ ॥
यद्ध॒ त्यद्वां॑ पुरुमी॒ळ्हस्य॑ सो॒मिनः॒ प्र मि॒त्रासो॒ न द॑धि॒रे स्वा॒भुवः॑ । अध॒ क्रतुं॑ विदतं गा॒तुमर्च॑त उ॒त श्रु॑तं वृषणा प॒स्त्या॑वतः ॥
ಆ ವಾಂ॑ ಭೂಷನ್ಕ್ಷಿ॒ತಯೋ॒ ಜನ್ಮ॒ ರೋದ॑ಸ್ಯೋಃ ಪ್ರ॒ವಾಚ್ಯಂ॑ ವೃಷಣಾ॒ ದಕ್ಷ॑ಸೇ ಮ॒ಹೇ । ಯದೀ॑ಮೃ॒ತಾಯ॒ ಭರ॑ಥೋ॒ ಯದರ್ವ॑ತೇ॒ ಪ್ರ ಹೋತ್ರ॑ಯಾ॒ ಶಿಮ್ಯಾ॑ ವೀಥೋ ಅಧ್ವ॒ರಂ ॥
आ वां॑ भूषन्क्षि॒तयो॒ जन्म॒ रोद॑स्योः प्र॒वाच्यं॑ वृषणा॒ दक्ष॑से म॒हे । यदी॑मृ॒ताय॒ भर॑थो॒ यदर्व॑ते॒ प्र होत्र॑या॒ शिम्या॑ वीथो अध्व॒रं ॥
ಪ್ರ ಸಾ ಕ್ಷಿ॒ತಿರ॑ಸುರ॒ ಯಾ ಮಹಿ॑ ಪ್ರಿ॒ಯ ಋತಾ॑ವಾನಾವೃ॒ತಮಾ ಘೋ॑ಷಥೋ ಬೃ॒ಹತ್ । ಯು॒ವಂ ದಿ॒ವೋ ಬೃ॑ಹ॒ತೋ ದಕ್ಷ॑ಮಾ॒ಭುವಂ॒ ಗಾಂ ನ ಧು॒ರ್ಯುಪ॑ ಯುಂಜಾಥೇ ಅ॒ಪಃ ॥
प्र सा क्षि॒तिर॑सुर॒ या महि॑ प्रि॒य ऋता॑वानावृ॒तमा घो॑षथो बृ॒हत् । यु॒वं दि॒वो बृ॑ह॒तो दक्ष॑मा॒भुवं॒ गां न धु॒र्युप॑ युंजाथे अ॒पः ॥
ಮ॒ಹೀ ಅತ್ರ॑ ಮಹಿ॒ನಾ ವಾರ॑ಮೃಣ್ವಥೋಽರೇ॒ಣವ॒ಸ್ತುಜ॒ ಆ ಸದ್ಮ॑ನ್ಧೇ॒ನವಃ॑ । ಸ್ವರಂ॑ತಿ॒ ತಾ ಉ॑ಪ॒ರತಾ॑ತಿ॒ ಸೂರ್ಯ॒ಮಾ ನಿ॒ಮ್ರುಚ॑ ಉ॒ಷಸ॑ಸ್ತಕ್ವ॒ವೀರಿ॑ವ ॥
म॒ही अत्र॑ महि॒ना वार॑मृण्वथोऽरे॒णव॒स्तुज॒ आ सद्म॑न्धे॒नवः॑ । स्वरं॑ति॒ ता उ॑प॒रता॑ति॒ सूर्य॒मा नि॒म्रुच॑ उ॒षस॑स्तक्व॒वीरि॑व ॥
ಆ ವಾ॑ಮೃ॒ತಾಯ॑ ಕೇ॒ಶಿನೀ॑ರನೂಷತ॒ ಮಿತ್ರ॒ ಯತ್ರ॒ ವರು॑ಣ ಗಾ॒ತುಮರ್ಚ॑ಥಃ । ಅವ॒ ತ್ಮನಾ॑ ಸೃ॒ಜತಂ॒ ಪಿನ್ವ॑ತಂ॒ ಧಿಯೋ॑ ಯು॒ವಂ ವಿಪ್ರ॑ಸ್ಯ॒ ಮನ್ಮ॑ನಾಮಿರಜ್ಯಥಃ ॥
आ वा॑मृ॒ताय॑ के॒शिनी॑रनूषत॒ मित्र॒ यत्र॒ वरु॑ण गा॒तुमर्च॑थः । अव॒ त्मना॑ सृ॒जतं॒ पिन्व॑तं॒ धियो॑ यु॒वं विप्र॑स्य॒ मन्म॑नामिरज्यथः ॥
ಯೋ ವಾಂ॑ ಯ॒ಜ್ಞೈಃ ಶ॑ಶಮಾ॒ನೋ ಹ॒ ದಾಶ॑ತಿ ಕ॒ವಿರ್ಹೋತಾ॒ ಯಜ॑ತಿ ಮನ್ಮ॒ಸಾಧ॑ನಃ । ಉಪಾಹ॒ ತಂ ಗಚ್ಛ॑ಥೋ ವೀ॒ಥೋ ಅ॑ಧ್ವ॒ರಮಚ್ಛಾ॒ ಗಿರಃ॑ ಸುಮ॒ತಿಂ ಗಂ॑ತಮಸ್ಮ॒ಯೂ ॥
यो वां॑ य॒ज्ञैः श॑शमा॒नो ह॒ दाश॑ति क॒विर्होता॒ यज॑ति मन्म॒साध॑नः । उपाह॒ तं गच्छ॑थो वी॒थो अ॑ध्व॒रमच्छा॒ गिरः॑ सुम॒तिं गं॑तमस्म॒यू ॥
ಯು॒ವಾಂ ಯ॒ಜ್ಞೈಃ ಪ್ರ॑ಥ॒ಮಾ ಗೋಭಿ॑ರಂಜತ॒ ಋತಾ॑ವಾನಾ॒ ಮನ॑ಸೋ॒ ನ ಪ್ರಯು॑ಕ್ತಿಷು । ಭರಂ॑ತಿ ವಾಂ॒ ಮನ್ಮ॑ನಾ ಸಂ॒ಯತಾ॒ ಗಿರೋಽದೃ॑ಪ್ಯತಾ॒ ಮನ॑ಸಾ ರೇ॒ವದಾ॑ಶಾಥೇ ॥
यु॒वां य॒ज्ञैः प्र॑थ॒मा गोभि॑रंजत॒ ऋता॑वाना॒ मन॑सो॒ न प्रयु॑क्तिषु । भरं॑ति वां॒ मन्म॑ना सं॒यता॒ गिरोऽदृ॑प्यता॒ मन॑सा रे॒वदा॑शाथे ॥
ರೇ॒ವದ್ವಯೋ॑ ದಧಾಥೇ ರೇ॒ವದಾ॑ಶಾಥೇ॒ ನರಾ॑ ಮಾ॒ಯಾಭಿ॑ರಿ॒ತಊ॑ತಿ॒ ಮಾಹಿ॑ನಂ । ನ ವಾಂ॒ ದ್ಯಾವೋಽಹ॑ಭಿ॒ರ್ನೋತ ಸಿಂಧ॑ವೋ॒ ನ ದೇ॑ವ॒ತ್ವಂ ಪ॒ಣಯೋ॒ ನಾನ॑ಶುರ್ಮ॒ಘಂ ॥
रे॒वद्वयो॑ दधाथे रे॒वदा॑शाथे॒ नरा॑ मा॒याभि॑रि॒तऊ॑ति॒ माहि॑नं । न वां॒ द्यावोऽह॑भि॒र्नोत सिंध॑वो॒ न दे॑व॒त्वं प॒णयो॒ नान॑शुर्म॒घं ॥