ಈ ಸೂಕ್ತಕ್ಕೆ ಅಡ್ಮಿನ್‌ನಲ್ಲಿ ಕನ್ನಡ ಅಧ್ಯಯನ ಮಾರ್ಗದರ್ಶಿ (Study Guide) ಇನ್ನೂ ರಚನೆಯಾಗಿಲ್ಲ. ಅಡ್ಮಿನ್‌ನಲ್ಲಿ Generate Study Guides ಮೂಲಕ ಕನ್ನಡ ಭಾಷೆಯನ್ನು ಆಯ್ಕೆಮಾಡಿ ರಚಿಸಬಹುದು.
ತ್ರಿ॒ಮೂ॒ರ್ಧಾನಂ॑ ಸ॒ಪ್ತರ॑ಶ್ಮಿಂ ಗೃಣೀ॒ಷೇಽನೂ॑ನಮ॒ಗ್ನಿಂ ಪಿ॒ತ್ರೋರು॒ಪಸ್ಥೇ॑ । ನಿ॒ಷ॒ತ್ತಮ॑ಸ್ಯ॒ ಚರ॑ತೋ ಧ್ರು॒ವಸ್ಯ॒ ವಿಶ್ವಾ॑ ದಿ॒ವೋ ರೋ॑ಚ॒ನಾಪ॑ಪ್ರಿ॒ವಾಂಸಂ॑ ॥
त्रि॒मू॒र्धानं॑ स॒प्तर॑श्मिं गृणी॒षेऽनू॑नम॒ग्निं पि॒त्रोरु॒पस्थे॑ । नि॒ष॒त्तम॑स्य॒ चर॑तो ध्रु॒वस्य॒ विश्वा॑ दि॒वो रो॑च॒नाप॑प्रि॒वांसं॑ ॥
ಉ॒ಕ್ಷಾ ಮ॒ಹಾಁ ಅ॒ಭಿ ವ॑ವಕ್ಷ ಏನೇ ಅ॒ಜರ॑ಸ್ತಸ್ಥಾವಿ॒ತಊ॑ತಿರ್ಋ॒ಷ್ವಃ । ಉ॒ರ್ವ್ಯಾಃ ಪ॒ದೋ ನಿ ದ॑ಧಾತಿ॒ ಸಾನೌ॑ ರಿ॒ಹಂತ್ಯೂಧೋ॑ ಅರು॒ಷಾಸೋ॑ ಅಸ್ಯ ॥
उ॒क्षा म॒हाँ अ॒भि व॑वक्ष एने अ॒जर॑स्तस्थावि॒तऊ॑तिर्ऋ॒ष्वः । उ॒र्व्याः प॒दो नि द॑धाति॒ सानौ॑ रि॒हंत्यूधो॑ अरु॒षासो॑ अस्य ॥
ಸ॒ಮಾ॒ನಂ ವ॒ತ್ಸಮ॒ಭಿ ಸಂ॒ಚರಂ॑ತೀ॒ ವಿಷ್ವ॑ಗ್ಧೇ॒ನೂ ವಿ ಚ॑ರತಃ ಸು॒ಮೇಕೇ॑ । ಅ॒ನ॒ಪ॒ವೃ॒ಜ್ಯಾಁ ಅಧ್ವ॑ನೋ॒ ಮಿಮಾ॑ನೇ॒ ವಿಶ್ವಾ॒ನ್ಕೇತಾಁ॒ ಅಧಿ॑ ಮ॒ಹೋ ದಧಾ॑ನೇ ॥
स॒मा॒नं व॒त्सम॒भि सं॒चरं॑ती॒ विष्व॑ग्धे॒नू वि च॑रतः सु॒मेके॑ । अ॒न॒प॒वृ॒ज्याँ अध्व॑नो॒ मिमा॑ने॒ विश्वा॒न्केताँ॒ अधि॑ म॒हो दधा॑ने ॥
ಧೀರಾ॑ಸಃ ಪ॒ದಂ ಕ॒ವಯೋ॑ ನಯಂತಿ॒ ನಾನಾ॑ ಹೃ॒ದಾ ರಕ್ಷ॑ಮಾಣಾ ಅಜು॒ರ್ಯಂ । ಸಿಷಾ॑ಸಂತಃ॒ ಪರ್ಯ॑ಪಶ್ಯಂತ॒ ಸಿಂಧು॑ಮಾ॒ವಿರೇ॑ಭ್ಯೋ ಅಭವ॒ತ್ಸೂರ್ಯೋ॒ ನೄನ್ ॥
धीरा॑सः प॒दं क॒वयो॑ नयंति॒ नाना॑ हृ॒दा रक्ष॑माणा अजु॒र्यं । सिषा॑संतः॒ पर्य॑पश्यंत॒ सिंधु॑मा॒विरे॑भ्यो अभव॒त्सूर्यो॒ नॄन् ॥
ದಿ॒ದೃ॒ಕ್ಷೇಣ್ಯಃ॒ ಪರಿ॒ ಕಾಷ್ಠಾ॑ಸು॒ ಜೇನ್ಯ॑ ಈ॒ಳೇನ್ಯೋ॑ ಮ॒ಹೋ ಅರ್ಭಾ॑ಯ ಜೀ॒ವಸೇ॑ । ಪು॒ರು॒ತ್ರಾ ಯದಭ॑ವ॒ತ್ಸೂರಹೈ॑ಭ್ಯೋ॒ ಗರ್ಭೇ॑ಭ್ಯೋ ಮ॒ಘವಾ॑ ವಿ॒ಶ್ವದ॑ರ್ಶತಃ ॥
दि॒दृ॒क्षेण्यः॒ परि॒ काष्ठा॑सु॒ जेन्य॑ ई॒ळेन्यो॑ म॒हो अर्भा॑य जी॒वसे॑ । पु॒रु॒त्रा यदभ॑व॒त्सूरहै॑भ्यो॒ गर्भे॑भ्यो म॒घवा॑ वि॒श्वद॑र्शतः ॥