ಈ ಸೂಕ್ತಕ್ಕೆ ಅಡ್ಮಿನ್‌ನಲ್ಲಿ ಕನ್ನಡ ಅಧ್ಯಯನ ಮಾರ್ಗದರ್ಶಿ (Study Guide) ಇನ್ನೂ ರಚನೆಯಾಗಿಲ್ಲ. ಅಡ್ಮಿನ್‌ನಲ್ಲಿ Generate Study Guides ಮೂಲಕ ಕನ್ನಡ ಭಾಷೆಯನ್ನು ಆಯ್ಕೆಮಾಡಿ ರಚಿಸಬಹುದು.
ತ್ವಯಾ॑ ವ॒ಯಂ ಮ॑ಘವ॒ನ್ಪೂರ್ವ್ಯೇ॒ ಧನ॒ ಇಂದ್ರ॑ತ್ವೋತಾಃ ಸಾಸಹ್ಯಾಮ ಪೃತನ್ಯ॒ತೋ ವ॑ನು॒ಯಾಮ॑ ವನುಷ್ಯ॒ತಃ । ನೇದಿ॑ಷ್ಠೇ ಅ॒ಸ್ಮಿನ್ನಹ॒ನ್ಯಧಿ॑ ವೋಚಾ॒ ನು ಸು॑ನ್ವ॒ತೇ । ಅ॒ಸ್ಮಿನ್ಯ॒ಜ್ಞೇ ವಿ ಚ॑ಯೇಮಾ॒ ಭರೇ॑ ಕೃ॒ತಂ ವಾ॑ಜ॒ಯಂತೋ॒ ಭರೇ॑ ಕೃ॒ತಂ ॥
त्वया॑ व॒यं म॑घव॒न्पूर्व्ये॒ धन॒ इंद्र॑त्वोताः सासह्याम पृतन्य॒तो व॑नु॒याम॑ वनुष्य॒तः । नेदि॑ष्ठे अ॒स्मिन्नह॒न्यधि॑ वोचा॒ नु सु॑न्व॒ते । अ॒स्मिन्य॒ज्ञे वि च॑येमा॒ भरे॑ कृ॒तं वा॑ज॒यंतो॒ भरे॑ कृ॒तं ॥
ಸ್ವ॒ರ್ಜೇ॒ಷೇ ಭರ॑ ಆ॒ಪ್ರಸ್ಯ॒ ವಕ್ಮ॑ನ್ಯುಷ॒ರ್ಬುಧಃ॒ ಸ್ವಸ್ಮಿ॒ನ್ನಂಜ॑ಸಿ ಕ್ರಾ॒ಣಸ್ಯ॒ ಸ್ವಸ್ಮಿ॒ನ್ನಂಜ॑ಸಿ । ಅಹ॒ನ್ನಿಂದ್ರೋ॒ ಯಥಾ॑ ವಿ॒ದೇ ಶೀ॒ರ್ಷ್ಣಾಶೀ॑ರ್ಷ್ಣೋಪ॒ವಾಚ್ಯಃ॑ । ಅ॒ಸ್ಮ॒ತ್ರಾ ತೇ॑ ಸ॒ಧ್ರ್ಯ॑ಕ್ಸಂತು ರಾ॒ತಯೋ॑ ಭ॒ದ್ರಾ ಭ॒ದ್ರಸ್ಯ॑ ರಾ॒ತಯಃ॑ ॥
स्व॒र्जे॒षे भर॑ आ॒प्रस्य॒ वक्म॑न्युष॒र्बुधः॒ स्वस्मि॒न्नंज॑सि क्रा॒णस्य॒ स्वस्मि॒न्नंज॑सि । अह॒न्निंद्रो॒ यथा॑ वि॒दे शी॒र्ष्णाशी॑र्ष्णोप॒वाच्यः॑ । अ॒स्म॒त्रा ते॑ स॒ध्र्य॑क्संतु रा॒तयो॑ भ॒द्रा भ॒द्रस्य॑ रा॒तयः॑ ॥
ತತ್ತು ಪ್ರಯಃ॑ ಪ್ರ॒ತ್ನಥಾ॑ ತೇ ಶುಶುಕ್ವ॒ನಂ ಯಸ್ಮಿ॑ನ್ಯ॒ಜ್ಞೇ ವಾರ॒ಮಕೃ॑ಣ್ವತ॒ ಕ್ಷಯ॑ಮೃ॒ತಸ್ಯ॒ ವಾರ॑ಸಿ॒ ಕ್ಷಯಂ॑ । ವಿ ತದ್ವೋ॑ಚೇ॒ರಧ॑ ದ್ವಿ॒ತಾಂತಃ ಪ॑ಶ್ಯಂತಿ ರ॒ಶ್ಮಿಭಿಃ॑ । ಸ ಘಾ॑ ವಿದೇ॒ ಅನ್ವಿಂದ್ರೋ॑ ಗ॒ವೇಷ॑ಣೋ ಬಂಧು॒ಕ್ಷಿದ್ಭ್ಯೋ॑ ಗ॒ವೇಷ॑ಣಃ ॥
तत्तु प्रयः॑ प्र॒त्नथा॑ ते शुशुक्व॒नं यस्मि॑न्य॒ज्ञे वार॒मकृ॑ण्वत॒ क्षय॑मृ॒तस्य॒ वार॑सि॒ क्षयं॑ । वि तद्वो॑चे॒रध॑ द्वि॒तांतः प॑श्यंति र॒श्मिभिः॑ । स घा॑ विदे॒ अन्विंद्रो॑ ग॒वेष॑णो बंधु॒क्षिद्भ्यो॑ ग॒वेष॑णः ॥
ನೂ ಇ॒ತ್ಥಾ ತೇ॑ ಪೂ॒ರ್ವಥಾ॑ ಚ ಪ್ರ॒ವಾಚ್ಯಂ॒ ಯದಂಗಿ॑ರೋ॒ಭ್ಯೋಽವೃ॑ಣೋ॒ರಪ॑ ವ್ರ॒ಜಮಿಂದ್ರ॒ ಶಿಕ್ಷ॒ನ್ನಪ॑ ವ್ರ॒ಜಂ । ಐಭ್ಯಃ॑ ಸಮಾ॒ನ್ಯಾ ದಿ॒ಶಾಸ್ಮಭ್ಯಂ॑ ಜೇಷಿ॒ ಯೋತ್ಸಿ॑ ಚ । ಸು॒ನ್ವದ್ಭ್ಯೋ॑ ರಂಧಯಾ॒ ಕಂ ಚಿ॑ದವ್ರ॒ತಂ ಹೃ॑ಣಾ॒ಯಂತಂ॑ ಚಿದವ್ರ॒ತಂ ॥
नू इ॒त्था ते॑ पू॒र्वथा॑ च प्र॒वाच्यं॒ यदंगि॑रो॒भ्योऽवृ॑णो॒रप॑ व्र॒जमिंद्र॒ शिक्ष॒न्नप॑ व्र॒जं । ऐभ्यः॑ समा॒न्या दि॒शास्मभ्यं॑ जेषि॒ योत्सि॑ च । सु॒न्वद्भ्यो॑ रंधया॒ कं चि॑दव्र॒तं हृ॑णा॒यंतं॑ चिदव्र॒तं ॥
ಸಂ ಯಜ್ಜನಾ॒ನ್ ಕ್ರತು॑ಭಿಃ॒ ಶೂರ॑ ಈ॒ಕ್ಷಯ॒ದ್ಧನೇ॑ ಹಿ॒ತೇ ತ॑ರುಷಂತ ಶ್ರವ॒ಸ್ಯವಃ॒ ಪ್ರ ಯ॑ಕ್ಷಂತ ಶ್ರವ॒ಸ್ಯವಃ॑ । ತಸ್ಮಾ॒ ಆಯುಃ॑ ಪ್ರ॒ಜಾವ॒ದಿದ್ಬಾಧೇ॑ ಅರ್ಚಂ॒ತ್ಯೋಜ॑ಸಾ । ಇಂದ್ರ॑ ಓ॒ಕ್ಯಂ॑ ದಿಧಿಷಂತ ಧೀ॒ತಯೋ॑ ದೇ॒ವಾಁ ಅಚ್ಛಾ॒ ನ ಧೀ॒ತಯಃ॑ ॥
सं यज्जना॒न् क्रतु॑भिः॒ शूर॑ ई॒क्षय॒द्धने॑ हि॒ते त॑रुषंत श्रव॒स्यवः॒ प्र य॑क्षंत श्रव॒स्यवः॑ । तस्मा॒ आयुः॑ प्र॒जाव॒दिद्बाधे॑ अर्चं॒त्योज॑सा । इंद्र॑ ओ॒क्यं॑ दिधिषंत धी॒तयो॑ दे॒वाँ अच्छा॒ न धी॒तयः॑ ॥
ಯು॒ವಂ ತಮಿಂ॑ದ್ರಾಪರ್ವತಾ ಪುರೋ॒ಯುಧಾ॒ ಯೋ ನಃ॑ ಪೃತ॒ನ್ಯಾದಪ॒ ತಂತ॒ಮಿದ್ಧ॑ತಂ॒ ವಜ್ರೇ॑ಣ॒ ತಂತ॒ಮಿದ್ಧ॑ತಂ । ದೂ॒ರೇ ಚ॒ತ್ತಾಯ॑ ಚ್ಛಂತ್ಸ॒ದ್ಗಹ॑ನಂ॒ ಯದಿನ॑ಕ್ಷತ್ । ಅ॒ಸ್ಮಾಕಂ॒ ಶತ್ರೂ॒ನ್ಪರಿ॑ ಶೂರ ವಿ॒ಶ್ವತೋ॑ ದ॒ರ್ಮಾ ದ॑ರ್ಷೀಷ್ಟ ವಿ॒ಶ್ವತಃ॑ ॥
यु॒वं तमिं॑द्रापर्वता पुरो॒युधा॒ यो नः॑ पृत॒न्यादप॒ तंत॒मिद्ध॑तं॒ वज्रे॑ण॒ तंत॒मिद्ध॑तं । दू॒रे च॒त्ताय॑ च्छंत्स॒द्गह॑नं॒ यदिन॑क्षत् । अ॒स्माकं॒ शत्रू॒न्परि॑ शूर वि॒श्वतो॑ द॒र्मा द॑र्षीष्ट वि॒श्वतः॑ ॥