ಈ ಸೂಕ್ತಕ್ಕೆ ಅಡ್ಮಿನ್‌ನಲ್ಲಿ ಕನ್ನಡ ಅಧ್ಯಯನ ಮಾರ್ಗದರ್ಶಿ (Study Guide) ಇನ್ನೂ ರಚನೆಯಾಗಿಲ್ಲ. ಅಡ್ಮಿನ್‌ನಲ್ಲಿ Generate Study Guides ಮೂಲಕ ಕನ್ನಡ ಭಾಷೆಯನ್ನು ಆಯ್ಕೆಮಾಡಿ ರಚಿಸಬಹುದು.
ಕದಿ॒ತ್ಥಾ ನೄಁಃ ಪಾತ್ರಂ॑ ದೇವಯ॒ತಾಂ ಶ್ರವ॒ದ್ಗಿರೋ॒ ಅಂಗಿ॑ರಸಾಂ ತುರ॒ಣ್ಯನ್ । ಪ್ರ ಯದಾನ॒ಡ್ವಿಶ॒ ಆ ಹ॒ರ್ಮ್ಯಸ್ಯೋ॒ರು ಕ್ರಂ॑ಸತೇ ಅಧ್ವ॒ರೇ ಯಜ॑ತ್ರಃ ॥
कदि॒त्था नॄँः पात्रं॑ देवय॒तां श्रव॒द्गिरो॒ अंगि॑रसां तुर॒ण्यन् । प्र यदान॒ड्विश॒ आ ह॒र्म्यस्यो॒रु क्रं॑सते अध्व॒रे यज॑त्रः ॥
ಸ್ತಂಭೀ॑ದ್ಧ॒ ದ್ಯಾಂ ಸ ಧ॒ರುಣಂ॑ ಪ್ರುಷಾಯದೃ॒ಭುರ್ವಾಜಾ॑ಯ॒ ದ್ರವಿ॑ಣಂ॒ ನರೋ॒ ಗೋಃ । ಅನು॑ ಸ್ವ॒ಜಾಂ ಮ॑ಹಿ॒ಷಶ್ಚ॑ಕ್ಷತ॒ ವ್ರಾಂ ಮೇನಾ॒ಮಶ್ವ॑ಸ್ಯ॒ ಪರಿ॑ ಮಾ॒ತರಂ॒ ಗೋಃ ॥
स्तंभी॑द्ध॒ द्यां स ध॒रुणं॑ प्रुषायदृ॒भुर्वाजा॑य॒ द्रवि॑णं॒ नरो॒ गोः । अनु॑ स्व॒जां म॑हि॒षश्च॑क्षत॒ व्रां मेना॒मश्व॑स्य॒ परि॑ मा॒तरं॒ गोः ॥
ನಕ್ಷ॒ದ್ಧವ॑ಮರು॒ಣೀಃ ಪೂ॒ರ್ವ್ಯಂ ರಾಟ್ ತು॒ರೋ ವಿ॒ಶಾಮಂಗಿ॑ರಸಾ॒ಮನು॒ ದ್ಯೂನ್ । ತಕ್ಷ॒ದ್ವಜ್ರಂ॒ ನಿಯು॑ತಂ ತ॒ಸ್ತಂಭ॒ದ್ದ್ಯಾಂ ಚತು॑ಷ್ಪದೇ॒ ನರ್ಯಾ॑ಯ ದ್ವಿ॒ಪಾದೇ॑ ॥
नक्ष॒द्धव॑मरु॒णीः पू॒र्व्यं राट् तु॒रो वि॒शामंगि॑रसा॒मनु॒ द्यून् । तक्ष॒द्वज्रं॒ नियु॑तं त॒स्तंभ॒द्द्यां चतु॑ष्पदे॒ नर्या॑य द्वि॒पादे॑ ॥
ಅ॒ಸ್ಯ ಮದೇ॑ ಸ್ವ॒ರ್ಯಂ॑ ದಾ ಋ॒ತಾಯಾಪೀ॑ವೃತಮು॒ಸ್ರಿಯಾ॑ಣಾ॒ಮನೀ॑ಕಂ । ಯದ್ಧ॑ ಪ್ರ॒ಸರ್ಗೇ॑ ತ್ರಿಕ॒ಕುಮ್ನಿ॒ವರ್ತ॒ದಪ॒ ದ್ರುಹೋ॒ ಮಾನು॑ಷಸ್ಯ॒ ದುರೋ॑ ವಃ ॥
अ॒स्य मदे॑ स्व॒र्यं॑ दा ऋ॒तायापी॑वृतमु॒स्रिया॑णा॒मनी॑कं । यद्ध॑ प्र॒सर्गे॑ त्रिक॒कुम्नि॒वर्त॒दप॒ द्रुहो॒ मानु॑षस्य॒ दुरो॑ वः ॥
ತುಭ್ಯಂ॒ ಪಯೋ॒ ಯತ್ಪಿ॒ತರಾ॒ವನೀ॑ತಾಂ॒ ರಾಧಃ॑ ಸು॒ರೇತ॑ಸ್ತು॒ರಣೇ॑ ಭುರ॒ಣ್ಯೂ । ಶುಚಿ॒ ಯತ್ತೇ॒ ರೇಕ್ಣ॒ ಆಯ॑ಜಂತ ಸಬ॒ರ್ದುಘಾ॑ಯಾಃ॒ ಪಯ॑ ಉ॒ಸ್ರಿಯಾ॑ಯಾಃ ॥
तुभ्यं॒ पयो॒ यत्पि॒तरा॒वनी॑तां॒ राधः॑ सु॒रेत॑स्तु॒रणे॑ भुर॒ण्यू । शुचि॒ यत्ते॒ रेक्ण॒ आय॑जंत सब॒र्दुघा॑याः॒ पय॑ उ॒स्रिया॑याः ॥
ಅಧ॒ ಪ್ರ ಜ॑ಜ್ಞೇ ತ॒ರಣಿ॑ರ್ಮಮತ್ತು॒ ಪ್ರ ರೋ॑ಚ್ಯ॒ಸ್ಯಾ ಉ॒ಷಸೋ॒ ನ ಸೂರಃ॑ । ಇಂದು॒ರ್ಯೇಭಿ॒ರಾಷ್ಟ॒ ಸ್ವೇದು॑ಹವ್ಯೈಃ ಸ್ರು॒ವೇಣ॑ ಸಿಂ॒ಚಂಜ॒ರಣಾ॒ಭಿ ಧಾಮ॑ ॥
अध॒ प्र ज॑ज्ञे त॒रणि॑र्ममत्तु॒ प्र रो॑च्य॒स्या उ॒षसो॒ न सूरः॑ । इंदु॒र्येभि॒राष्ट॒ स्वेदु॑हव्यैः स्रु॒वेण॑ सिं॒चंज॒रणा॒भि धाम॑ ॥
ಸ್ವಿ॒ಧ್ಮಾ ಯದ್ವ॒ನಧಿ॑ತಿರಪ॒ಸ್ಯಾತ್ಸೂರೋ॑ ಅಧ್ವ॒ರೇ ಪರಿ॒ ರೋಧ॑ನಾ॒ ಗೋಃ । ಯದ್ಧ॑ ಪ್ರ॒ಭಾಸಿ॒ ಕೃತ್ವ್ಯಾಁ॒ ಅನು॒ ದ್ಯೂನನ॑ರ್ವಿಶೇ ಪ॒ಶ್ವಿಷೇ॑ ತು॒ರಾಯ॑ ॥
स्वि॒ध्मा यद्व॒नधि॑तिरप॒स्यात्सूरो॑ अध्व॒रे परि॒ रोध॑ना॒ गोः । यद्ध॑ प्र॒भासि॒ कृत्व्याँ॒ अनु॒ द्यूनन॑र्विशे प॒श्विषे॑ तु॒राय॑ ॥
ಅ॒ಷ್ಟಾ ಮ॒ಹೋ ದಿ॒ವ ಆದೋ॒ ಹರೀ॑ ಇ॒ಹ ದ್ಯು॑ಮ್ನಾ॒ಸಾಹ॑ಮ॒ಭಿ ಯೋ॑ಧಾ॒ನ ಉತ್ಸಂ॑ । ಹರಿಂ॒ ಯತ್ತೇ॑ ಮಂ॒ದಿನಂ॑ ದು॒ಕ್ಷನ್ವೃ॒ಧೇ ಗೋರ॑ಭಸ॒ಮದ್ರಿ॑ಭಿರ್ವಾ॒ತಾಪ್ಯಂ॑ ॥
अ॒ष्टा म॒हो दि॒व आदो॒ हरी॑ इ॒ह द्यु॑म्ना॒साह॑म॒भि यो॑धा॒न उत्सं॑ । हरिं॒ यत्ते॑ मं॒दिनं॑ दु॒क्षन्वृ॒धे गोर॑भस॒मद्रि॑भिर्वा॒ताप्यं॑ ॥
ತ್ವಮಾ॑ಯ॒ಸಂ ಪ್ರತಿ॑ ವರ್ತಯೋ॒ ಗೋರ್ದಿ॒ವೋ ಅಶ್ಮಾ॑ನ॒ಮುಪ॑ನೀತ॒ಮೃಭ್ವಾ॑ । ಕುತ್ಸಾ॑ಯ॒ ಯತ್ರ॑ ಪುರುಹೂತ ವ॒ನ್ವಂಛುಷ್ಣ॑ಮನಂ॒ತೈಃ ಪ॑ರಿ॒ಯಾಸಿ॑ ವ॒ಧೈಃ ॥
त्वमा॑य॒सं प्रति॑ वर्तयो॒ गोर्दि॒वो अश्मा॑न॒मुप॑नीत॒मृभ्वा॑ । कुत्सा॑य॒ यत्र॑ पुरुहूत व॒न्वंछुष्ण॑मनं॒तैः प॑रि॒यासि॑ व॒धैः ॥
ಪು॒ರಾ ಯತ್ಸೂರ॒ಸ್ತಮ॑ಸೋ॒ ಅಪೀ॑ತೇ॒ಸ್ತಮ॑ದ್ರಿವಃ ಫಲಿ॒ಗಂ ಹೇ॒ತಿಮ॑ಸ್ಯ । ಶುಷ್ಣ॑ಸ್ಯ ಚಿ॒ತ್ಪರಿ॑ಹಿತಂ॒ ಯದೋಜೋ॑ ದಿ॒ವಸ್ಪರಿ॒ ಸುಗ್ರ॑ಥಿತಂ॒ ತದಾದಃ॑ ॥
पु॒रा यत्सूर॒स्तम॑सो॒ अपी॑ते॒स्तम॑द्रिवः फलि॒गं हे॒तिम॑स्य । शुष्ण॑स्य चि॒त्परि॑हितं॒ यदोजो॑ दि॒वस्परि॒ सुग्र॑थितं॒ तदादः॑ ॥
ಅನು॑ ತ್ವಾ ಮ॒ಹೀ ಪಾಜ॑ಸೀ ಅಚ॒ಕ್ರೇ ದ್ಯಾವಾ॒ಕ್ಷಾಮಾ॑ ಮದತಾಮಿಂದ್ರ॒ ಕರ್ಮ॑ನ್ । ತ್ವಂ ವೃ॒ತ್ರಮಾ॒ಶಯಾ॑ನಂ ಸಿ॒ರಾಸು॑ ಮ॒ಹೋ ವಜ್ರೇ॑ಣ ಸಿಷ್ವಪೋ ವ॒ರಾಹುಂ॑ ॥
अनु॑ त्वा म॒ही पाज॑सी अच॒क्रे द्यावा॒क्षामा॑ मदतामिंद्र॒ कर्म॑न् । त्वं वृ॒त्रमा॒शया॑नं सि॒रासु॑ म॒हो वज्रे॑ण सिष्वपो व॒राहुं॑ ॥
ತ್ವಮಿಂ॑ದ್ರ॒ ನರ್ಯೋ॒ ಯಾಁ ಅವೋ॒ ನೄಂತಿಷ್ಠಾ॒ ವಾತ॑ಸ್ಯ ಸು॒ಯುಜೋ॒ ವಹಿ॑ಷ್ಠಾನ್ । ಯಂ ತೇ॑ ಕಾ॒ವ್ಯ ಉ॒ಶನಾ॑ ಮಂ॒ದಿನಂ॒ ದಾದ್ವೃ॑ತ್ರ॒ಹಣಂ॒ ಪಾರ್ಯಂ॑ ತತಕ್ಷ॒ ವಜ್ರಂ॑ ॥
त्वमिं॑द्र॒ नर्यो॒ याँ अवो॒ नॄंतिष्ठा॒ वात॑स्य सु॒युजो॒ वहि॑ष्ठान् । यं ते॑ का॒व्य उ॒शना॑ मं॒दिनं॒ दाद्वृ॑त्र॒हणं॒ पार्यं॑ ततक्ष॒ वज्रं॑ ॥
ತ್ವಂ ಸೂರೋ॑ ಹ॒ರಿತೋ॑ ರಾಮಯೋ॒ ನೄನ್ಭರ॑ಚ್ಚ॒ಕ್ರಮೇತ॑ಶೋ॒ ನಾಯಮಿಂ॑ದ್ರ । ಪ್ರಾಸ್ಯ॑ ಪಾ॒ರಂ ನ॑ವ॒ತಿಂ ನಾ॒ವ್ಯಾ॑ನಾ॒ಮಪಿ॑ ಕ॒ರ್ತಮ॑ವರ್ತ॒ಯೋಽಯ॑ಜ್ಯೂನ್ ॥
त्वं सूरो॑ ह॒रितो॑ रामयो॒ नॄन्भर॑च्च॒क्रमेत॑शो॒ नायमिं॑द्र । प्रास्य॑ पा॒रं न॑व॒तिं ना॒व्या॑ना॒मपि॑ क॒र्तम॑वर्त॒योऽय॑ज्यून् ॥
ತ್ವಂ ನೋ॑ ಅ॒ಸ್ಯಾ ಇಂ॑ದ್ರ ದು॒ರ್ಹಣಾ॑ಯಾಃ ಪಾ॒ಹಿ ವ॑ಜ್ರಿವೋ ದುರಿ॒ತಾದ॒ಭೀಕೇ॑ । ಪ್ರ ನೋ॒ ವಾಜಾ॑ನ್ರ॒ಥ್ಯೋ॒೩॒॑ ಅಶ್ವ॑ಬುಧ್ಯಾನಿ॒ಷೇ ಯಂ॑ಧಿ॒ ಶ್ರವ॑ಸೇ ಸೂ॒ನೃತಾ॑ಯೈ ॥
त्वं नो॑ अ॒स्या इं॑द्र दु॒र्हणा॑याः पा॒हि व॑ज्रिवो दुरि॒ताद॒भीके॑ । प्र नो॒ वाजा॑न्र॒थ्यो॒३॒॑ अश्व॑बुध्यानि॒षे यं॑धि॒ श्रव॑से सू॒नृता॑यै ॥
ಮಾ ಸಾ ತೇ॑ ಅ॒ಸ್ಮತ್ಸು॑ಮ॒ತಿರ್ವಿ ದ॑ಸ॒ದ್ವಾಜ॑ಪ್ರಮಹಃ॒ ಸಮಿಷೋ॑ ವರಂತ । ಆ ನೋ॑ ಭಜ ಮಘವ॒ನ್ಗೋಷ್ವ॒ರ್ಯೋ ಮಂಹಿ॑ಷ್ಠಾಸ್ತೇ ಸಧ॒ಮಾದಃ॑ ಸ್ಯಾಮ ॥
मा सा ते॑ अ॒स्मत्सु॑म॒तिर्वि द॑स॒द्वाज॑प्रमहः॒ समिषो॑ वरंत । आ नो॑ भज मघव॒न्गोष्व॒र्यो मंहि॑ष्ठास्ते सध॒मादः॑ स्याम ॥