ಈ ಸೂಕ್ತಕ್ಕೆ ಅಡ್ಮಿನ್‌ನಲ್ಲಿ ಕನ್ನಡ ಅಧ್ಯಯನ ಮಾರ್ಗದರ್ಶಿ (Study Guide) ಇನ್ನೂ ರಚನೆಯಾಗಿಲ್ಲ. ಅಡ್ಮಿನ್‌ನಲ್ಲಿ Generate Study Guides ಮೂಲಕ ಕನ್ನಡ ಭಾಷೆಯನ್ನು ಆಯ್ಕೆಮಾಡಿ ರಚಿಸಬಹುದು.
ಅ॒ನ॒ರ್ವಾಣಂ॑ ವೃಷ॒ಭಂ ಮಂ॒ದ್ರಜಿ॑ಹ್ವಂ॒ ಬೃಹ॒ಸ್ಪತಿಂ॑ ವರ್ಧಯಾ॒ ನವ್ಯ॑ಮ॒ರ್ಕೈಃ । ಗಾ॒ಥಾ॒ನ್ಯಃ॑ ಸು॒ರುಚೋ॒ ಯಸ್ಯ॑ ದೇ॒ವಾ ಆ॑ಶೃ॒ಣ್ವಂತಿ॒ ನವ॑ಮಾನಸ್ಯ॒ ಮರ್ತಾಃ॑ ॥
अ॒न॒र्वाणं॑ वृष॒भं मं॒द्रजि॑ह्वं॒ बृह॒स्पतिं॑ वर्धया॒ नव्य॑म॒र्कैः । गा॒था॒न्यः॑ सु॒रुचो॒ यस्य॑ दे॒वा आ॑शृ॒ण्वंति॒ नव॑मानस्य॒ मर्ताः॑ ॥
ತಮೃ॒ತ್ವಿಯಾ॒ ಉಪ॒ ವಾಚಃ॑ ಸಚಂತೇ॒ ಸರ್ಗೋ॒ ನ ಯೋ ದೇ॑ವಯ॒ತಾಮಸ॑ರ್ಜಿ । ಬೃಹ॒ಸ್ಪತಿಃ॒ ಸ ಹ್ಯಂಜೋ॒ ವರಾಂ॑ಸಿ॒ ವಿಭ್ವಾಭ॑ವ॒ತ್ಸಮೃ॒ತೇ ಮಾ॑ತ॒ರಿಶ್ವಾ॑ ॥
तमृ॒त्विया॒ उप॒ वाचः॑ सचंते॒ सर्गो॒ न यो दे॑वय॒तामस॑र्जि । बृह॒स्पतिः॒ स ह्यंजो॒ वरां॑सि॒ विभ्वाभ॑व॒त्समृ॒ते मा॑त॒रिश्वा॑ ॥
ಉಪ॑ಸ್ತುತಿಂ॒ ನಮ॑ಸ॒ ಉದ್ಯ॑ತಿಂ ಚ॒ ಶ್ಲೋಕಂ॑ ಯಂಸತ್ಸವಿ॒ತೇವ॒ ಪ್ರ ಬಾ॒ಹೂ । ಅ॒ಸ್ಯ ಕ್ರತ್ವಾ॑ಹ॒ನ್ಯೋ॒೩॒॑ ಯೋ ಅಸ್ತಿ॑ ಮೃ॒ಗೋ ನ ಭೀ॒ಮೋ ಅ॑ರ॒ಕ್ಷಸ॒ಸ್ತುವಿ॑ಷ್ಮಾನ್ ॥
उप॑स्तुतिं॒ नम॑स॒ उद्य॑तिं च॒ श्लोकं॑ यंसत्सवि॒तेव॒ प्र बा॒हू । अ॒स्य क्रत्वा॑ह॒न्यो॒३॒॑ यो अस्ति॑ मृ॒गो न भी॒मो अ॑र॒क्षस॒स्तुवि॑ष्मान् ॥
ಅ॒ಸ್ಯ ಶ್ಲೋಕೋ॑ ದಿ॒ವೀಯ॑ತೇ ಪೃಥಿ॒ವ್ಯಾಮತ್ಯೋ॒ ನ ಯಂ॑ಸದ್ಯಕ್ಷ॒ಭೃದ್ವಿಚೇ॑ತಾಃ । ಮೃ॒ಗಾಣಾಂ॒ ನ ಹೇ॒ತಯೋ॒ ಯಂತಿ॑ ಚೇ॒ಮಾ ಬೃಹ॒ಸ್ಪತೇ॒ರಹಿ॑ಮಾಯಾಁ ಅ॒ಭಿ ದ್ಯೂನ್ ॥
अ॒स्य श्लोको॑ दि॒वीय॑ते पृथि॒व्यामत्यो॒ न यं॑सद्यक्ष॒भृद्विचे॑ताः । मृ॒गाणां॒ न हे॒तयो॒ यंति॑ चे॒मा बृह॒स्पते॒रहि॑मायाँ अ॒भि द्यून् ॥
ಯೇ ತ್ವಾ॑ ದೇವೋಸ್ರಿ॒ಕಂ ಮನ್ಯ॑ಮಾನಾಃ ಪಾ॒ಪಾ ಭ॒ದ್ರಮು॑ಪ॒ಜೀವಂ॑ತಿ ಪ॒ಜ್ರಾಃ । ನ ದೂ॒ಢ್ಯೇ॒೩॒॑ ಅನು॑ ದದಾಸಿ ವಾ॒ಮಂ ಬೃಹ॑ಸ್ಪತೇ॒ ಚಯ॑ಸ॒ ಇತ್ಪಿಯಾ॑ರುಂ ॥
ये त्वा॑ देवोस्रि॒कं मन्य॑मानाः पा॒पा भ॒द्रमु॑प॒जीवं॑ति प॒ज्राः । न दू॒ढ्ये॒३॒॑ अनु॑ ददासि वा॒मं बृह॑स्पते॒ चय॑स॒ इत्पिया॑रुं ॥
ಸು॒ಪ್ರೈತುಃ॑ ಸೂ॒ಯವ॑ಸೋ॒ ನ ಪಂಥಾ॑ ದುರ್ನಿ॒ಯಂತುಃ॒ ಪರಿ॑ಪ್ರೀತೋ॒ ನ ಮಿ॒ತ್ರಃ । ಅ॒ನ॒ರ್ವಾಣೋ॑ ಅ॒ಭಿ ಯೇ ಚಕ್ಷ॑ತೇ॒ ನೋಽಪೀ॑ವೃತಾ ಅಪೋರ್ಣು॒ವಂತೋ॑ ಅಸ್ಥುಃ ॥
सु॒प्रैतुः॑ सू॒यव॑सो॒ न पंथा॑ दुर्नि॒यंतुः॒ परि॑प्रीतो॒ न मि॒त्रः । अ॒न॒र्वाणो॑ अ॒भि ये चक्ष॑ते॒ नोऽपी॑वृता अपोर्णु॒वंतो॑ अस्थुः ॥
ಸಂ ಯಂ ಸ್ತುಭೋ॒ಽವನ॑ಯೋ॒ ನ ಯಂತಿ॑ ಸಮು॒ದ್ರಂ ನ ಸ್ರ॒ವತೋ॒ ರೋಧ॑ಚಕ್ರಾಃ । ಸ ವಿ॒ದ್ವಾಁ ಉ॒ಭಯಂ॑ ಚಷ್ಟೇ ಅಂ॒ತರ್ಬೃಹ॒ಸ್ಪತಿ॒ಸ್ತರ॒ ಆಪ॑ಶ್ಚ॒ ಗೃಧ್ರಃ॑ ॥
सं यं स्तुभो॒ऽवन॑यो॒ न यंति॑ समु॒द्रं न स्र॒वतो॒ रोध॑चक्राः । स वि॒द्वाँ उ॒भयं॑ चष्टे अं॒तर्बृह॒स्पति॒स्तर॒ आप॑श्च॒ गृध्रः॑ ॥
ಏ॒ವಾ ಮ॒ಹಸ್ತು॑ವಿಜಾ॒ತಸ್ತುವಿ॑ಷ್ಮಾ॒ನ್ಬೃಹ॒ಸ್ಪತಿ॑ರ್ವೃಷ॒ಭೋ ಧಾ॑ಯಿ ದೇ॒ವಃ । ಸ ನಃ॑ ಸ್ತು॒ತೋ ವೀ॒ರವ॑ದ್ಧಾತು॒ ಗೋಮ॑ದ್ವಿ॒ದ್ಯಾಮೇ॒ಷಂ ವೃ॒ಜನಂ॑ ಜೀ॒ರದಾ॑ನುಂ ॥
ए॒वा म॒हस्तु॑विजा॒तस्तुवि॑ष्मा॒न्बृह॒स्पति॑र्वृष॒भो धा॑यि दे॒वः । स नः॑ स्तु॒तो वी॒रव॑द्धातु॒ गोम॑द्वि॒द्यामे॒षं वृ॒जनं॑ जी॒रदा॑नुं ॥