ಈ ಸೂಕ್ತಕ್ಕೆ ಅಡ್ಮಿನ್‌ನಲ್ಲಿ ಕನ್ನಡ ಅಧ್ಯಯನ ಮಾರ್ಗದರ್ಶಿ (Study Guide) ಇನ್ನೂ ರಚನೆಯಾಗಿಲ್ಲ. ಅಡ್ಮಿನ್‌ನಲ್ಲಿ Generate Study Guides ಮೂಲಕ ಕನ್ನಡ ಭಾಷೆಯನ್ನು ಆಯ್ಕೆಮಾಡಿ ರಚಿಸಬಹುದು.
ಏತಿ॒ ಪ್ರ ಹೋತಾ॑ ವ್ರ॒ತಮ॑ಸ್ಯ ಮಾ॒ಯಯೋ॒ರ್ಧ್ವಾಂ ದಧಾ॑ನಃ॒ ಶುಚಿ॑ಪೇಶಸಂ॒ ಧಿಯಂ॑ । ಅ॒ಭಿ ಸ್ರುಚಃ॑ ಕ್ರಮತೇ ದಕ್ಷಿಣಾ॒ವೃತೋ॒ ಯಾ ಅ॑ಸ್ಯ॒ ಧಾಮ॑ ಪ್ರಥ॒ಮಂ ಹ॒ ನಿಂಸ॑ತೇ ॥
एति॒ प्र होता॑ व्र॒तम॑स्य मा॒ययो॒र्ध्वां दधा॑नः॒ शुचि॑पेशसं॒ धियं॑ । अ॒भि स्रुचः॑ क्रमते दक्षिणा॒वृतो॒ या अ॑स्य॒ धाम॑ प्रथ॒मं ह॒ निंस॑ते ॥
ಅ॒ಭೀಮೃ॒ತಸ್ಯ॑ ದೋ॒ಹನಾ॑ ಅನೂಷತ॒ ಯೋನೌ॑ ದೇ॒ವಸ್ಯ॒ ಸದ॑ನೇ॒ ಪರೀ॑ವೃತಾಃ । ಅ॒ಪಾಮು॒ಪಸ್ಥೇ॒ ವಿಭೃ॑ತೋ॒ ಯದಾವ॑ಸ॒ದಧ॑ ಸ್ವ॒ಧಾ ಅ॑ಧಯ॒ದ್ಯಾಭಿ॒ರೀಯ॑ತೇ ॥
अ॒भीमृ॒तस्य॑ दो॒हना॑ अनूषत॒ योनौ॑ दे॒वस्य॒ सद॑ने॒ परी॑वृताः । अ॒पामु॒पस्थे॒ विभृ॑तो॒ यदाव॑स॒दध॑ स्व॒धा अ॑धय॒द्याभि॒रीय॑ते ॥
ಯುಯೂ॑ಷತಃ॒ ಸವ॑ಯಸಾ॒ ತದಿದ್ವಪುಃ॑ ಸಮಾ॒ನಮರ್ಥಂ॑ ವಿ॒ತರಿ॑ತ್ರತಾ ಮಿ॒ಥಃ । ಆದೀಂ॒ ಭಗೋ॒ ನ ಹವ್ಯಃ॒ ಸಮ॒ಸ್ಮದಾ ವೋಳ್ಹು॒ರ್ನ ರ॒ಶ್ಮೀನ್ತ್ಸಮ॑ಯಂಸ್ತ॒ ಸಾರ॑ಥಿಃ ॥
युयू॑षतः॒ सव॑यसा॒ तदिद्वपुः॑ समा॒नमर्थं॑ वि॒तरि॑त्रता मि॒थः । आदीं॒ भगो॒ न हव्यः॒ सम॒स्मदा वोळ्हु॒र्न र॒श्मीन्त्सम॑यंस्त॒ सार॑थिः ॥
ಯಮೀಂ॒ ದ್ವಾ ಸವ॑ಯಸಾ ಸಪ॒ರ್ಯತಃ॑ ಸಮಾ॒ನೇ ಯೋನಾ॑ ಮಿಥು॒ನಾ ಸಮೋ॑ಕಸಾ । ದಿವಾ॒ ನ ನಕ್ತಂ॑ ಪಲಿ॒ತೋ ಯುವಾ॑ಜನಿ ಪು॒ರೂ ಚರ॑ನ್ನ॒ಜರೋ॒ ಮಾನು॑ಷಾ ಯು॒ಗಾ ॥
यमीं॒ द्वा सव॑यसा सप॒र्यतः॑ समा॒ने योना॑ मिथु॒ना समो॑कसा । दिवा॒ न नक्तं॑ पलि॒तो युवा॑जनि पु॒रू चर॑न्न॒जरो॒ मानु॑षा यु॒गा ॥
ತಮೀಂ॑ ಹಿನ್ವಂತಿ ಧೀ॒ತಯೋ॒ ದಶ॒ ವ್ರಿಶೋ॑ ದೇ॒ವಂ ಮರ್ತಾ॑ಸ ಊ॒ತಯೇ॑ ಹವಾಮಹೇ । ಧನೋ॒ರಧಿ॑ ಪ್ರ॒ವತ॒ ಆ ಸ ಋ॑ಣ್ವತ್ಯಭಿ॒ವ್ರಜ॑ದ್ಭಿರ್ವ॒ಯುನಾ॒ ನವಾ॑ಧಿತ ॥
तमीं॑ हिन्वंति धी॒तयो॒ दश॒ व्रिशो॑ दे॒वं मर्ता॑स ऊ॒तये॑ हवामहे । धनो॒रधि॑ प्र॒वत॒ आ स ऋ॑ण्वत्यभि॒व्रज॑द्भिर्व॒युना॒ नवा॑धित ॥
ತ್ವಂ ಹ್ಯ॑ಗ್ನೇ ದಿ॒ವ್ಯಸ್ಯ॒ ರಾಜ॑ಸಿ॒ ತ್ವಂ ಪಾರ್ಥಿ॑ವಸ್ಯ ಪಶು॒ಪಾ ಇ॑ವ॒ ತ್ಮನಾ॑ । ಏನೀ॑ ತ ಏ॒ತೇ ಬೃ॑ಹ॒ತೀ ಅ॑ಭಿ॒ಶ್ರಿಯಾ॑ ಹಿರ॒ಣ್ಯಯೀ॒ ವಕ್ವ॑ರೀ ಬ॒ರ್ಹಿರಾ॑ಶಾತೇ ॥
त्वं ह्य॑ग्ने दि॒व्यस्य॒ राज॑सि॒ त्वं पार्थि॑वस्य पशु॒पा इ॑व॒ त्मना॑ । एनी॑ त ए॒ते बृ॑ह॒ती अ॑भि॒श्रिया॑ हिर॒ण्ययी॒ वक्व॑री ब॒र्हिरा॑शाते ॥
ಅಗ್ನೇ॑ ಜು॒ಷಸ್ವ॒ ಪ್ರತಿ॑ ಹರ್ಯ॒ ತದ್ವಚೋ॒ ಮಂದ್ರ॒ ಸ್ವಧಾ॑ವ॒ ಋತ॑ಜಾತ॒ ಸುಕ್ರ॑ತೋ । ಯೋ ವಿ॒ಶ್ವತಃ॑ ಪ್ರ॒ತ್ಯಙ್ಙಸಿ॑ ದರ್ಶ॒ತೋ ರ॒ಣ್ವಃ ಸಂದೃ॑ಷ್ಟೌ ಪಿತು॒ಮಾಁ ಇ॑ವ॒ ಕ್ಷಯಃ॑ ॥
अग्ने॑ जु॒षस्व॒ प्रति॑ हर्य॒ तद्वचो॒ मंद्र॒ स्वधा॑व॒ ऋत॑जात॒ सुक्र॑तो । यो वि॒श्वतः॑ प्र॒त्यङ्ङसि॑ दर्श॒तो र॒ण्वः संदृ॑ष्टौ पितु॒माँ इ॑व॒ क्षयः॑ ॥